San Marcos 8:34 - Tüpä Ñe'ëngagwer

³⁴ Ipare Jesús, oñe'ë gwemimbo'e eta upe iyavei ambuae ava upe aipo e'i: –Akoi ava ogwata pota va'e che rupi, topoi mba'e gwemimbotar tëi aposa sui, iyavei inungar-ra kurusu rese ovosɨira viña, toyemoigätu voi che rekokwer rese oparaɨsu agwä iyavei togwata tuprɨ che rupi.

Tũpa Ñehengagüer

³⁴ Evocoiyase Jesús, “Perio” ehi güemimbohe upe, iyavei ambuae ava upe aipo ehi: —Acoi ava oguata pota vahe che rupi, topoi mbahe güemimbotar tẽi aposa sui, iyavei inungar-ra curusu rese ovosɨira viña, toyemoingatu voi che recocuer rese oparaɨsu ãgua iyavei toguata tuprɨ che rupi.

San Marcos 8:34 Iomraidhean Croise

San Mateo 10:38

akoi ndovosɨi va'e okurusu rese che reka agwä, a'e ndiyai ete sekoi va'erä che rupi.

San Mateo 16:24

Ipare Jesús aipo e'i gwemimbo'e eta upe: –Akoi ogwata pota va'e che rupi, tasesarai mba'e gwemimbotar aposa sui, tovosɨi rane okurusu rese ipare togwata che rupi.

San Mateo 27:32

Akoi yuvɨnosë pota agwä yuvɨraso, osepia ñepëi mbɨa Simón serer va'e, Cirene pendar, a'e ombovosɨi uka Jesús kurusu rese yuvɨreko.

San Marcos 10:21

Evokoiyase Jesús oma'e saɨsupave sese, aipo e'i chupe: –Ñepëi mba'e rumo ipane vɨte ndeu: eso emondopa rane nde mba'e seprɨ evokoiyase emondo ava iparaɨsu va'e upe. Ichui ererekora mba'e avɨye va'e ɨvave. Ipare eregwatara che rupi.

San Marcos 7:14

Ipare Jesús oñe'ë ava re'ɨi upe, aipo e'i: –Pesendu iyavei peyapɨsaka tuprɨ opakatu che ñe'ësa rese:

San Lucas 13:24

–Peikwa tuprɨ peike va'erä okendɨpɨ ka'ïmi rupi; esepia aipo a'e peü seta ava yuvɨroike pota tëira, ndoikatu chietera rumo yuvɨreko.

San Lucas 14:33

Supiete, pepa'ü pendar ndoseya potaise omba'e opakatu, nda'ei chietera che remimbo'e sekoi.”

San Lucas 18:22

Aipo i'ese rumo, Jesús omboyevɨ chupe: –Ipane vɨte ñepëi mba'e ndeu: emondopa opakatu mba'e erereko va'e iparaɨsu va'e upe. Ichui ererekora mba'e avɨye va'e ɨvave. Ipare eregwatara che rupi.

San Lucas 20:45

Opakatu ava osendu iñe'ë, ipare Jesús aipo e'i gwemimbo'e upe:

San Lucas 9:23

Ipare rumo aipo e'i opakatu upe: –Akoi ogwata pota va'e che rupi, tasesarai mba'e gwembiapokwer sui, toyapo mba'e arɨ yakatu rupi paraɨsusa pɨpe ipare togwata che rupi.

San Juan 10:27

Che ovesa rumo oikwa ite che ñe'ë, che avei aikwa a'e evokoiyase ogwata yuvɨreko che rupi.

San Juan 19:17

Jesús vɨnose kurusu seraso, “Ava Akä kangwer” serer va'e save (a'e serer hebreo ñe'ë pɨpe Gólgota).

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Romanos 6:6

Yaikwa avei ni'ä yɨpɨndar yande rekokwerai yatɨkaprɨ nungar kurusu rese Cristo rupive, yande rekokwerai mokañɨpa agwä egwë ya'e yaiko, ipɨpe sui ndayaiko iri chira angaipa povrɨve tëi.

Romanos 8:17

Iyavei yande ta'ɨrɨ ite yaiko, egwë ya'e aveira Tüpä porerekosa pɨsɨ, a'e Cristo reseve yamboya'ora ipɨsɨ, esepia yaiko ite paraɨsusa pɨpe supive egwë ya'e aveira yaiko ipɨri seko porañetesave kuri.

1 Corintios 15:31

Esepia che rɨvrɨ eta, arɨ yakatu rupi aiko manosa rägwer pɨpe. Ko supiete areko va'e che vɨ'aretesa pe rese yande Yar Cristo Jesús rese che rekosa pɨpe amombe'u peü.

