San Marcos 9:13 - Tüpä Ñe'ëngagwer

¹³ Che rumo aipo a'e peü Elías ou ite, ava evokoiyase opakatu gwemimbotar rupi tëi mba'e oyapo yuvɨreko sese, egwë e'i opakatu yavɨye araka'endar Ikwachiapɨrer pɨpe.

Tũpa Ñehengagüer

¹³ Che niha aipo ahe pẽu: Elías rumo ou ité, ava evocoiyase opacatu güemimbotar tẽi oyapo yuvɨreco sese. Ẽgüe ehi opacatu yavɨye aracahendar icuachiapɨrer sese —ehi.

San Marcos 9:13 Iomraidhean Croise

San Mateo 11:14

peipotase che reroyara peye, Juan rumo a'e Elías Tüpä ñe'ë mombe'usar. A'e imombe'uprɨ ou va'erä kuri.

San Marcos 9:12

A'e rumo omboyevɨ chupe: –Supi ete ni'ä Elías rane oura, opakatu mba'e moigätu agwä. ¿Ma'erä evokoiyase araka'endar Ikwachiaprɨ pɨpe aipo e'i ava ɨvate katu va'e Ra'ɨrɨ oiporarara mba'e oiko, iyavei vɨroɨröra yuvɨreko no?

San Marcos 9:14

Oyevɨ pare gwemimbo'e rekosave, a'eve osepia ava re'ɨi oyere gwasuse yuvɨreko sese, iyavei oime a'eve Moisés porokwaita rese oporombo'e va'e oiñe'ëpoepɨ-epɨ semimbo'e yuvɨreko.

San Lucas 1:17

Ko Juan osora yande Yar renonde, espíritu rese iyavei Tüpä ñe'ë mombe'usar Elías pirätäsa rese avei, ava gwa'ɨrɨ rese ñeröi agwä iyavei ava ndiporeroyai va'e toyembo'e oporeroya yuvɨreko. Egwë e'ira ava mbo'e imoigätu yande Yar pɨsɨ agwä sereko.

Los Hechos 7:52

¿Uma Tüpä ñe'ë mombe'usar pi'ä ndovɨrekoi marä-marä tëi peramoi yuvɨreko araka'e? A'e avei oyukapa omombe'u va'e ndaseko maräi va'e rekokwer yusa resendar yuvɨreko, iyavei kurïtëi ou ite ndaseko maräi va'e, pe avei peporokwai yuka uka agwä.