San Mateo 12:18 - Tüpä Ñe'ëngagwer

¹⁸ “Ko che mboyeroyasar sekoi che rembiporavo, che rembiaɨsu, sese ayembovɨ'a eteprɨ. Amondora chereko pirätäsa Espíritu chupe, a'e omombe'u aveira mba'e i'ɨ̇vi va'e opakatu ava ɨvɨ pɨpendar upe.

Tũpa Ñehengagüer

¹⁸ “Co ité che mboyeroyasar che rembiporavo. Ahe asaɨsu eteprɨ. Sese ité ayembovɨha. Amondora che Espíritu chupe. Ahe omombehu aveira mbahe ihɨ̃vi vahe opacatu ava ɨvɨ pɨpendar upe.

San Mateo 12:18 Iomraidhean Croise

San Mateo 12:17

Egwë e'i yavɨyepa Tüpä ñe'ë mombe'usar Isaías remimombe'ugwer, araka'endar aipo e'i va'e:

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Marcos 1:11

A'ese oyeendu ñe'ësa ɨva sui, aipo e'i: “Nde che Ra'ɨrɨ ereiko che rembiaɨsu, avɨ'a eteprɨ nde rese.”

San Marcos 9:7

A'e ramoseve, avei ogweyɨ ɨva kɨ'a i'arɨve oyopɨpa tuprɨ yuvɨreko. A'e ɨva sui oyeendu ñe'ësa aipo e'i: “Ko che Ra'ɨrɨ che rembiaɨsu: peyapɨsaka katu iñe'ë rese.”

San Lucas 23:35

Ava a'eve yuvɨrekoi va'e osepia katu; iyavei mborerekwareta seroɨrösave, aipo e'i yuvɨreko: –Oipɨsɨrö ambuae ava, toñepɨsɨrö ru a'e ae, supiete pi'ä Tüpä rembiporavo Poropɨsɨrösar sekoi.

San Lucas 3:22

ipare Espíritu Maräne'ɨ̇ ogweyɨ ou i'arɨve oyekwa tuprɨ inungar apɨkasu, ichui oyeendu ñe'ësa ɨva sui aipo e'i va'e: –Nde che Ra'ɨrɨ che rembiaɨsu, che rembiporavo ereiko.

San Lucas 4:18

“Yande Yar Espíritu sekoi che rese, esepia ni'ä a'e ombou chekwaitarä ko ñe'ësa avɨye va'e mombe'u agwä ava iparaɨsu va'e upe; chekwaita avei amombe'u va'erä ava sokendaprɨ renose agwä iyavei ava ndasesapɨsoi va'e ambosarekora; iyavei ava mba'e-mba'e tëi rasɨkwer oiporara va'e sui senose agwä;

San Lucas 9:35

A'ese ɨva kɨ'a sui oyeendu ñepëi ñe'ësa aipo e'i va'e: “Ko che Ra'ɨrɨ, che Rembiporavo ite: peyapɨsaka katu iñe'ë rese.”

San Juan 3:34

supiete akoi Tüpä remimbou omombe'u Tüpä ñe'ë, esepia ni'ä Tüpä omondo ite Espíritu sese.

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 11:18

Osenduse rumo ñe'ësa Jesús reroyasar Jerusalén pendar yuvɨreko, noñe'ëi tuprɨ iyavei omboetei Tüpä, aipo e'i yuvɨreko: –¡Evokoiyase ko Tüpä omondo avei nda'ei va'e judío upe sekokwer rekuñarö agwä, iyavei tekovesa apɨre'ɨ̇ vɨreko va'erä yuvɨreko!

Los Hechos 14:27

Oyepotase Antioquía ve yuvɨraso, omonu'äpa opakatu Jesús reroyasar, ipare omombe'upa ite Tüpä oyapo va'e mba'e supi yuvɨreko, yande Yar avei omondo mba'e avɨye va'e ava nda'ei va'e judío upe, a'ese avei oikatura a'e seroya yuvɨreko.

Efesios 1:6

Sese yande yasapukaira Tüpä upe iporoaɨsusa porañete va'e rese yepi, a'e ipɨpe ni'ä yande rovasa Gwa'ɨrɨ gwembiaɨsu sui.

Colosenses 1:1

Che Pablo, Jesucristo ñe'ë mombe'usar aiko Tüpä remimbotar rupi, yande rɨvrɨ Timoteo reseve,

Colosenses 1:13

Tüpä ni'ä yande pɨsɨrö Karugwar povrɨ sui, egwë e'i yande reraso Gwa'ɨrɨ gwembiaɨsu povrɨve,

1 San Pedro 2:4

Peyemboya katu yande Yar rese, a'e inungar ita ndopai va'e ava rumo ovɨroɨröño yuvɨreko, Tüpä rumo a'e ita oiporavo avɨye katu va'e.

2 San Pedro 1:17

Orosepia ni'ä yande Ru Tüpä omboeteise Gwa'ɨrɨ iyavei omondose seko porañete iri agwä, aipo e'ise Tüpä oñe'ë gweko porañetesa pɨpe: “Ko che Ra'ɨrɨ, che rembiaɨsu, sese ni'ä che ayembovɨ'arete vichiko.”