San Marcos 9:8 - Tüpä Ñe'ëngagwer

⁸ A'e ramoseve oma'ese oɨvɨi, ndosepia iri ete rumo ambuae ava yuvɨreko supi, Jesús gweraño ite osepia yuvɨreko.

Tũpa Ñehengagüer

⁸ Ahe ramoseve avei omahese oɨvɨi yuvɨreco, ndosepiai eté que ambuae ava, Jesús güeraño tuprɨ ité osepia opãhuve yuvɨreco.

San Marcos 9:8 Iomraidhean Croise

San Marcos 9:7

A'e ramoseve, avei ogweyɨ ɨva kɨ'a i'arɨve oyopɨpa tuprɨ yuvɨreko. A'e ɨva sui oyeendu ñe'ësa aipo e'i: “Ko che Ra'ɨrɨ che rembiaɨsu: peyapɨsaka katu iñe'ë rese.”

San Marcos 9:9

Ipare ogweyɨse ɨvɨtrɨ sui yuvɨreko, Jesús aipo e'i gwemimbo'e upe ndapemombe'ui chietera ñepëi ava upe ko mba'e pesepia va'e, pemombe'ura rumo akoi che ava ɨvate katu va'e Ra'ɨrɨ akwerayevɨse voi ete kuri.

San Lucas 24:31

A'ese ramo ite semimbo'e oma'ekwa Jesús rese yuvɨreko; a'e rumo okañɨ tuprɨño voi ete.

San Lucas 9:36

Osenduse aipo ñe'ësa yuvɨreko, a'ese Jesús opɨta a'e ae o'ä. Semimbo'e rumo vɨreko ñoite ko mba'e opɨ'a pɨpe yuvɨreko iyavei a'e arɨ pare nomombe'ui ete mba'e osepia va'ekwer yuvɨreko.

Los Hechos 10:16

Ko egwë e'i mbosapɨ yupagwer rupi, ipare turukwar oyevɨ ɨvave oso.