San Mateo 11:30 - Tüpä Ñe'ëngagwer

³⁰ Akoi amondo va'e peü a'e ndayavai ete imboavɨye agwä, iyavei mborokwaita amondo va'e peü a'e ndiposɨi ete seraso pɨrä.”

San Mateo 11:30 Iomraidhean Croise

San Mateo 12:1

Mbɨtu'usa arɨ pɨpe Jesús yuvɨraso gwemimbo'e rese, ogwata mba'e mitɨ̇ pa'ü rupi. A'ese semimbo'e ndasɨepoi ete yuvɨreko. Evokoiyase trigo rä'ɨi oipo'o-po'o ñoite gwemi'urä yuvɨreko.

San Juan 16:33

Amombe'u ko opakatu mba'e peü, peiko va'erä che rese mba'e tuprɨ pɨpe pe reko agwä. Ko ɨvɨ pɨpe, pe paraɨsura peiko, peyemongere'ɨ̇ño katu: esepia che opa ite asekopɨ mba'e-mba'e tëi ko ɨvɨ pɨpe.

Los Hechos 15:10

Kurïtëi evokoiyase, ¿ma'erä vo pesekoa'ä pota Tüpä iyavei peyokwai uka pota ko Jesús reroyasar mba'e yavairai va'e apo agwä esepia yande ramoi ndoikatui Tüpä porokwaita mboavɨye agwä yuvɨreko, yande avei egwë ya'e?

Los Hechos 15:28

Avɨye Espíritu Maräne'ɨ̇ upe oreu avei ko porokwaita gweraño oromondo va'e rese peü ndape kwaisa pota iri rumo ambuae mborokwaita rese.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

Gálatas 5:1

Cristo ni'ä ombou yandeu mbigwai tëi nungar sui yande së agwä. Sese peyemovɨräkwä mbigwai tëi pe reko iri e'ɨ̇ agwä.

Gálatas 5:18

Akoi Espíritu pe rerogwatase, a'ese nda'e iri chira Moisés porokwaita povrɨve tëi peiko.

Filipenses 4:13

Aikatu opakatu mba'e uve che yemovɨräkwä agwä, esepia Cristo ombou che pirätä agwä.

1 San Juan 5:3

Yamboavɨyese Tüpä porokwaita, a'ese yamboyekwa Tüpä raɨsusa yaiko; iyavei iporokwaita nda'ei yavai eteprɨ yapo agwä,