San Marcos 9:1 - Tüpä Ñe'ëngagwer

¹ Jesús aipo e'i iri avei: –Supi ete oimerä amove ko'ave ava nomano vɨtei va'erä, osepia rane itera ouse Tüpä mborerekwasa pirätäsa yuvɨreko kuri.

Tũpa Ñehengagüer

¹ Ipare Jesús aipo ehi iri: —Supi eté, oimera amove cohave ava nomano vɨtei chivaherã, osepia rane itera ouse Tũpa mborerecuasa ipĩratasa pɨpe yuvɨreco curi —ehi.

San Marcos 9:1 Iomraidhean Croise

San Mateo 16:28

Supiete yuvɨrekove va'e nomano vɨtei chietera, a'e che repia rane itera, ayevɨse che mborerekwasa pɨpe yuvɨreko kuri.

San Mateo 24:30

A'ese oyekwara ɨva rese poromondɨisa che ava ɨvate katu va'e Ra'ɨrɨ yu agwä, iyavei opakatu ava-ava tëi ko ɨvɨ pɨpendar oyase'o tëira osɨkɨyepave yuvɨreko, ipare pesepiara che ava ɨvate katu va'e Ra'ɨrɨ agweyɨse ɨva kɨ'a rese che pirätäsa rendɨgwer porañetesa pɨpe.

San Mateo 25:31

“Che, ava ɨvate katu va'e Ra'ɨrɨ, ayevɨse opakatu che Ru rembigwai ɨva pendar reseve che reko ɨvategwer pɨpe, a'ese agwapɨra che renda porañete va'esave ava rekokwer rese porandu agwä.

San Marcos 13:26

A'ese che ayura ava ɨvate katu va'e Ra'ɨrɨ ɨva kɨ'a rese ayekwa itera che pirätäsa pɨpe che rendɨgwer porañetesa pɨpe avei.

San Marcos 13:30

Supi ete aipo a'e opakatu oime rane itera osepia va'e omano e'ɨ̇ vɨte seve ava kurïtëindar yuvɨreko.

San Lucas 2:26

iyavei oikwa uka avei chupe imano vɨte e'ɨ̇ agwä eresepia rane itera Poropɨsɨrösar yande Yar remimbou kuri e'i va'e.

San Lucas 22:18

esepia ko pɨpe suive ndaɨ'u iri chira uva rɨkwer, akoi ouse voi ete Tüpä mborerekwasa cheu.

San Lucas 22:30

esepia pekarura iyavei peɨ'ura che mborerekwasave che pɨri, iyavei pegwapɨra gwapɨsa yemboeteisave porandu agwä opayandepo yovaive ñuvɨrïo tuprɨ Israel rekokwer rese.”

San Lucas 9:27

Supiete yuvɨrekove vɨte va'e akoi ko'ave ava nomano vɨtei chietera osepia rane itera ouse Tüpä mborerekwasa yuvɨreko kuri.

San Juan 21:23

Sese oikwapa ite ko ñe'ësa seroyasar yuvɨreko ñepëi semimbo'e nomanoi chietera viña. Jesús rumo aipo nde'i chupe nomanoi chietera, a'e rumo aipo e'i: “Aipotase sekove vɨte agwä che yevɨse narä kuri, ¿marä vo evokoiyase nde ererekora?”

Hebreos 2:9

Yaikwa ni'ä Jesús, a'e Tüpä gwembigwai sui ndaseta aravɨter ɨvɨ kotɨ katu vɨreko, oporoaɨsusa pɨpe oipota imano agwä opakatu ava repɨrä. Kurïtëi rumo Tüpä iyemombaraɨsu pare, omondo oporañetesa imboeteisave chupe.