San Mateo 10:2 - Tüpä Ñe'ëngagwer

² Ko serer yuvɨrekoi va'e opayandepo yovaive ñuvɨrïo tuprɨ Jesús ñe'ë mombe'usar: yɨpɨndar serer Simón, iyavei Pedro, a'e tɨvrɨ Andrés; ambuae Santiago, tɨvrɨ avei Juan, a'e Zebedeo ra'ɨrɨ;

Tũpa Ñehengagüer

² Ahe ava doce tuprɨ apóstol yuvɨrecoi vahe: yɨpɨndar Simón Pedro, ahe tɨvrɨ Andrés; ambuae Santiago, Zebedeo rahɨr, ahe tɨvrɨ Juan;

San Mateo 10:2 Iomraidhean Croise

San Mateo 17:1

Ñepëi ova arɨ pare, Jesús vɨraso Pedro, Santiago, iyavei tɨvrɨ Juan reseve, yuvɨraso kokotɨ ɨvɨtrɨ ɨvate katu va'e rese.

San Mateo 20:20

Ipare Zebedeo rembireko ñuvɨrïo omembrɨ reseve, oyemboya Jesús rese yuvɨreko ichui oñenopɨ'ä sovai oporandu agwä mba'e rese.

San Mateo 26:37

A'ese vɨraso Pedro iyavei ñuvɨrïo Zebedeo ra'ɨrɨ oyeupi, ichui omboɨpɨ ndoyepɨ'a mbovɨ'aiete oiko.

San Mateo 4:18

Ogwatase Jesús Galilea Ɨpa popɨ ɨvɨi, a'ese osepia ñuvɨrïo oyeɨvrɨ va'e: ñepëi aipo Simón, iyavei serer Pedro, ambuae evokoiyase serer Andrés. A'e pira mbo'asar yuvɨrekoi va'e, ombo'a vɨte seve pira yuvɨreko.

San Mateo 4:21

Koikotɨ katumi aipo, Jesús osepia ambuae oyeɨvrɨ ñuvɨrïo yuvɨrekoi va'e: A'e Santiago iyavei Juan Zebedeo ra'ɨrɨ, a'e yuvɨrekoi oyesupa rese ɨarusu pɨpe omoigätu pira mbo'asa yuvɨnoi. A'eve Jesús oñe'ë chupe,

San Marcos 1:29

Yuvɨnosëse Jesús oɨ judío ñemonu'äsa sui, yuvɨraso Santiago iyavei Juan rese Simón Andrés rëtäve.

San Marcos 13:3

Ipare yuvɨraso ɨvɨtrɨ Olivos ve, a'e ɨvɨtrɨ tüpäro rovai. A'eve Jesús ogwapɨ öi, ichui Pedro, Santiago, Juan iyavei Andrés oporandu kokotɨ mba'e rese yuvɨreko chupe

San Marcos 6:30

Ko ipare, Jesús ñe'ë mombe'usar oñemonu'ä Jesús pɨri omombe'u mba'e gwembiapokwer oporombo'e agwer avei yuvɨreko chupe.

San Lucas 11:49

“Sese, Tüpä omba'ekwasa pɨpe aipo e'i: ‘Amondora che ñe'ë mombe'usar Jesús ñe'ë mombe'usar avei, a'e ipa'ü pendar rumo yukasara ambuae evokoiyase osekatëira yuvɨreko.’

San Lucas 22:14

Osupitɨse arɨ ipapaprɨ ikaru agwä, a'ese Jesús gwemimbo'e eta reseve yuvɨrogwapɨpa karusa rendave.

San Lucas 22:8

Jesús oyokwai Pedro iyavei Juan, aipo e'i chupe: –Peso tapemoigätu yande karu agwä Pascua pieta resendar.

San Lucas 5:10

A'eve Santiago iyavei Juan, Zebedeo ra'ɨrɨ, yuvɨrekoi Simón mboetasa. A'ese Jesús aipo e'i Simón upe: –Eresɨkɨyei rene; ko pɨpe suive tuprɨ ereikora ava reka agwä cheu narä.

San Lucas 9:10

Oyevɨpase iñe'ë mombe'usar yugweru, opa tuprɨ omombe'u Jesús upe mba'e gwembiapokwer yuvɨreko. A'e evokoiyase, vɨroyepepɨ kokotɨ seraso tekwa Betsaida serer va'esave.

San Juan 12:22

Felipe evokoiyase oso imombe'u Andrés upe, ichui yuvɨraso ñuvɨrïo voi Jesús upe imombe'u.

San Juan 13:23

Ñepëi sekoi va'e ipa'ü pendar, a'e Jesús rembiaɨsu katu yɨpɨve chini, okaru vɨte seve yuvɨnoi,

San Juan 20:2

Evokoiyase a'e kuña oso Simón Pedro rekosave iyavei ambuae semimbo'e upe a'e akoi Jesús osaɨsu katu va'e yepɨ, aipo e'i chupe: –¡Vɨraso Yar yuvɨreko tuvɨpa sui, iyavei ndoroikwai kevo katu omondo yuvɨreko!

San Juan 21:2

A'eve yuvɨrekoi Simón Pedro, Tomás, a'e akoi Gemelo, Natanael, a'e aipo Caná ɨvɨ Galilea pendar, Zebedeo ra'ɨrɨ iyavei ambuae ñuvɨrïo Jesús remimbo'e.

San Juan 21:20

Oyevɨse yugweru, Pedro osepia gwakɨkwei ñepëi ouse Jesús rembiaɨsu katu va'e, a'e akoi chini yɨpɨve karusa ipa va'esave oporandu avei chupe: “Che Yar, ¿uma vo nde mondora nde amotare'ɨ̇mbar upe?”