1 Corintios 8:13

Sese yande mba'e ro'o usa pɨpe sui yamboangaipa ukase yande rɨvrɨ viña, ndaya'u iri chietera evokoi mba'e ro'o yande rɨvrɨ mboangaipa uka e'ɨ̇ agwä.

1 Corintios 9:19

Yepe che nda'ei ava povrɨve tëi aiko viña, che rumo che remimbotar rupi opakatu ava rembigwai nungar ayeereko, taseta katu ava ikere'ɨ̇ va'e Cristo reroya agwä che yapave.

Gálatas 2:20

sese nda'e iri che ite aikove, esepia Cristo rumo che rese sekoi. Sese ite ayeroya che retekwer pɨpe che rekove agwä, a'e ni'ä oyemondo omano agwä che raɨsupave.

Gálatas 5:24

Cristo Jesús rese yuvɨrekoi va'e rumo, opa omombo gwekokwerai ko ɨvɨ pɨpendar tëi oyesui yuvɨreko, gwemimbotarai opɨ'añemoñeta raisa avei.

Gálatas 6:14

Che rumo ndayemboɨvate potai ete, yande Yar Jesucristo mano agwer kurusu reseaño ite ayembovɨ'a. Cristo mano agwer sui ko ɨvɨ pɨpendar opa ite omano yuvɨreko cheu, che evokoiyase inungar omano va'e aiko ko ɨvɨ pɨpendar upe.

Filipenses 3:10

Che rumo aikwa pota ite Cristo rekokwer, iyavei areko pota pirätäsa ikwerayevɨsa resendar cheyese aipɨsɨ pota avei iparaɨsu agwer; inungar a'e omano egwë a'e pota avei,

Filipenses 3:7

Ko yɨpɨndar opakatu mba'e, avɨye ite cheu viña, Jesucristo rese aikose rumo, avɨye cheu egwë e'i tëi va'e kurïtëi.

Colosenses 1:24

Kurïtëi avɨ'a pe rese che yemomborarasa pɨpe, egwë a'e iporara che rete rese ko'ave vichiko, egwë e'i avei Cristo oyemomborara vɨte vɨroyasar rese, esepia yande seroyasar setekwer nungar yaiko.

Colosenses 3:5

Evokoiyase pepoi opakatu ko mba'e naporäi va'e ko ɨvɨ pɨpendar tëi pe rese oime va'e sui: ndapeyemboagwasai chira, ndapeyapoi chira mba'e tëi pe rekokwer pɨpe, ndapeipotarai chira pɨ'añemoñeta raisa, ndapeipotarai chira ambuae ava mba'e (esepia, a'e ni'ä oyoya mba'e ra'anga tëi mboeteisa rese).

2 Tesalonicenses 3:11

Oroyandu avei pe pa'ü pendar yuvɨrekoiño tëi va'e ndoporavɨkɨi va'e avei, evokoi omañeko tëi ambuae ava rekokwer yuvɨreko.

Tito 2:12

Ko poroaɨsusa Tüpä suindar yande mbo'e mba'e-mba'e tëi sui yande rekuñarö agwä iyavei yande remimbotar sui tëi, iyavei yande reraso ko tenonde kotɨ yande rekokwer ñearö tuprɨ pɨpe, yande reko ɨ̇vi agwä iyavei yande reraso tekokwer avɨye va'e pɨpe yaiko va'ëra,

Hebreos 13:13

Egwë ya'e aveira yasora Jesús upe yande paraɨsu agwä supi ava yande reroɨrösa pɨpe yaiko.

1 San Pedro 4:1

Sese peikora, inungar Cristo oiporara mba'e rasɨkwer gwete rese, pe avei egwë peyera peiko chupe narä. Esepia akoi ava oiporara va'e mba'e raɨsɨkwer gwete rese oseya ite angaipa yuvɨreko,

1 San Pedro 4:13

Peyembovɨ'areteñora Cristo paraɨsu agwer rerekosa pɨpe, esepia yande rereko yande Yar yemombaraɨsu agwer nungar pɨpe yuvɨreko, evokoiyase yayembovɨ'arete itera akoi yande Yar oyevɨse gweko pirätäsa pɨpe.

2 San Pedro 1:14

Esepia yande Yar Jesucristo oikwa uka ite che mano agwä vɨrovɨse cheu;

1 San Juan 3:16

Yande rumo yaikwa ite poroaɨsusa, esepia Jesucristo omondo gwekokwer manosave yande repɨrä; egwë ya'e aveira yande ambuae yande rɨvrɨ eta rekokwer rese.

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.