San Mateo 13:54 - Tüpä Ñe'ëngagwer

⁵⁴ oyepota gwekwave oso, a'eve omboɨpɨ oporombo'e ava oɨ judío ñemonu'äsave. A'e pendar ava rumo oyepɨ'amondɨi tëi aipo e'i yuvɨreko: –¿Ke pi'ä ko oyembo'e iteanga omba'ekwa agwä? ¿Marä e'i pi'ä ko mba'e poromondɨisa apo?

Tũpa Ñehengagüer

⁵⁴ oyepota güecuave oso. Aheve ombohe ava judío tũparo pɨpe oico. Evocoiyase ahe pendar ava oyepɨhamondɨi tẽi: —¿Que pĩha co ava oyembohe catu ombahecua ãgua? iyavei, ¿mara ehi pĩha co mbahe poromondɨisa apo? —ehi yuvɨreco—.

San Mateo 13:54 Iomraidhean Croise

San Mateo 2:23

Oyepotase yuvɨraso a'eve, oyemboerekwa va'erä tekwa Nazaret ve. Ko yavɨye ite Tüpä ñe'ëngagwer mombe'usar rupi: Jesús serer-ra Nazaret ɨgwar e'i va'e.

San Mateo 4:23

Jesús ogwata opakatu Galilea ɨvɨ rupi, oporombo'e oɨ judío ñemonu'äsave tekwa yakatu rupi. A'eve ñe'ësa avɨye va'e omombe'u Tüpä mborerekwasa resendar, ombogwera avei opakatu-katu tëi mba'erasɨsa ava vɨreko va'e sui.

San Mateo 7:28

Opase Jesús oñe'ë, opakatu ava re'ɨi ndoyembovɨ'ai tëi marä e'i rutei iporombo'esa e'i tëi yuvɨreko chupe,

San Lucas 2:47

Iyavei opakatu ava iñe'ë rendusar ndoyembovɨ'ai tëi imba'ekwasa rese, esepia oyapose porandusa yuvɨreko chupe, omboyevɨ tuprɨ voiño ite.

San Juan 1:11

Supiete ou gwekwave, sekwa pendar rumo ndoipɨsɨi yuvɨreko.

Los Hechos 13:46

Evokoiyase Pablo iyavei Bernabé, oñe'ë sɨkɨye e'ɨ̇sa pɨpe, ipare omboyevɨ yuvɨreko chupe: –Ore ikwaiprɨ ite oromombe'u va'erä Tüpä ñe'ëngagwer peü ranegätu, judío peiko va'e; pe rumo ndapeyapɨsaka potai sese iyavei ndapei potai peiko va'erä tekovesa apɨre'ɨ̇ pɨpe, evokoiyase orosora, oroñe'ë ava nda'ei va'e judío upe.

Los Hechos 4:13

Mborerekwar osepiase iyembosɨkɨye e'ɨ̇sa yuvɨreko, marä e'i pi'ä ko mbɨa ava tëi ndoyembo'ei va'e ni'ä e'i yuvɨreko chupe, ichui oikwa Jesús remimbo'egwer sekose yuvɨreko.