San Mateo 12:41 - Tüpä Ñe'ëngagwer

⁴¹ Evokoiyase arɨ kañɨ pɨpe tekwa Nínive ɨgwar oñarapü'ara, oimese porandusa yuvɨreko ko ava kurïtëindar upe, iyavei a'e pemondora mba'e tëi pɨpe; esepia ni'ä Nínive ɨgwar oyevɨpa Tüpä upe osenduse Jonás ñe'ë yuvɨreko, iyavei kurïtëi oime va'e ko'ave, a'e Jonás sui ɨvate katu va'e sekoi.

Tũpa Ñehengagüer

⁴¹ Evocoiyase arɨ cañɨ pɨpe ava tecua Nínive pendar porandusave omombehura ava cũriteindar cañɨpa ãgua. Esepia, Nínive pendar niha omboasɨse oangaipa, oyevɨ Tũpa upe yuvɨreco Jonás omombehuse Tũpa Ñehengagüer chupe. Cũritei rumo oime Jonás sui avɨye catu vahe pe pãhuve.

San Mateo 12:41 Iomraidhean Croise

San Mateo 12:39

Jesús rumo omboyevɨ chupe: –Pe ava ndasekoporäi va'e ndiporeroyai va'e avei peporandu poromondɨisa tekokwer kwa agwä rese; che rumo namboyekwai chira ambuae poromondɨisa; Tüpä ñe'ë mombe'usar Jonás rekokwer gweraño amboyekwara peü.

San Mateo 12:42

Iyavei kuña mborerekwar ɨvate katu va'e Iro'ɨ kotɨ sui oñarapü'ara arɨ kañɨ pɨpe kuri, porandusase ava kurïtëindar upe, iyavei a'e omondora mba'e tëi pɨpe; esepia a'e ou amombrɨ ɨvɨ sui osendu va'erä Salomón mba'e kwasa, iyavei oime ko'ave ɨvate katu va'e Salomón sui.

San Mateo 12:45

Evokoiyase oso ñuvɨrïo ova karugwar naporäi katu va'e monu'ä oyesui, iyavei opakatu tuprɨ yuvɨroike ava avɨterve, a'e opɨta mba'e tëi katu yɨpɨndar va'e sui. Egwë e'i tuprɨ aveira yuvɨreko ava kurïtëindar ndiporeroyai va'e.”

San Mateo 12:6

Supiete aipo a'e peü kurïtëi oime ko'ave ɨvate katu va'e tüpäro sui.

San Mateo 16:4

Ko ava ndasekoporäi ndipɨ'a ñemoñetai va'e oporandu poromondɨisa rese yuvɨreko; nimboyekwasai chietera chupe inungar poromondɨisa oso va'e Jonás upe.” Ichui oseyapaño ava oso.

San Mateo 17:17

Jesús omboyevɨ chupe: –¡Too, ndapeyeroya tuprɨ vɨtei ete vo Tüpä rese! ¿Mbovɨ rupi rutei vo aiko vɨtera pe pa'üve? ¿Mbovɨ yupagwer rupi vo amombe'u irira mba'e vichiko peü? Peru evokoi chi'ïvä'e cheu.

San Mateo 23:36

Supiete opakatu ko mba'e tëi oura ñemoɨrösa ava kurïtëindar rese.”

San Lucas 11:32

Iyavei Nínive pendar oñarapü'ara yuvɨreko arɨ kañɨ pɨpe, porandusase ava kurïtëindar upe, iyavei marä-marä tëi vɨrekora. Esepia ni'ä, Nínive pendar oyevɨpa Tüpä upe yuvɨreko osenduse Jonás ñe'ë Tüpä ñe'ëngagwer ombombe'use; kurïtëi rumo oime ɨvate katu va'e Jonás sui pe pa'üve.”

San Juan 3:31

“Ɨva sui ou va'e ɨvate katu ite opakatu sui. Ko ɨvɨ pɨpe oyesu va'e rumo ko ɨvɨ pɨpendar ite sekoi, a'e oñe'ë ɨvɨ pɨpendar rese. Akoi ou va'e rumo ɨva sui a'e ɨvate katu ite opakatu sui,

San Juan 4:12

Esepia ko ɨgwa ore ramoi Jacob oseya oreu, ko'ave suiño ni'ä oɨ'u ta'ɨrɨ avei oɨ'u yuvɨreko iyavei opakatu seimba. ¿Nde pi'ä ɨvate katu ereiko ichui?

Romanos 2:27

Akoi ndoyembocircuncidai va'e, oyapose rumo mborokwaita yuvɨreko, a'e evokoiyase omombe'ura pe kañɨ agwä yuvɨreko, esepia yepe pereko porokwaita viña, pe rumo ndapemboavɨyei ete.

Hebreos 11:7

Tüpä reroyasa pɨpe avei Noé, a'ese Tüpä omombe'u chupe mba'e ndasepiasa vɨtei va'e, evokoiyase seroyasave oyapo arca oyesuindar pɨsɨrö agwä. Iyavei sese oyeroya pɨpe omombe'u ava ko ɨvɨ pɨpendar kañɨ agwä, a'e rumo Tüpä rese oyeroya pɨpe oñepɨsɨrö.