San Mateo 11:5 - Tüpä Ñe'ëngagwer

⁵ Pemombe'u chupe ndasesapɨsoi va'e osareko tuprɨ yuvɨreko, ipäri-päri va'e ogwata tuprɨ, iyavei mba'erasɨ vai rerekosar okwerapa tuprɨ, ndayapɨsai va'e avei yapɨsapa, omano va'e opa okwerayevɨ yuvɨreko iyavei ava iparaɨsu va'e upe imombe'usa pɨsɨrösa resendar ñe'ësa peyera chupe.

Tũpa Ñehengagüer

⁵ ‘Ndasesapɨsoi vahe osareco tuprɨ cũritei yuvɨreco, ipãri-pãri vahe oguata tuprɨ, iyavei lepra rerecosar ocuerapa tuprɨ, ndayapɨsai vahe avei yapɨsapa, omano vahe opa ocuerayevɨ yuvɨreco iyavei ava iparaɨsu vahe upe imombehusa pɨ̃sɨrosa resendar ñehesa’ peyera chupe.

San Mateo 11:5 Iomraidhean Croise

San Mateo 10:8

Iyavei pembogwera imba'easɨ va'e, pembogwerayevɨ avei omano va'e, pembogwera mba'erasɨ vai rerekosar iyavei pemboyepepɨ karugwar ava sui. Pe rumo peipɨsɨ pirätäsa ndasepɨi va'e; sese peyapoño evokoi mba'e gwarepochi pɨsɨe'ɨ̇sa pɨpe.”

San Mateo 11:4

Jesús omboyevɨ chupe: “Peso pemombe'upa Juan upe pesepia va'e iyavei mba'e pesendu va'e.

San Mateo 12:13

Evokoiyase aipo e'i imba'easɨ va'e upe: –Eicho'o nde yɨva. Evokoiyase oicho'ose oyɨva, okwera tuprɨ voi inungar ambuae iyɨva.

San Mateo 21:14

A'eve oyemboya Jesús rese yugweru ava ndasesapɨsoi va'e, ipäri-päri va'e avei, a'e opa ombogwera.

San Mateo 5:3

“Sorɨvete katura ava vɨreko va'e espíritu paraɨsusa oyese, esepia ni'ä chupe narä ite Tüpä mborerekwasa.

San Mateo 9:30

Aipo i'e ramoseve osareko tuprɨ voi yuvɨreko. Ipare Jesús aipo e'i pemombe'ui rene katu: –Peikwa ukai rene ambuae ava upe.

San Marcos 7:37

Evokoiyase ava oyembovɨ'a gwasusave, aipo e'i yuvɨreko: “Avɨye ite rumo mba'e sembiapo. ¡Esepia ndayapɨsai va'e omboapɨsa iñe'ë ɨpɨtɨ-pɨtɨ va'e avei omoñe'ëgätu tuprɨ!”

San Marcos 9:25

Osepiase Jesús ava re'ɨi, oyemboyase sese oñe'ëgäta karugwar upe aipo e'i: –Karugwar noñe'ëi va'e ndayapɨsai va'e, che orokwai epoi ko chi'ïvä'e sui ereike iri eme sekokwer rese.

San Lucas 4:18

“Yande Yar Espíritu sekoi che rese, esepia ni'ä a'e ombou chekwaitarä ko ñe'ësa avɨye va'e mombe'u agwä ava iparaɨsu va'e upe; chekwaita avei amombe'u va'erä ava sokendaprɨ renose agwä iyavei ava ndasesapɨsoi va'e ambosarekora; iyavei ava mba'e-mba'e tëi rasɨkwer oiporara va'e sui senose agwä;

San Juan 10:25

Jesús rumo omboyevɨ chupe: –Amombe'u ni'ä akoi peü, iyavei ndache reroyai ete peye. Che ayapo va'e mba'e che Ru mborerekwasa pɨpe, a'e ipɨpe sui chekwa uka ite opakatu upe;

San Juan 10:38

Akoi ayapose mba'e, yepe ndache reroyai chira peye viña, peroya katu mba'e ayapo va'e, peikwa va'erä ñepëi reseve opakatu mba'e esepia che Ru sekoi ete che rese yepi che avei aiko che Ru rese.

San Juan 2:23

Jesús sekoi vɨtese Jerusalén ve, Pascua pieta pɨpe, seta ite ava vɨroya va'e osepiase poromondɨisa sembiapo yuvɨreko.

San Juan 3:2

A'e oso Jesús pɨri pɨ̇tü pɨpe, aipo e'i chupe: –Porombo'esar, oroikwa ite Tüpä nde mbouse ore mbo'e agwä eve, esepia ndipoi ete ava oikatu va'e poromondɨisa apo inungar nde ereyapo va'e, Tüpä oyese seko e'ɨ̇se.

San Juan 5:36

Che rumo areko che yekwa ukasar avɨye katu va'e Juan sui. A'e ni'ä ko mba'e ayapo va'e yepi. A'e sese che Ru chekwai yapo agwä. Ko mba'e ayapo va'e omboyekwa ite che Ru Tüpä che mbousar.

San Juan 9:7

Ipare aipo e'i chupe: –Eso tereyovai ɨgwa Siloé ve (a'e serer “Imbouprɨ”). Ndasesapɨsoi va'e evokoiyase oso oyovai, ichui oyevɨse oma'e tuprɨ ite.

Los Hechos 2:22

“Pe Israel suindar, pesendu che ñe'ë: Jesús Nazaret pendar, oyapo poromondɨisa tuvicha va'e, mba'e yavai va'e Tüpä pirätäsa pɨpe pe pa'üve gweko maräne'ɨ̇ mboyekwa agwä, a'e ni'ä peikwa opakatu.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;