San Mateo 10:28 - Tüpä Ñe'ëngagwer

²⁸ Ndapesɨkɨyei chira ava peyuka potasar sui esepia ndoikatui chira ava ä mokañɨ agwä yuvɨreko; pesɨkɨye katura rumo Tüpä sui esepia a'e oikatu yande retekwer yande ä reseve imokañɨ agwä tata gwasu pɨpe.

Tũpa Ñehengagüer

²⁸ Iyavei ndapesɨquɨyei chira acoi ava peyuca potasar sui. Esepia, ndoicatui niha ava hã mocañɨ ãgua yuvɨreco. Tũpa sui rumo pesɨquɨye catura. Esepia, ahe oicatu yande retecuer, yande hã reseve imocañɨ ãgua tata guasu pɨpe” ehi.

San Mateo 10:28 Iomraidhean Croise

San Mateo 10:26

“Ndapesɨkɨyei chira, ava pe amotare'ɨ̇mbar sui. Esepia ndipoi chietera mba'e ñomiprɨ ndikwasai va'erä kuri, opakatu mba'e ñomiprɨ ikwasapaño itera.

San Mateo 25:46

A'e ava yuvɨrasora Tüpä ñemoɨrösa apɨre'ɨ̇ va'esave, seko ɨ̇vi va'e rumo teko orɨ opae'ɨ̇save yuvɨrasora.”

San Mateo 5:22

Che rumo aipo a'e peü akoi ava oyeɨvrɨ rese oñemoɨrö va'e yuvɨreko, oso aveira tekoasɨsave. Akoi vɨroɨrö va'e vɨvrɨ, a'e serasosara Mborandusa ɨvate katu va'e save; akoi iñe'ë marä gwasu katu va'e oyeɨvrɨ upe, a'e iyakatu imondosa itera tata ndopai va'e save.”

San Juan 5:29

iyavei yuvɨnosepara tuvɨpa sui. Oyapo tuprɨ va'e mba'e yuvɨreko, a'e okwerayevɨra tekovesa apɨre'ɨ̇ rereko agwä; akoi oyapo va'e mba'e naporäi va'e, a'e okwerayevɨra yuvɨreko ñemoɨrösa pɨsɨ agwä tëi.”

Los Hechos 21:13

Pablo rumo omboyevɨ aipo e'i: –¿Ma'erä vo peyase'o, ipɨpe sui ndache mbovɨ'ai peye? Che rumo ayemoigätu voi che apɨ̇chi uka agwä, che mano agwä rese avei Jerusalén ve yande Yar Jesús rekokwer rese.

Hebreos 10:31

¡Mba'e tëiete yaikese Tüpä oikove va'e ñemoɨrösa pɨpe!

Hebreos 11:35

Oime avei amove kuña vɨreko iri va'ekwer omu manosa sui imbogwerayevɨprɨ. Ambuae rumo omanopaño ite teko rasɨsa pɨpe, yasë katu ko nungar mba'e sui nde'i ete yuvɨreko kwerayevɨsa avɨye katu va'e pɨpe gweko agwä.

Santiago 4:12

Oime rumo ñepëiño ite ombou va'e mborokwaita yandeu iyavei oporandu va'e yande rekokwer rese. A'e gweraño avei oikatu oporopɨsɨrö iyavei oporomokañɨ agwä no; nde evokoiyase, ¿uma vo ereiko ereporandu va'erä ava rekokwer rese?

1 San Pedro 3:14

Peparaɨsuse rumo mba'e pe rembiapo avɨye va'esa rese, ¡sovasaprɨ peiko! Sese peyembosɨkɨyei rene ava sui,

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.