San Mateo 10:3 - Tüpä Ñe'ëngagwer

³ Felipe, Bartolomé, Tomás; iyavei Mateo, gwarepochi monu'äsarer; ambuae Santiago, Alfeo ra'ɨrɨ; ambuae Tadeo;

Tũpa Ñehengagüer

³ Felipe, Bartolomé, Tomás; iyavei che, Mateo, guarepochi monuhasarer; ambuae Santiago, Alfeo rahɨr; ambuae Tadeo;

San Mateo 10:3 Iomraidhean Croise

San Mateo 18:17

Akoi ndovɨroyaise ite rumo ambuae iñe'ë, emombe'u opakatu tekwa pendar upe; iyavei ndovɨroyaise ite a'e tekwa pendar, evokoiyase pepoiño itera ichui esepia ndiporeroyai va'e nungar ite sekoi inungar ava gwarepochi rerokwasar Roma pendar upe narä.”

San Mateo 27:56

A'e ipa'üve María Magdalena sekoi, iyavei ambuae María a'e Santiago, José sɨ, Zebedeo ra'ɨrɨ sɨ avei supi sekoi.

San Mateo 9:9

Jesús osose a'e ichui osepia ñepëi ava serer va'e Mateo, ogwapɨ a'eve öi gwarepochi rerokwasar Roma pendar uve ñarä. A'ese Jesús aipo e'i chupe: –Erio che rupi. Evokoiyase Mateo opü'a oso supi.

San Marcos 15:40

Oime avei a'eve kuña amombrɨve osepia katu yuvɨno'ä; a'e yuvɨrekoi María Magdalena, María Santiago sɨ a'e chi'ïvä'e katu va'e José sui, iyavei ambuae kuña Salomé.

San Marcos 2:14

Ichui ogwata vɨtese osepia Leví, Alfeo ra'ɨrɨ, ogwapɨ öi gwarepochi rerokwasar Roma pendar uve narä. A'ese Jesús aipo e'i chupe: –Erio che rupi. Evokoiyase Leví opü'a oso supi.

San Marcos 3:18

iyavei Andrés, Felipe, Bartolomé, Mateo, Tomás, Santiago, Alfeo ra'ɨrɨ; Tadeo, Simón ava rekwa rese sekate'ɨ̇ va'e pa'ü pendarer,

San Lucas 18:10

“Ñuvɨrïo ava yuvɨraso tüpärove oyerure: ñepëi aipo fariseo, ambuae evokoiyase gwarepochi rerokwasar Roma pendar upe narä.

San Lucas 18:11

Evokoiyase fariseo, opü'a o'ä oyerure aipo e'i: ‘Tüpä, avɨye ndeu che nda'ei ambuae ava nungar che rekokwer; imondarai va'e, ndacherekorai va'e, ndacheagwasai tëi va'e, nda'ei avei inungar gwarepochi rerokwasar tëi aiko.

San Lucas 18:13

Ava gwarepochi rerokwasar rumo opɨtaño amombrɨ ichui, a'e evokoiyase noma'ei ete ɨva rese, oyepochi'a nupa-nupaño aipo e'i: ‘¡Tüpä, che paraɨsuerekomi eve, che angaipa viyar aiko!’

San Lucas 19:2

A'eve ñepëi sekoi kuimba'e mba'e yar Zaqueo serer va'e, mborerekwar sekoi gwarepochi rerokwasar Roma pendar upe narä.

San Lucas 5:27

Ko ipare, Jesús osë oso ichui osepia ñepëi mbɨa gwarepochi rerokwasar Roma pendar upe narä. A'e serer Leví, iyavei ogwapɨ gwarepochi rerokwasave öi. Jesús aipo e'i chupe: –Erio che rupi.

San Juan 1:48

Natanael oporandu chupe: –¿Marä ere vo chekwa eve? Jesús omboyevɨ chupe: –Che oroepia yɨpɨve Felipe nde reka renondeve, ɨvɨra higuera vrɨve ereikose.