San Juan 21:24

Ko semimbo'e avei akoi omombe'u mba'e opakatu oikwa va'e, oikwachia avei sesendar. Yaikwa avei mba'e supi tuprɨ omombe'use.

San Juan 6:67

Jesús oporandu opayandepo yovaive ñuvɨrïo va'e gwemimbo'e upe: –¿Pe avei vo chereyapa pota peye?

San Juan 6:70

Jesús rumo omboyevɨ chupe: –¿Nda'ei vo che opoporavo opayandepo yovaive ñuvɨrïo tuprɨ peiko va'e? Oime rumo ñepëi pe pa'ü pendar a'e karugwar ite sekoi.

San Juan 6:71

Evokoiyase aipo e'ise, Jesús oñe'ë Judas rekokwer rese, a'e Simón Iscariote ra'ɨrɨ, esepia ni'ä Judas omondora ava yamotare'ɨ̇mbar upe, yepe opayandepo yovaive ñuvɨrïo semimbo'e pa'ü pendar sekoi va'e viña.

San Juan 6:8

Evokoiyase Andrés, a'e ambuae semimbo'e iyavei Simón Pedro rɨvrɨ, aipo e'i chupe:

Los Hechos 1:13

Yuvɨroikese Jerusalén ve, oyeupipa okesa oɨ ɨvateve yuvɨreko. A'eve Pedro, Juan, Santiago, Andrés, Felipe, Tomás, Bartolomé, Mateo, Santiago a'e Alfeo ra'ɨrɨ, Simón a'e Zelote iyavei Judas, Santiago ra'ɨrɨ yuvɨrekoi.

Los Hechos 1:26

Evokoiyase osä'a iporavo yuvɨreko, Matías ite vɨnose iporavoprɨ sui yuvɨreko, ichui tuprɨ oike opayandepo yovaive ñepëi Jesús ñe'ë mombe'usar pa'üve.”

Los Hechos 12:2

A'ese oyuka uka kɨse puku pɨpe Santiago, a'e Juan rɨke'ɨrɨ;

Los Hechos 3:1

Ñepëi arɨ pɨpe, Pedro iyavei Juan yuvɨraso tüpärove oyerure agwä ka'aruarɨ yemombɨtesa rupi yuvɨreko.

1 Corintios 15:7

Koiye oyemopore'ɨ̇ Santiago upe, ipare opakatu oñe'ë mombe'usar yuvɨrekoi va'e upe avei.

Efesios 4:11

A'e ni'ä ombou amove ava upe Jesús ñe'ë mombe'usar seko agwä, ambuae upe ombou Tüpä ñe'ë mombe'u agwä, ambuae upe ombou ñe'ësa pɨsɨrösa mombe'u agwä, ombou avei ambuae upe vɨroyasar rärö agwä iyavei iporombo'e agwä.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

1 San Pedro 1:1

Che Pedro, Jesucristo ñe'ë mombe'usar aikwachia ko che ñe'ë peü, pe Tüpä rembiporavo pe rekwa pɨpe sui peñemosai va'e ɨvɨ Ponto, Galacia, Capadocia, Asia iyavei Bitinia rupi peiko va'e upe,

2 San Pedro 1:1

Che, Simón Pedro, Jesucristo ñe'ë mombe'usar iyavei sembigwai aiko, ko aikwachia che ñe'ë peü narä, peipɨsɨ va'e yande Yar rese pe yeroyasa avɨye va'e inungar ore, esepia yande Yar Tüpä, yande Pɨsɨrösar Jesucristo seko ɨ̇vi va'e yuvɨrekoi.

2 San Juan 1:1

Che, aikwachia ko ñe'ësa che ma'endu'asa resendar peü, pe Tüpä rembiporavo peiko va'e opakatu upe. Che ni'ä supiete opoaɨsu, nda'ei rumo che gweraño opoaɨsu, opakatu oikwa va'e porombo'esa supiete va'e avei pe raɨsu yuvɨreko.

3 San Juan 1:1

Che ikwaiprɨ, aikwachia ko che ñe'ë ndeu, che mborɨpar, che rembiaɨsu Gayo, che supiete oroaɨsu yepi.

Apocalipsis 1:1

Tüpä omboyekwa Jesucristo upe mba'e oime va'erä koiye katu, a'e evokoiyase oikwa ukara vɨroyasar upe. Iyavei Jesucristo omombe'u mbigwai ɨva pendar upe Juan upe oikwa uka va'erä,

Apocalipsis 1:9

Che Juan, pe rɨke'ɨrɨ aiko, iyavei che pe nungar Tüpä povrɨ pendar aiko, che paraɨsu avei vichiko Jesucristo rese che rekosave che ñemosasa pɨpe. Che rokendasa vichiko ka'a pa'ümi paragwasu avɨterve Patmos serer va'esave Tüpä ñe'ëngagwer mombe'usa pɨpe sui tëi, Jesucristo rekokwer mombe'usa pɨpe sui tëi aveino.

Apocalipsis 18:20

Peyembovɨ'año, pe ɨva pendar evokoi tekwa gwasu rese; iyavei peyembovɨ'año katu, peiko va'e tekwa maräne'ɨ̇ pendar, iyavei Jesús ñe'ë mombe'usa reta Tüpä ñe'ë mombe'usa reta aveino, esepia ni'ä Tüpä opa omokañɨ, peü narä mba'e avɨye va'e aposa pɨpe.

Apocalipsis 22:8

Che Juan, asepia iyavei asendu ite ko mba'e. Sepia pare sendu pare voi añenopɨ'ä mbigwai ɨva pendar rovai imboetei agwä.