San Mateo 10:41 - Tüpä Ñe'ëngagwer

⁴¹ Akoi oipɨsɨ tuprɨ va'e ñepëi Tüpä ñe'ë mombe'usar sekosa rese tëi, a'e oipɨsɨ aveira porerekosa inungar tuprɨ avei Tüpä ñe'ë mombe'usar; iyavei akoi ava oipɨsɨ tuprɨ va'e ava seko katuprɨsa rese tëi, a'e oipɨsɨ aveira porerekosa inungar tuprɨ avei.

Tũpa Ñehengagüer

⁴¹ Acoi ava oipɨsɨ tuprɨ vahe ambuae ava Tũpa ñehe mombehusar secosa rese, ahe oipɨsɨ aveira porerecosa inungar tuprɨ. Iyavei acoi ava oipɨsɨ tuprɨ vahe ava seco catuprɨsa rese, ahe oipɨsɨ aveira porerecosa inungar tuprɨ.

San Mateo 10:41 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 25:44

Evokoiyase a'e oporandura yuvɨreko chupe: ‘Ore Yar, ¿maräse vo aipo nde repiasa nanderɨepoise anise aipo nde useise, anise ndegwatatëisa rupi, ipanese nde turukwarä ndeu, anise nde mba'easɨse, anise nde rokendasave, iyavei nande pɨtɨ̇vɨïsaise no?’

San Mateo 25:45

Mborerekwar ɨvate katu va'e rumo omboyevɨra chupe: ‘Supiete akoi amove mba'e ndapeyapoise mba'e avɨye va'e seko mbegwemi va'e upe, ipɨpe rumo cheu avei mba'e ndapeyapoi ete.’

San Mateo 6:1

“Peyapoi rene mba'e avɨye va'e ava rovake tache repia anga'u yuvɨreko ndapeyei chira. Peyapose evokoi nungar, pe Ru ɨvave sekoi va'e nomboui chietera porerekosa peü.”

San Mateo 6:18

ava oikwa e'ɨ̇ agwä yuvɨreko nde yekwakusa. Nde Ru ñoite oikwara, a'e sekoi ndoyekwai va'esave, iyavei nde Ru osepia mba'e ndoyekwai va'e omondora porerekosa ndeu narä.”

San Mateo 6:4

eyapo nderepia e'ɨ̇sa pɨpe. Iyavei nde Ru, osepia katu mba'e nde rembiapo, omboura porerekosa ndeu.”

San Mateo 6:6

Nde rumo ereyerurese, eike nde rëtä pɨpe, emboya nde rokenda ipare eyerure nde Ru uve ndeyeupe ae nde pɨ'a pɨpe. Nde Ru rumo, oikwa ite nde pɨ'a ñemoñetasa, omondora porerekosa ndeu narä.

San Mateo 7:8

Esepia akoi oporandu va'e mba'e rese, a'e oipɨsɨra; iyavei oseka va'e, a'e oyosɨra; akoi oñe'ë va'e okendɨpɨve chupe oyemboira.

Los Hechos 16:15

Sese ñapirämosa, opakatu sëtä pendar reseve, ipare ore mombɨta pota: –Che reroyase peye yande Yar reroyasar che rekose, pepɨtara che rëtäve. Egwë e'i oremombɨta.

Romanos 16:23

Omondo avei oma'endu'asa Gayo peü. A'e sëtäve ite ni'ä ake yepi, ipɨri avei ambuae Jesús reroyasar oñemonu'ä yuvɨreko yepi. Iyavei Erasto omondo oma'endu'asa opakatu peü, a'e tekwa mba'e gwarepochi apokatusar, yande rɨvrɨ Cuarto avei omondo oma'endu'asa peü.

1 Corintios 9:17

Tüpä ndache kwaise oñe'ë mombe'u agwä viña, che rumo che kere'ɨ̇sa pɨpe amombe'use; a'ese aipɨsɨra ichuindar porerekosa, egwë nda'ei rumo, esepia che amboavɨye ite Tüpä porokwaita vichiko.

Hebreos 6:10

Esepia Tüpä seko avɨye va'e, iyavei ndasesarai chietera pe rembiapo avɨye va'e sui pe poroaɨsusa pemboyekwa va'e peipɨtɨ̇vɨïse seroyasar, a'e ni'ä ko peyapoño vɨte peiko.

2 San Juan 1:8

Peñearö katu pe poravɨkɨ reprɨ mokañɨ tëi e'ɨ̇ agwä, tapeipɨsɨ katu Tüpä porerekosa peyeupe narä.