San Marcos 9:22 - Tüpä Ñe'ëngagwer

²² Seta yupagwer ko karugwar oitɨ uka tatave ɨve avei, yuka pota agwä yepi. Sese ereikatuse, ore pɨtɨ̇vɨïñomi tëi katu eve ore paraɨsuerekosave.

Tũpa Ñehengagüer

²² Amove co caruguar oitɨ uca tatave, ɨve avei yuca pota uca ãgua yepi. Sese ereicatuse, ore pɨ̃tɨvɨiñomi tẽi catu eve ore paraɨsuerecosave —ehi.

San Marcos 9:22 Iomraidhean Croise

San Mateo 14:31

Egwë e'i ramoseve, Jesús oipɨsɨ ipo rese, aipo e'i chupe: –¡Chi'ï tëi ereyeroya che rese! ¿Ma'erä vo ndereyeroyai che rese?

San Mateo 17:15

–Che Yar, ereiparaɨsuerekomi tëira che ra'ɨrɨ cheu viña, esepia a'e ipɨ'a mba'easɨ va'e, iyavei iparaɨsu iteanga, seta yupagwer ovɨapi tatave, ɨpɨve avei.

San Mateo 20:34

Jesús oiparaɨsuerekosave, opoko sesa rese. A'e ramoseve ndasesapɨsoi va'e osareko tuprɨai ete yuvɨreko, ipare yuvɨraso Jesús rupi.

San Mateo 8:2

A'ese ñepëi ava mba'erasɨ vai ndokwerai va'e rerekosar ou, oñenopɨ'ä sovai aipo e'i chupe: –Che Yar ereipotase, che mbogwerami tëi eve ko mba'erasɨsa sui.

San Mateo 9:28

Oikese Jesús oso oɨ pɨpe, ndasesapɨsoi va'e oyemboya yuvɨraso sese, a'ese Jesús oporandu chupe: –¿Che reroya ite vo pe mbogwera agwä rese peye? –Taa, nde reroyasa ite ore Yar–e'i imboyevɨ yuvɨreko chupe.

San Marcos 5:19

Jesús rumo ndoipotai, aipo e'iño chupe: –Esoño nde rëtäve, nemu pɨri, a'eve emombe'u opakatu yande Yar oporoaɨsusa pɨpe mba'e oyapo va'ekwer nderese, marä e'i nderaɨsu oiko.

San Marcos 9:21

Jesús oporandu iyesupa upe: –¿Mba'ese suive tuprɨ vo na e'i oiko? Iyesupa omboyevɨ chupe: –Ichi'ïvä'e suive ite.

San Marcos 9:23

Jesús aipo e'i chupe: –¿Ma'erä ‘ereikatuse ere cheu’? ¡Opakatu che reroyasar upe yaposa ite mba'e avɨye va'e!

San Lucas 7:13

A'e kuña repiase, yande Yar oiparaɨsuereko aipo e'i chupe: –Ereyase'oi rene.