San Marcos 9:25 - Tüpä Ñe'ëngagwer

²⁵ Osepiase Jesús ava re'ɨi, oyemboyase sese oñe'ëgäta karugwar upe aipo e'i: –Karugwar noñe'ëi va'e ndayapɨsai va'e, che orokwai epoi ko chi'ïvä'e sui ereike iri eme sekokwer rese.

Tũpa Ñehengagüer

²⁵ Osepiase Jesús ava rehɨi, oyemboyase sese, oñehe pĩrata caruguar upe aipo ehi: —Caruguar noñehei vahe, ndayapɨsai vahe, che orocuai, epoi co chĩhivahe sui, ereique iri eme secocuer rese —ehi.

San Marcos 9:25 Iomraidhean Croise

San Mateo 12:22

Vɨraso Jesús upe ñepëi ava ndasesapɨsoi va'e iyavei niñe'ë gätui va'e, a'e karugwar vɨreko va'e oyese, ipare rumo Jesús ombogwera sesa maräsa sui omoñe'ë gätu aveino.

San Mateo 17:18

Evokoiyase Jesús oñe'ëgäta karugwar upe ipare omose chi'ïvä'e sui, a'e ramoseve voi ete okwera tuprɨ.

San Marcos 9:15

Jesús repiase rumo, opakatu yuvɨnoñapa yuvɨraso chupe avɨrave apo ovɨ'aretesa pɨpe.

San Marcos 9:24

Evokoiyase chi'ïvä'e yesupa säse pirätä: –Che orovɨroya ite. ¡Che pɨtɨ̇vɨï eve nde reroya katu agwä!

San Marcos 9:26

Karugwar säse puku, omoeo'ä tuprɨ chi'ïvä'e. Ipare osë ichui, oseya rumo inungar omano va'e, aipo e'i yuvɨreko, ko chi'ïvä'e omano ite ou e'i yuvɨreko chupe.

San Lucas 11:14

Jesús omboyepepɨ karugwar ñepëi mbɨa sui nomoñe'ëgätui va'e seya oso; ipare omosëse karugwar ichui. A'e seve voi niñe'egätui va'e omboɨpɨ oñe'ë. Ipare ava re'ɨi sepiase ndoyembovɨ'ai tëi yuvɨreko,

San Lucas 4:35

Jesús evokoiyase oñe'ëgäta karugwar upe aipo e'i: –¡Kiriri, epoi ko mbɨa sui! A'ese karugwar ombovɨapi a'e mbɨa opakatu ava rovai imondo ɨvɨve, ipare osë okwa ichui nomomaräi ete rumo.

San Lucas 4:41

Imba'easɨ va'e sui seta yuvɨnosë karugwar, säse tëi aipo e'i yuvɨreko: –¡Nde Tüpä Ra'ɨrɨ ite ereiko! Jesús rumo oñe'ëgäta karugwar upe iyavei ndoipota iri iñe'ë agwä, esepia a'e oikwa ite Poropɨsɨrösar sekoise yuvɨreko.

San Lucas 8:29

Aipo e'i oñe'ë, esepia Jesús opa ite oyokwai karugwar töse ichui oyapave. Seta yupagwer karugwar a'e mbɨa ombopa sereko yepi; yepe ava oipokwa-pokwa tëi yuvɨreko ipɨ rupi avei karena pɨpe tovɨraso iri eme oyapave yuvɨreko viña, a'e rumo ombosando-sando ñoite okwasa karugwar rumo vɨraso ukaño ava pore'ɨ̇sa rupi sereko.

San Lucas 9:42

Oyemboyase chi'ïvä'e oso sese, a'ese karugwar ombovɨapi ɨvɨve imondo ipare rumo omoeo'ä iri ete; Jesús rumo oñe'ëgäta karugwar upe, a'e chi'ïvä'e ipare ombogwera imboyevɨ imondo iyesupa upe.

Los Hechos 16:18

Seta arɨ rupi egwë e'i oiko, omañeko tëise rumo Pablo, oyemboyere chupe, aipo e'i ikarugwar upe: –Che orokwai Jesucristo rer pɨpe, esë ko kuñatäi sui. A'e ramoseve karugwar osë ichui.

San Judas 1:9

A'ese Miguel mbigwai ɨva pendar rerekwar, ovava karugwar rese yuvɨreko Moisés retekwer rese, ndiyai rumo iñe'ë marä agwä, aipo e'i chupe: “¡Tüpä oikwara ko rese ndeu!”