San Mateo 13:39 - Tüpä Ñe'ëngagwer

³⁹ iyavei yamotare'ɨ̇sar oñotɨ̇ ko ka'a naporäi va'e, a'e karugwar ite. Mba'e mitɨ̇ monu'äprɨ a'e inungar opa va'erä arɨ kañɨ koiye, iyavei akoi omonu'ä va'e mba'e mitɨ̇, a'e yuvɨrekoi mbigwai ɨva pendar.

Tũpa Ñehengagüer

³⁹ Acoi yamotarẽhɨmbar, oñotɨ vahe caha, ahe niha Caruguar ité. Evocoiyase arɨ mbahe mitɨ pohosa, ahe arɨ cañɨsa; acoi omonuha vahe mbahe mitɨ, ahe Tũpa rembiguai ɨva pendar yuvɨreco.

San Mateo 13:39 Iomraidhean Croise

San Mateo 12:32

Tüpä iñeröira akoi oñe'ërai va'e ava ɨvate katu va'e Ra'ɨrɨ upe; niñeröi chietera rumo akoi oñe'ërai va'e Espíritu Maräne'ɨ̇ rese, ko ɨvɨ pɨpe iyavei koiye katu no.”

San Mateo 13:22

Mba'e rä'ɨi ñotɨ̇mbrɨ yu pa'ü rupi, a'e inungar ava osendu va'e Tüpä ñe'ëngagwer, ko ɨvɨ pɨpendar mba'e eta rese ipɨ'a ñemoñeta gwasuai iyavei mba'e potaraisa pɨpe oyembopa uka oiko. Iyavei opakatu ko Tüpä ñe'ëngagwer omokanɨ, ichui sekokwer ndavɨye iri ete, inungar mba'e mitɨ̇ ndi'ai va'e.

San Mateo 13:25

opakatu yuvɨroke seve rumo, oyepota ñepëi yamotare'ɨ̇sar, oñotɨ̇ ka'a naporäi va'e trigo pa'ü rupi, ipare osoño ichui.

San Mateo 13:28

Mba'e yar rumo aipo e'i chupe: ‘Oime revo che amotare'ɨ̇sar ko oyapo va'e.’ Oporavɨkɨ va'e rumo oporandu yuvɨreko chupe: ‘¿Ereipota vo oroso va'erä ka'a naporäi va'e rapo'opa ichui?’

San Mateo 13:40

Inungar akoi ka'a naporäi va'e imonu'äsa ipare imondosa tatave sapɨ agwä, egwë e'i aveira arɨ kañɨ pɨpe koiye.

San Mateo 13:49

Egwë e'i aveira arɨ kañɨ pɨpe koiye: a'ese mbigwai ɨva pendar yuvɨnosëra opakatu ava ndasekoporäi va'e mboyepepɨ agwä ava seko katuprɨ va'e sui.

San Mateo 24:3

Ipare yuvɨraso ka'a Olivos ve. A'eve Jesús ogwapɨ öi, ichui semimbo'e eta oyemboya oporandu agwä mba'e rese kokotɨ yuvɨreko chupe: –Oroipota eremombe'u oreu mba'ese vo oimerä aipo nungar. ¿Mba'e poromondɨisa rese rane vo ikwasara nde yu agwä iyavei arɨ kañɨ agwä kuri?

San Mateo 25:31

“Che, ava ɨvate katu va'e Ra'ɨrɨ, ayevɨse opakatu che Ru rembigwai ɨva pendar reseve che reko ɨvategwer pɨpe, a'ese agwapɨra che renda porañete va'esave ava rekokwer rese porandu agwä.

San Mateo 28:20

iyavei pembo'era seko tuprɨ agwä opakatu amombe'u va'e rese peü. Che aikora perese arɨ yakatu rupi, opɨtu'use voi ete tekokwer ɨvɨ pɨpendar kuri.

1 Corintios 10:11

Ko opakatu yande ramoi upe mba'e oime va'e araka'e ikwachiaprɨ yande ipa yaiko va'e upe narä, yande sɨkɨye agwä avei.

2 Corintios 11:3

Che rumo asɨkɨye ko mba'e sui, inungar mboi ombopa Eva oporombopasa pɨpe, avɨyeteramo Karugwar pe mbopa aveira pe pɨ'a ñemoñetasa rerova agwä Cristo mboeteisa supiete va'e sui.

2 Corintios 2:17

Ore rumo nda'ei seta ambuae ava nungar tëi oroiko, esepia oromombe'use Tüpä ñe'ëngagwer, nda'ei mba'e pɨsɨ agwä tëi rese egwë oro'e, ore rumo ore pɨ'añemoñeta tuprɨsa pɨpe oromombe'u ko ñe'ësa Tüpä rovake Cristo rese ore rekosa pɨpe, esepia ni'ä ore semimondo oroiko.

Efesios 2:2

Ko ɨvɨ pɨpendar pɨ'a ñemoñetasa rupi tëi peiko iyavei ɨvate rupindar karugwar rerekwar porokwaita tëi avei peroya, a'e Tüpä reroyasare'ɨ̇ ombo'e va'e oiko.

Hebreos 1:2

Kurïtëi rumo oñe'ë yandeu ipa va'e Gwa'ɨrɨ rupi, chupe avei oyapo opakatu mba'e. A'e mba'e sembiapo chupe narä ite.

Hebreos 9:26

Egwë e'ise rumo viña, Cristo evokoiyase omanora ɨvɨ apo suive oiko viña. Kurïtëi rumo Cristo oyemboyekwa ko ipa arɨ rupi ñepëi reseve, apɨre'ɨ̇ va'erä vɨropove'ë agwä gwete Tüpä upe tokañɨpa angaipa oyapave.

1 San Pedro 5:8

Pearakwa kañɨi rene peyesui, pema'emo'ä arɨ rupi peyese, esepia pe amotare'ɨ̇mbar Karugwar pe reko momarä pota yepi inungar yagwar oñarö va'e ogwata tëi oporoeka tamomarä ava oyapave.

San Judas 1:14

Iyavei Henoc, Adán rakɨkwerindar imoñuvɨrïo ova rupi oyesu va'e, a'e oñe'ë evokoi nungar ava naporäi va'e rekokwer rese: “Che asepia che Yar, ouse mbigwai ɨva pendar re'ɨi-re'ɨi rese

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 13:14

Ombopa tëi ava ɨvɨ pɨpendar yuvɨrekoi va'e mba'e poromondɨisa pɨpe evokoi imondosa va'e yapo agwä chupe yɨpɨndar mba'e ɨpɨ vai rovai, ipare oporokwai yapichaprɨ okwera tuprɨ va'e ra'angapo agwä imboeteisave.

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.