San Mateo 10:27 - Tüpä Ñe'ëngagwer

²⁷ Akoi che amombe'u va'e pɨ̇tümimbisave peü, pe rumo pemombe'ura arɨ pɨpe ite; iyavei akoi peüñomi amombe'u va'e, perosapukai pe rëtä arɨve imombe'u opakatu upe.

Tũpa Ñehengagüer

²⁷ Acoi che amombehu vahe pɨ̃tumimbisave pẽu, pemombehu arɨ pɨpe coiye, iyavei acoi amombehu vahe pẽuñomi, perosapucai pe rẽta harɨve imombehu opacatu ava upe.

San Mateo 10:27 Iomraidhean Croise

San Mateo 24:17

iyavei akoi gwëtä arɨve yuvɨrekoi va'e, togweyɨ iri eme omba'e reka;

San Lucas 12:3

Supiete, opakatu mba'e pemombe'u va'e pɨ̇tümimbisave, sendusara arɨ pɨpe; iyavei akoi mba'e pemombe'u va'e peyeupeñomi tosendu eme ambuae ava pe esa pɨpe, a'e rumo serosapukaisara oɨ arɨve koiye.”

San Lucas 8:10

Jesús aipo e'i chupe: “Peü rumo Tüpä oikwa uka ite mba'e ndikwasai va'e omborerekwasa resendar; ambuae upe rumo amombe'u yembo'esa mba'e mboyoyasa rupi tëi, yepe osepia tëira mba'e viña noma'ekwai rumo yuvɨreko, iyavei osendu tëira viña ndosendukwai chietera rumo yuvɨreko.”

San Juan 16:1

“Amombe'u akoi peü ndapemokañɨi va'erä pɨ'a ñemoñetasa che rese.

San Juan 16:13

Akoi ouse Espíritu supi va'e ite, a'e pembo'era opakatu mba'e supiete va'e rese; esepia noñe'ëi chira a'e oyesui tëi, a'e rumo omombe'ura opakatu mba'e senduprɨ gweraño ite, iyavei oikwa ukara mba'e oime va'erä koiye peü.”

San Juan 16:25

“Amombe'u ni'ä akoi ko tekokwer mboyoyasa peü; oyepotara rumo arɨ a'ese namboyoya iri chira ambuae mba'e rese ko tekokwer, a'ese aikwa uka mba'e peü che Ru rekokwer resendar.

San Juan 16:29

Evokoiyase aipo e'i semimbo'e eta yuvɨreko chupe: –Indo aipo supiete ereñe'ë tuprɨ katu ite, nderemboyoya iri ambuae mba'e rese imombe'u oreu.

Los Hechos 17:17

Sese oɨ judío ñemoñu'äsave oyemomborandu iyavei ambuae ava Tüpä mboeteisar rese yuvɨreko, iyavei arɨ yakatu rupi oyemomborandu okarusuve oñemonu'ä va'e rese avei a'eve yuvɨreko yepi.

Los Hechos 5:20

“Peso tüpärove, pemombe'u avei ava upe ko ñe'ësa tekokwer pɨasu resendar.”

Los Hechos 5:28

–Ore oroiko va'e, ndoroipotai ete peporombo'e agwä evokoi mbɨa rekokwer rese. ¿Iyavei pe mba'e vo peyapo peiko? Opa ite oikwa peporombo'esa opakatu Jerusalén pɨpe yuvɨreko, iyavei oremoangaipa pota peye evokoi mbɨa yuka agwer rese.

2 Corintios 3:12

Ore oroyeroya ite ko ñe'ësa ipokopɨ va'e rese, sese oroñe'ë ava upe ore sɨkɨye e'ɨ̇sa pɨpe ite.