San Marcos 9:43 - Tüpä Ñe'ëngagwer

⁴³ Sese pepo pe mboangaipa uka va'e peyasɨa peyesui; esepia avɨye katu peikera tekove apɨre'ɨ̇save ñepëi pepo rese, peso rägwer sui ñuvɨrïo pepo rese tata gwasu apɨre'ɨ̇save,

Tũpa Ñehengagüer

⁴³ Sese pe po pe mboangaipa uca vahe peyasɨa ité peyesui. Esepia, avɨye catu peiquera tecove apɨrẽhɨsave ñepei pe po rese, peso rãgüer sui que ñuvɨrío pe po rese tata guasu apɨrẽhɨsave.

San Marcos 9:43 Iomraidhean Croise

San Mateo 17:27

Evokoiyase gwarepochi rerokwasar moñemoɨrö e'ɨ̇ agwä rumo, eresora ɨpa pɨpe, erepirapoira yɨpɨndar pira erenose va'e. A'e iyuru pɨpe ereyosɨra ñepëi gwarepochi, a'e ipɨpe osupitɨra imboepɨpa agwä cheu iyavei ndeu; eraso chupe emboepɨpa.

San Mateo 25:41

“A'ese Mborerekwar ɨvate katu va'e cherekosa pɨpe aipo a'era che pokoe'ɨ̇sa kotɨndar upe: ‘Pesɨrɨ che sui, esepia peiko Tüpä ñemoɨrösavrɨ pendar tëi; pesopa tata gwasu apɨre'ɨ̇save, evokoi imoigätuprɨ opakatu karugwar upe sembigwai upe narä avei.

San Mateo 3:12

Gweru sɨpe opove ipare omoatɨröra trigo iyavei oipe'ara i'ɨgwer sui. Oyapokatura trigo sɨru pɨpe, i'ɨgwer rumo opara osapɨ tata ndopai va'e apɨre'ɨ̇ va'esave.”

San Mateo 5:22

Che rumo aipo a'e peü akoi ava oyeɨvrɨ rese oñemoɨrö va'e yuvɨreko, oso aveira tekoasɨsave. Akoi vɨroɨrö va'e vɨvrɨ, a'e serasosara Mborandusa ɨvate katu va'e save; akoi iñe'ë marä gwasu katu va'e oyeɨvrɨ upe, a'e iyakatu imondosa itera tata ndopai va'e save.”

San Marcos 9:44

a'eve akoi uru nomanoi va'e, iyavei tata ndogwei va'esave.

San Lucas 14:13

Ko nungar ereyapose rumo pieta, ereicho'o ukara ava iparaɨsu va'e, ava ndogwatai va'e, anise iparï-parï va'e, ndasesapɨsoi va'e avei,

San Lucas 14:21

Oyevɨse mbigwai, opa tuprɨ omombe'u mba'e gwerekwar upe. Evokoiyase serekwar oñemoɨrö, aipo e'i gwembigwai upe; ‘Eso voi evokoiyase opakatu okar rupi. Eru ko'ave ava iparaɨsu va'e, ava ndogwatai va'e, anise ndasesapɨsoi va'e, iparï-parï va'e aveino.’

San Lucas 3:17

A'e gweru mba'e mbovevesa opove, trigo moatɨrö agwä iyavei ipe'a agwä kapi'i sui. Trigo yapokatusara sa'ɨ̇i apokatusa pɨpe, i'ɨgwer rumo imondosara tata apɨre'ɨ̇ va'esave.”

Romanos 8:13

Esepia peikoño vɨtese pe remimbotarai pɨpe, a'ese pekañɨ tëira; pemombopase rumo Espíritu rer pɨpe mba'e naporäi va'e peyesui, a'ese perekora tekovesa apɨre'ɨ̇.

1 Corintios 9:27

Che rumo mbigwai nungar che retekwer areko, amboyeroya uka pɨ'a ñemoñeta tuprɨsa upe, esepia ndaipotai ambuae ava mbo'e pare imomboprɨ tëi nungar gwayɨsa sui che yereko agwä.

Gálatas 5:24

Cristo Jesús rese yuvɨrekoi va'e rumo, opa omombo gwekokwerai ko ɨvɨ pɨpendar tëi oyesui yuvɨreko, gwemimbotarai opɨ'añemoñeta raisa avei.

Colosenses 3:5

Evokoiyase pepoi opakatu ko mba'e naporäi va'e ko ɨvɨ pɨpendar tëi pe rese oime va'e sui: ndapeyemboagwasai chira, ndapeyapoi chira mba'e tëi pe rekokwer pɨpe, ndapeipotarai chira pɨ'añemoñeta raisa, ndapeipotarai chira ambuae ava mba'e (esepia, a'e ni'ä oyoya mba'e ra'anga tëi mboeteisa rese).

Tito 2:12

Ko poroaɨsusa Tüpä suindar yande mbo'e mba'e-mba'e tëi sui yande rekuñarö agwä iyavei yande remimbotar sui tëi, iyavei yande reraso ko tenonde kotɨ yande rekokwer ñearö tuprɨ pɨpe, yande reko ɨ̇vi agwä iyavei yande reraso tekokwer avɨye va'e pɨpe yaiko va'ëra,

Hebreos 12:1

Sese yande, yaikwase seta ite evokoi ava oime omboyekwa va'e Tüpä rese oyeroyasa, iyakatu ite yaseyapa opakatu mba'e ndayande mbo'e katui va'e Tüpä upendar mba'e rese, iyavei angaipa yande mbo'a tuprɨ va'e, ichui yayemovɨräkwäño itera yande kwaita Tüpä ombou va'e rese yandeu inungar ivava katu va'e.

1 San Pedro 2:1

Sese peseya opakatu mba'e naporäi va'e, opakatu porombopasa, pe reko tuprɨ anga'u tëisa, ambuae ava mba'e pota raisa, opakatu ma'echiröi resendar avei.