San Mateo 14:36 - Tüpä Ñe'ëngagwer

³⁶ iyavei oporandu Jesús upe, opoko va'erä iturukwar popɨ rese yuvɨreko; opakatu opoko va'e iturukwar popɨ rese, a'e opa ite okwera yuvɨreko.

Tũpa Ñehengagüer

³⁶ aipo ehi yuvɨreco: “Topocomi tẽi nde turucuar popɨ rese yuvɨreco” ehi; evocoiyase opacatu sese opoco vahe, ocuerapa voi eté yuvɨreco.

San Mateo 14:36 Iomraidhean Croise

San Mateo 14:35

Ava a'e pendar oikwa voi ete Jesús, iyavei ñe'ësa sesendar oikwa opakatu tekwami rupi omombe'u-mbe'u ava upe yuvɨreko. Vɨraso avei imba'easɨ va'e yuvɨreko chupe,

San Mateo 23:5

Oyapo anga'u mba'e opakatu ava rembiepiave yuvɨreko yepi. Tayande repia yuvɨreko oyapave tëi osɨva rese oyɨva rese avei Ikwachiaprɨ turukwar ipɨ va'e iyavei ipuku va'e rese, omonde avei oturukwar ipopɨ omoarö tuprɨai katu va'e yuvɨreko.

San Marcos 3:10

Esepia seta ava imba'easɨ va'e ombogwera, sese opakatu ambuae imba'easɨ va'e yuvɨraso chupe sese opoko agwä.

San Marcos 6:56

Oyepotase akoi Jesús ñepëi tekwave oso, inungar-ra tekwami popɨve, tekwa gwasuve, anise ka'a pɨpe, a'e supi imba'easɨ va'e okar rupi vɨnosepa voi yuvɨreko topokomi tëi nde turukwar popɨ rese e'i yuvɨreko chupe; evokoiyase opakatu sese opoko va'e, okwerapa voi ete.

San Marcos 8:22

Oyepotase tekwa Betsaida ve yuvɨraso, a'e ramoseve voi gweru ndasesapɨsoi va'e Jesús upe, epokomi tëi sese oya yuvɨreko.

San Lucas 6:19

Evokoiyase opakatu ava opoko pota Jesús rese yuvɨreko, esepia ni'ä a'e ombogwera opakatu ava gweko pirätäsa pɨpe oiko.

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

San Juan 7:23

Supiete kurïtëi, Moisés porokwaita mboavɨye agwä pemocircuncida chi'ïvä'e mbɨtu'usa arɨ pɨpe yepi, ¿ma'erä vo evokoiyase peñemoɨrö cheu ambogwerase ñepëi mbɨa mbɨtu'usa arɨ pɨpe?

Los Hechos 3:16

Ko Jesús rer rese yeroya pɨpe ni'ä oipɨsɨ pirätäsa ko mbɨa ndogwatai va'ekwer opakatu pesepia va'e iyavei peikwa va'e. Jesús rese yeroyasa pɨpe ite ni'ä ko pe rembiepiave okwera tuprɨ.”