San Mateo 11:28 - Tüpä Ñe'ëngagwer

²⁸ Peyu cheu opakatu ikwerai va'e oporavɨkɨsa rese, iyavei che amondora pɨtu'usa peü.

Tũpa Ñehengagüer

²⁸ Peyu cheu opacatu icuerai vahe. Che amondora pe pɨtuhu ãgua.

San Mateo 11:28 Iomraidhean Croise

San Mateo 11:29

Peroya mborokwaita amondo va'e peü, iyavei peyembo'e katu che rekokwer sui, esepia ni'ä areko ite poroarösa vichiko iyavei che rekokwer yemominisa pɨpe; a'ese ramo ite peyosɨra pɨtu'usa avɨye va'e.

San Mateo 23:4

Oñapɨ̇chi vosɨisa iposɨi va'e ndayasupi katui va'e, iyavei omondo ava achi'ɨ arɨve, a'e rumo ndopoko potai ete sese ñepëi ökwä pɨpe angara yuvɨreko viña.

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

San Juan 7:37

Pieta ipa arɨ pɨpe imboeteisa katu va'e yepi. A'e arɨ pɨpe Jesús oñe'ë pirätä o'ä aipo e'i: –Akoi i'usei va'e, a'e touño cheu, iyavei akoi ava che yeroyasar, a'e touño avei cheu. Inungar Ikwachiaprɨ pɨpe aipo e'i, a'e ɨpɨ'a pɨpe sui osëra inungar ɨai ndopai va'e yepi.

Los Hechos 15:10

Kurïtëi evokoiyase, ¿ma'erä vo pesekoa'ä pota Tüpä iyavei peyokwai uka pota ko Jesús reroyasar mba'e yavairai va'e apo agwä esepia yande ramoi ndoikatui Tüpä porokwaita mboavɨye agwä yuvɨreko, yande avei egwë ya'e?

Los Hechos 20:35

Che opombo'e va'e ite mboravɨkɨ rese iyavei ava iparaɨsu va'e pɨtɨ̇vɨï agwä, pepɨ'añemoñeta akoi yande Yar Jesús remimombe'u rese: ‘Sorɨvete katu ava iporereko va'e mba'e oipɨsɨ va'e sui.’ ”

Gálatas 5:1

Cristo ni'ä ombou yandeu mbigwai tëi nungar sui yande së agwä. Sese peyemovɨräkwä mbigwai tëi pe reko iri e'ɨ̇ agwä.

2 Tesalonicenses 1:7

pe rumo imombaraɨsuprɨ peiko va'e, Tüpä omondora pe pɨtu'u agwä, inungar oreu ombou va'e. Ko egwë e'ira yande Yar Jesús oyevɨse tata rendɨgwer pa'üve ɨva sui opakatu gwembigwai seko pirätä katu va'e reseve kuri.

Hebreos 4:1

Oime vɨte Tüpä remimombe'u yande yaike va'erä ipɨri yande pɨtu'u agwä, sese iya ite yañearö tuprɨ, avɨyeteramo ñepëi pe pa'ü pendar ndoikei chira.

Apocalipsis 22:17

Espíritu Maräne'ɨ̇ iyavei Ovesami a'e Cristo sekoi va'e rembireko aipo e'i: “¡Perio!” Iyavei akoi osendu va'e ko ñe'ësa, aipo e'ira: “¡Perio!” Iyavei akoi ava i'usei va'e, toyugweruño; akoi ava oipota va'e toipɨsɨ ɨ tekovesa resendar ndasepɨi va'e yuvɨreko.