San Juan 11:16

Evokoiyase Tomás, serer va'e Gemelo, aipo e'i ambuae omboetasa upe: –Yaso avei yande, yamano va'erä supi.

San Juan 14:22

Judas (nda'ei va'e Iscariote) oporandu chupe: –Che Yar, ¿ma'erä vo ereyemboyekwara oreuño tëi; ma'erä ru ndereyemboyekwai ava ko ɨvɨ pɨpendar upe?

San Juan 14:5

Tomás aipo e'i Jesús upe: –Che Yar, ore ndoroikwai ete kevo katu eresora. ¿marä oro'era pi'ä aipo perɨkwa agwä viña?

San Juan 14:9

Jesús omboyevɨ chupe: –Felipe, che aiko kurïtëi ko'ave seta arɨ pepa'üve, ¿ndachekwa vɨtei ete vo peye? Akoi che repiasar rumo, a'e osepia avei che Ru; ¿ma'erä vo ereporandu torosepia nde Ru ere cheu?

San Juan 21:2

A'eve yuvɨrekoi Simón Pedro, Tomás, a'e akoi Gemelo, Natanael, a'e aipo Caná ɨvɨ Galilea pendar, Zebedeo ra'ɨrɨ iyavei ambuae ñuvɨrïo Jesús remimbo'e.

Los Hechos 1:13

Yuvɨroikese Jerusalén ve, oyeupipa okesa oɨ ɨvateve yuvɨreko. A'eve Pedro, Juan, Santiago, Andrés, Felipe, Tomás, Bartolomé, Mateo, Santiago a'e Alfeo ra'ɨrɨ, Simón a'e Zelote iyavei Judas, Santiago ra'ɨrɨ yuvɨrekoi.

Los Hechos 12:17

Pedro rumo omopü'a opo imbokiriri agwä. Ichui opa omombe'u yande Yar opɨsɨrö agwer vokendasa sui yuvɨreko chupe. Ipare aipo e'i iri: –Pemombe'upa Santiago upe iyavei ambuae Jesús reroyasar upe. Ipare öseño, oso ambuae tekwa rupi oiko.

Los Hechos 15:13

Osendupase iñe'ë yuvɨreko, a'ese Santiago aipo e'i: –Che mu eta, peyapɨsaka tuprɨ che ñe'ë rese:

Los Hechos 21:18

A'ere arayi'ive, Pablo oso ore rupi Santiago pɨri, a'eve yuvɨrekove avei opakatu ava yarakwa katu va'e.

Gálatas 1:19

Ndasepiai ete rumo ambuae Jesús ñe'ë mombe'usar yuvɨreko, yande Yar rɨvrɨ Santiago gweraño asepia.

Gálatas 2:9

Santiago, Pedro iyavei Juan, a'e Jesús reroyasar yemovɨräkwäsa yuvɨrekoi, oikwa yuvɨreko Tüpä ombou va'e oporovasasa cheu, a'ese imboetasa ore rekosa pɨpe che po pɨsɨ yuvɨreko, Bernabé upe avei egwë e'i yuvɨreko iyavei ipɨ'a rupi ete ore oroporavɨkɨ va'erä ava nda'ei va'e judío pa'üve oroiko, inungar a'e oporavɨkɨ judío pa'üve yuvɨreko.

Santiago 1:1

Che Santiago, Tüpä, yande Yar Jesucristo rembigwai aiko, amondo che ma'endu'asa opayandepo yovaive ñuvɨrïo yuvɨrekoi va'e Israel ɨgwar opakatu ɨvɨ rupi oñemosaï va'e upe.

San Judas 1:1

Che Judas, aiko Jesucristo rembigwai, Santiago rɨvrɨ. Che aikwachia ko che ñe'ë peü. Pe ni'ä yande Ru Tüpä rembiaɨsu semienoi peiko. Jesucristo ni'ä perärö opakatu mba'e-mba'e tëi sui.