San Mateo 13:46 - Tüpä Ñe'ëngagwer

⁴⁶ oyosɨse rumo sepɨrusu katu va'e, vɨraso imondopa opakatu mba'e vɨreko va'e ipare oso ambuae rerokwa.”

Tũpa Ñehengagüer

⁴⁶ Ahe oyosuse mbohɨr sepɨ catu vahe, oso opacatu ombahe mondo co sepɨ catu vahe rerocua ãgua.

San Mateo 13:46 Iomraidhean Croise

San Mateo 13:44

“Ko Tüpä mborerekwasa ɨva pendar oyoya tuprɨ mba'e sepɨrusuai va'e ñomiprɨ ɨvɨ pɨpendar rese. Ñepëi ava rumo oyosɨ mba'e sepɨrusuai va'e, ipare oñomi iri a'eve tuprɨ aveino; ovɨ'aretesa pɨpe, oso ipare omondopa opakatu mba'e vɨreko va'e, ichui opa a'e ɨvɨ vɨrokwa.”

San Mateo 13:45

“Egwë e'i tuprɨ avei Tüpä mborerekwasa inungar ava mba'e rerokwasar oseka va'e ita sepɨrusuai va'e yepi;

San Mateo 13:47

“Tüpä mborerekwasa inungar pira mbo'asa, imondosa paragwasu pɨpe, ipare omonu'ä opakatu-katu tëi pira.

Los Hechos 20:24

Ndacherekate'ɨ̇i rumo cheyese, che mano agwä, che amboavɨye rane itera yande Yar Jesús porokwaita ñe'ësa avɨye va'e mombe'u Tüpä poroaɨsusa resendar vichiko.”

Gálatas 6:14

Che rumo ndayemboɨvate potai ete, yande Yar Jesucristo mano agwer kurusu reseaño ite ayembovɨ'a. Cristo mano agwer sui ko ɨvɨ pɨpendar opa ite omano yuvɨreko cheu, che evokoiyase inungar omano va'e aiko ko ɨvɨ pɨpendar upe.

Efesios 3:8

Che rekokwer ni'ä ɨvɨ kotɨ katu opakatu ambuae Tüpä reroyasar sui; a'e rumo ombou oporovasasa ko mboravɨkɨsa ñe'ësa avɨye va'e Cristo rekokwer resendar mombe'u agwä ava nda'ei va'e judío upe narä cheu.

Colosenses 2:3

a'e vɨreko opakatu mba'e yande mboarakwa agwä, mba'e rendukwa tuprɨ agwä avei.

Apocalipsis 18:12

ko opakatu mba'e sepɨ va'erä a'e oro, gwarepochi, ita iporañeteai va'e, mbo'ɨrɨ sendɨ va'e, turukwar sekose va'e, turukwar sendɨ va'e, iyavei piräumbɨ va'e, pirä va'e no; iyavei opakatu-katu tëi ɨvɨrape sɨäkwä va'e; mba'e-mba'emi marfil apoprɨ, ɨvɨra ikatuprɨ va'e apoprɨ, bronce apoprɨ, gwarepochi apoprɨ, mármol avei;

Apocalipsis 21:21

Imboopayandepo yovaivesa ñuvɨrïo tuprɨ va'e okenda gwasu a'e imboopayandepo yovaivesa ñuvɨrïo tuprɨ mbo'ɨrɨ; ñepëi-pëi okenda ñepëi mbo'ɨrɨ sui yapoprɨ. Okar gwasu tekwa avɨter rupindar evokoiyase oro päve, inungar yepiasa ipore'ɨ̇ tuprɨ va'e mba'e ipɨpe.