San Mateo 13:35 - Tüpä Ñe'ëngagwer

³⁵ Ko rumo yavɨye ite imombe'uprɨ Tüpä ñe'ë mombe'usar rembikwachia araka'endar: “Añe'ëra iyavei amboyoyara porombo'esa ambuae mba'e rese; amombe'u aveira mba'e nipore'ɨ̇i va'e ɨvɨ Tüpä rembiapo suive tuprɨ.”

Tũpa Ñehengagüer

³⁵ Co rumo na ehi Tũpa ñehe mombehusar rembicuachiagüer avɨye ãgua: “Che añehese, amboyoyara che porombohesa ambuae mbahe rese. Iyavei amombehura Tũpa ɨvɨ apo suive mbahe niporẽhɨi vahe” ehi.

San Mateo 13:35 Iomraidhean Croise

San Mateo 13:14

Egwë e'i, yavɨye rane itera ñe'ësa sesendar yuvɨreko Isaías remimombe'ugwer rupi: ‘Pesendu tëira ni'ä, ndapeikwai chira rumo, pesepia tëira ni'ä, ndaperesapɨsoi chietera rumo sese.

San Mateo 13:3

Evokoiyase omboɨpɨ oñe'ë mba'e opakatu porombo'esa oime va'e rese. Aipo e'i ava re'ɨi upe: “Ñepëi ma'etɨ̇sar osë oma'etɨ̇.

San Mateo 25:34

A'ese che Mborerekwar ɨvate katu va'e aipo a'era che akato kotɨndar upe: ‘Perio opakatu, che Ru sui sovasaprɨ peiko va'e, peike che Ru Tüpä mborerekwasa pɨpe; a'e akoi yɨpɨve ɨvɨ apo ramo suive imoigätuprɨ peü narä.

San Mateo 5:2

ipare omboɨpɨ oporombo'e aipo e'i:

San Lucas 10:14

Kuri arɨ kañɨ pɨpe ɨvate katura ñemoɨrösa peü narä ava Tiro iyavei Sidón pendar sui koiye.

San Juan 17:24

“Che Ru, nde ni'ä akoi erembou ko yuvɨrekoi va'e cheu, iyavei aipota a'e yuvɨrekoi che pɨri che rekosave, osepia va'erä che reko porañetesa yuvɨreko, teko porañetesa nde erembou va'e cheu; esepia nde ni'ä yɨpɨve ite che raɨsu eve ko ɨvɨ apoe'ɨ̇seve.

Los Hechos 15:18

Yande Yar, oikwa uka ite ko opakatu mba'e yɨpɨsuive oiko araka'e, kurïtëi rumo omboavɨye ite oñe'ëngawer.’

1 Corintios 2:7

Oroñe'ë katu arakwasa Tüpä suindar ndikwasai va'e rese, a'e yɨpɨve vɨreko va'e ɨvɨ apoe'ɨ̇ vɨteseve, a'e ko omboyekwa ramo va'e yandeu yaiko va'erä teko orɨ apɨre'ɨ̇ va'esave.

Efesios 3:5

ko ñe'ësa ikatuprɨ va'e ndoikwai ete ava yuvɨreko araka'e, kurïtëi rumo Tüpä omboyekwa gwembipe'a yuvɨrekoi va'e upe, a'e sembipe'a Jesús ñe'ë mombe'usar, oñe'ë mombe'usar upe avei omboyekwa oyesuindar Espíritu.

Efesios 3:9

Iyavei ombou che kwaitarä amombe'u tuprɨ va'erä opakatu ava upe, ko Tüpä pɨ'a ñemoñetasa yɨpɨndar ndikwasai va'e, esepia a'e opakatu mba'e aposar sekoi yɨpɨ suive ite nomombe'ui omba'ekwasa sereko.

Hebreos 1:1

Araka'e suive Tüpä oñe'ë yande ramoi eta upe oñe'ë mombe'usar upe avei. Ambuae mba'e rupi oseka imombe'u tuprɨ agwä yuvɨreko chupe.

Apocalipsis 13:8

Ipare omboeteiai sereko yuvɨreko opakatu ava ɨvɨ pɨpendar akoi ɨvɨ apoe'ɨ̇ suive ndovɨrekoi va'e gwerer Ovesami a'e Cristo sekoi va'e kwachiar tekovesa resendar pɨpe, a'e ni'ä akoi yukapɨrer.

Apocalipsis 17:8

Akoi mba'e ɨpɨ vai eresepia va'e, a'e yɨpɨve ite sekoi ko ɨvɨ pɨpe, iyavei kurïtëi a'e ndipo iri; koiye rumo osëra ɨvɨkwar gwasu ipɨkuku va'e sui omano agwä renonde. Akoi ava ɨvɨ pɨpendar ndovɨrekoi va'e gwerer kwachiar tekovesa resendar pɨpe yɨpɨve ɨvɨ apoe'ɨ̇seve yuvɨreko, a'e ndovɨ'ai chira osepiase evokoi mba'e ɨpɨ vai yɨpɨve oikove va'e yuvɨreko, a'e kurïtëi ndipo iri, koiye rumo oyevɨ irira ou ko ɨvɨ pɨpe.