San Mateo 12:4 - Tüpä Ñe'ëngagwer

⁴ Yuvɨroike tüpäro pɨpe mboyape imboeteiprɨ Tüpä upendar u agwä ondugwer reseve, a'e ndipotasai i'u agwä chupe indugwer upe avei viña, pa'i upeño ite ipotasa i'u agwä yepi.

Tũpa Ñehengagüer

⁴ Ahe niha yuvɨroique ité tũparo pɨpe pan imboeteiprɨ Tũpa upendar hu ãgua ondugüer reseve. Ahe chupe acoi ndipotasai ihu ãgua yuvɨreco viña. Judío pahi yuvɨrecoi vahe upeño ité niha ipotasa ihu ãgua yepi.

San Mateo 12:4 Iomraidhean Croise

San Mateo 12:3

A'e rumo omboyevɨ chupe: –¿Ndapeyerokɨi vo ikwachiaprɨ araka'endar rese mborerekwar gwasu David rembiapokwer ondugwer reseve vɨepore'ɨ̇se yuvɨreko?

San Mateo 12:5

¿Ndapeyerokɨi vo Moisés porokwaita resendar pɨpe esepia ni'ä pa'i tüpäro rese añekosar ndopɨtu'ui ete mbɨtu'usa arɨ pɨpe nda'ei rumo oyemboangaipa ipɨpe yuvɨreko?

San Marcos 2:26

Pa'i rerekwar ɨvate katu va'e sekoise Abiatar, a'ese David oike Tüpä rëtä pɨpe o'u mboyape sovasaprɨ Tüpä upendar, pa'i upeño ite ipotasa o'u agwä; a'e rumo omondo avei ava oyeupindar upe.

San Lucas 6:4

A'e ni'ä oike ite Tüpä rëtä pɨpe oipɨsɨ mboyape sovasaprɨ Tüpä upendar, o'u iyavei omondo ondugwer upe, evokoi pa'i upe gweraño ite ipotasa mboyape i'u agwä yepi.

Hebreos 9:2

A'e tüpäro pɨpe na e'i mba'e imoigätusa, yɨpɨndar oɨ serer Nimaräi Va'e, ipɨpe oime oro apoprɨ tataendɨ rɨru iyavei mboyape sovasaprɨ renda Tüpä upendar reseve.