San Mateo 13:25 - Tüpä Ñe'ëngagwer

²⁵ opakatu yuvɨroke seve rumo, oyepota ñepëi yamotare'ɨ̇sar, oñotɨ̇ ka'a naporäi va'e trigo pa'ü rupi, ipare osoño ichui.

Tũpa Ñehengagüer

²⁵ Opacatu ava queseve rumo oyepota yamotarẽhɨsar, caha tẽi rãhɨi oñotɨ trigo pãhuve oso.

San Mateo 13:25 Iomraidhean Croise

San Mateo 13:24

Jesús omombe'u iri ko ambuae mba'e rese yembo'esa oyoya va'e: “Tüpä mborerekwasa oyoya tuprɨ ava oɨvɨ pɨpe mba'e rä'ɨi oñotɨ̇ va'e rese;

San Mateo 13:26

Akoi trigo okwakwase iyavei i'a pota agwä, a'ese oyekwa ka'a naporäi va'e ipa'üve.

San Mateo 13:27

Evokoiyase oporavɨkɨ va'e yuvɨraso omombe'u iyar upe: ‘Ore rerekwar, akoi mba'e rä'ɨi ereñotɨ̇ va'e nde ɨvɨ pɨpe a'e avɨye va'e ite, ¿kesui ru ka'a sorɨ naporäi va'e ipa'üve?’

San Mateo 13:29

A'e rumo aipo e'i chupe: ‘Ani, avɨyeteramo ka'a naporäi va'e rupive pesapo'o tiëtera trigo.

San Mateo 13:30

Avɨye katu peseya tokwakwaño oyoya tuprɨ yavɨyese voi mba'e mitɨ̇; a'ese che ayokwaira oporavɨkɨ va'e ka'a naporäi va'e rane rerokwa agwä imboapu'a uka ipare oñapɨ̇chira sapɨpa, ichui oyapokatura trigo rä'ɨi che mba'e apokatusave yuvɨreko.’ ”

San Mateo 13:39

iyavei yamotare'ɨ̇sar oñotɨ̇ ko ka'a naporäi va'e, a'e karugwar ite. Mba'e mitɨ̇ monu'äprɨ a'e inungar opa va'erä arɨ kañɨ koiye, iyavei akoi omonu'ä va'e mba'e mitɨ̇, a'e yuvɨrekoi mbigwai ɨva pendar.

San Mateo 25:5

Kuña mevɨ ndoyepota apɨ'aise rumo, a'ese opakatu sopesɨi tëi yuvɨreko, koiye opaño ite yuvɨroke ichui.

Gálatas 2:4

Oime rumo amove yande rɨvrɨ anga'u tëi, a'e yuvɨroike mbegwe va'e ore pa'üve yasekoepia rane, supiete ndovɨroyai Moisés porokwaita Cristo Jesús reroyasa pɨpe yuvɨreko oyapave.

Hebreos 12:15

Peñearö tuprɨ katu, tipo eme ava ndoipɨsɨi va'e Tüpä porovasasa pe pa'üve, iyavei tipo eme mba'e tëi ava pɨ'a pɨpe, avɨyeteramo opakatu rese ova tiëtera.

1 San Pedro 5:8

Pearakwa kañɨi rene peyesui, pema'emo'ä arɨ rupi peyese, esepia pe amotare'ɨ̇mbar Karugwar pe reko momarä pota yepi inungar yagwar oñarö va'e ogwata tëi oporoeka tamomarä ava oyapave.

2 San Pedro 2:1

Yuvɨrekove rumo araka'e porombo'esar oporombopa tëi va'e Israel ɨvɨ rupi; oime aveira ni'ä pe pa'üve ko nungar oporombopa tëi va'e yuvɨreko. A'e ñemisa pɨpe oporombo'era kokotɨ tëi va'e ava reko momarä tëi agwä, evokoiya gweko pɨpe rumo ndoikwai yande Yar opɨsɨrösar; ko rumo gwekokwer momba pɨ'aivi agwä tëi egwë e'ira yuvɨreko.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 13:14

Ombopa tëi ava ɨvɨ pɨpendar yuvɨrekoi va'e mba'e poromondɨisa pɨpe evokoi imondosa va'e yapo agwä chupe yɨpɨndar mba'e ɨpɨ vai rovai, ipare oporokwai yapichaprɨ okwera tuprɨ va'e ra'angapo agwä imboeteisave.

Apocalipsis 2:20

Oime rumo mba'e pe rembiavɨ: peñemosaño evokoi kuña Jezabel pe pa'ü pendar upe, a'e akoi oñe'ë tëi anga'u va'e Tüpä rese viña, a'e rumo ombopa tëi oporombo'esa pɨpe che rembigwai iyemboagwasa-gwasa tëi uka agwä sereko iyavei o'u uka mba'e ro'o mba'e ra'anga tëi upe seropove'ëprɨ yuvɨreko chupe.