San Mateo 12:45 - Tüpä Ñe'ëngagwer

⁴⁵ Evokoiyase oso ñuvɨrïo ova karugwar naporäi katu va'e monu'ä oyesui, iyavei opakatu tuprɨ yuvɨroike ava avɨterve, a'e opɨta mba'e tëi katu yɨpɨndar va'e sui. Egwë e'i tuprɨ aveira yuvɨreko ava kurïtëindar ndiporeroyai va'e.”

Tũpa Ñehengagüer

⁴⁵ Sepiase, oso siete caruguar naporai catu vahe reca. Ichui güeruse, oyoya guasu yuvɨroique co mbɨa pɨha pɨpe. Sese mbahe tẽi catu ité secocuer yɨpɨndar güeco agüer sui. Ẽgüe ehi aveira ava cũriteindar ndaseco põrai vahe upe” ehi.

San Mateo 12:45 Iomraidhean Croise

San Mateo 12:24

Osenduse rumo ko, fariseo eta aipo e'i yuvɨreko: “Ko mbɨa karugwar rerekwar Beelzebú, pirätäsa pɨpe tëi omboyepepɨ karugwar ava sui.”

San Mateo 12:44

‘Ayevɨ irira chereko agwerve vicho.’ A'eve oyevɨse oso, osepia iri mbɨa sekokwer inungar oɨ ndiporusai va'e, sa'uvaprɨ tuprɨai öi.

San Mateo 17:21

(Evokoi nungar karugwar imosësa yeruresa yekwakusa pɨpe yepi.)

San Mateo 23:15

“¡Peparaɨsu katu itera, pe Moisés porokwaita rese oporombo'e va'e, pe avei fariseo, pe inungar ava oñe'ë ñotëi va'e tekokwer rese yuvɨreko yepi!, pegwata opakatu ɨvɨ rupi iyavei paragwasu rovai rupi ava mbo'e, ipare rumo pe remimbo'ekwer mba'e tëi katu pe sui, pe nungar karugwar ratave narä tëi pereko uka.”

San Mateo 23:24

¡Pe ava mbo'esar ndasesapɨsoi va'e nungar tëi peiko, pembogwa rutei ñachi'ü pe ɨgwa pɨpe sui; camello rumo pemokoño ite!”

San Marcos 16:9

Jesús okwerayevɨre añi'ïvëive domingo pɨpe, oyemboyekwa yɨpɨndar María Magdalena upe, a'e ichui akoi ñuvɨrïo ova tuprɨ karugwar opa va'e omboyepepɨ.

San Marcos 5:9

Jesús oporandu chupe: –¿Marä vo nderer? A'e omboyevɨ chupe: –Che rer Legión, esepia ore re'ɨi eteanga.

San Lucas 11:26

Evokoiyase sepiase, oso ñuvɨrïo ova karugwar naporäi katu va'e reka. Ichui gweruse, oyoya gwasu yuvɨroike ko mbɨa pɨ'a pɨpe. Sese mba'e tëi katu ite sekokwer yɨpɨndar gweko agwer sui.”

Efesios 6:12

Esepia yande nda'ei ava amotare'ɨ̇save yayepɨ'amovɨräkwä, yande rumo yayepɨ'amovɨräkwä espíritu naporäi va'e ndoyekwai va'e upe iyavei ko ɨvɨ pɨpendar Karugwar ipirätä va'e pɨ̇tümimbisa pendar reroya e'ɨ̇ agwä.

Hebreos 10:39

Yande nda'ei oyepepɨ va'e nungar yaiko, evokoi nungar ni'ä okañɨ tëi va'erä yuvɨreko, yande rumo yayeroya sese ipɨpe yañepɨsɨrö.