San Mateo 11:25 - Tüpä Ñe'ëngagwer

²⁵ A'e arɨ pɨpe, Jesús aipo e'i: “Che Ru, avɨye ndeu che Yar ɨva pendar, iyavei ɨvɨ pɨpendar ereiko, esepia nde eremboyekwa ite ko ñe'ësa ava seko mbegwemi va'e upe ereñomi ava imba'ekwa katu va'e sui.

Tũpa Ñehengagüer

²⁵ Iyavei ahe arɨ pɨpe Jesús oyerure: “Che Ru, avɨye ndeu. Nde niha ɨva pendar, ɨvɨ pɨpendar Yar ereico. Esepia, nde ereñomi co ñehesa supi tuprɨ vahe ava imbahecua vai vahe sui; eremboyecua rumo ava seco mbegüemi vahe upe.

San Mateo 11:25 Iomraidhean Croise

San Mateo 16:17

Evokoiyase Jesús aipo e'i chupe: –Nde sovasaprɨ ereiko, Simón, Jonás ra'ɨrɨ, esepia nda'ei ava tëi omboyekwa ko mba'e ndeu, che Ru ɨva pendar teiete omboyekwa ndeu.

San Mateo 21:16

aipo e'i Jesús upe yuvɨreko: –¿Eresendu vo chi'ïvä'emi ñe'ë aipo e'ise yuvɨreko? Jesús rumo omboyevɨ chupe: –Asendu ite. ¿Pe ndapeyerokɨi vo araka'endar Ikwachiaprɨ ñe'ësa resendar pɨpe? Aipo e'i va'e: ‘Chi'ïvä'emi sapukaisa rese, iyavei pitanimi okambu vɨte va'e, a'e osapukai nde mboeteisa pɨpe yuvɨreko.’

San Lucas 22:42

Aipo e'i: “Che Ru, ereipotase che renose eve ko mba'e tëi sui; tayapo eme che remimbotar tëi, tayaposa katu nde remimbotar rupi.”

San Lucas 23:34

Jesús aipo e'i: “Che Ru, ndeñerö ko opakatu ava upe, esepia ndoikwai mba'e gwembiapo yuvɨreko.” Sundao eta rumo igwayɨño Jesús turukwar rese oyeupe imboya'o-ya'o agwä yuvɨreko.

San Juan 11:41

Vɨrokwa ita yuvɨreko ichui, ipare Jesús oma'e ɨva rese aipo e'i: –Che Ru, avɨye ndeu esepia eresendu ite che ñe'ë.

San Juan 12:27

“¡Kurïtëi rumo ayandu ite mba'e-mba'e tëi oime va'erä! ¿Marä a'era pi'ä evokoiyase? ¿Aipo a'era: ‘Che Ru, che renose katu eve ko mba'e-mba'e tëi sui’? ¡Che rumo ayu a'e gwä ite ko ɨvɨ pɨpe!

San Juan 12:28

Che Ru, emboyekwa nde pirätäsa nderer porañetesa mboetei agwä.” A'ese oyeendu ɨva sui ñepëi ñe'ësa, aipo e'i va'e: “Opa ni'ä amboetei sereko yepi, ayevɨ iri etera rumo imboetei agwä.”

Los Hechos 17:24

“Evokoi Tüpä oyapo va'e ko ɨvɨ, opakatu mba'e ipor reseve avei, a'e ni'ä ɨvɨ ɨva Yar sekoi. Ndasekoi tüpäro ava tëi rembiapo pɨpe,

1 Corintios 2:10

Tüpä rumo oikwa uka ite mba'e Espíritu pɨpe yandeu, esepia Espíritu oikwa tuprɨ ite opakatu mba'e ndikwasai va'e Tüpä suindar oiko.

2 Corintios 3:14

Egwë e'i a'e ndosendukwa ukai ete ndoyavɨi sovapɨsa vɨte va'e kurïtëi, egwë e'i vɨte oyerokɨse Moisés porokwaita ikwachiaprɨ yɨpɨndar va'e pɨpe yuvɨreko, ñomiprɨ va'e nungar tëi chupe a'e sendukwa e'ɨ̇ pɨpe, esepia Cristo gweraño ite oikatu sovapɨsa nungar rerokwa ichui sendukwa uka agwä.