San Marcos 8:33 - Tüpä Ñe'ëngagwer

³³ Oyemboyere rumo, oma'e gwemimbo'e eta rese, oñe'ëgäta Pedro upe aipo e'i: –¡Esɨrɨ che sui, Karugwar! Esepia nde nandepɨ'añemoñetai mba'e Tüpä upendar rese; ava nungar tëi nde pɨ'añemoñeta eiko.

Tũpa Ñehengagüer

³³ Oyemboyere rumo, omahe güemimbohe eta rese, oñehengata Pedro upe aipo ehi: —¡Esɨrɨ che sui, Caruguar! Esepia, nde nandepɨhañemoñetai mbahe Tũpa upendar rese; ava nungar tẽi nde pɨhañemoñeta eico —ehi.

San Marcos 8:33 Iomraidhean Croise

San Mateo 15:23

Jesús rumo nomboyevɨi ete iñe'ë chupe. Evokoiyase semimbo'e eta oyemboya yuvɨraso sese aipo e'i yuvɨreko chupe: –Eyepepɨ avesui ere evokoi kuña upe, esepia ni'ä säse puku-puku ou yande rakɨkwei.

San Mateo 16:23

Jesús oyemboyere sese aipo e'i Pedro upe: –¡Esɨrɨ che sui, Karugwar, nde che reitɨ pota eve mba'e tëi pɨpe! Nderesepiai mba'e avɨye va'e inungar Tüpä osepia va'e, ava osepia va'e nungar tëi nde eresepia.

San Mateo 4:10

Jesús omboyevɨ chupe: –Eyepepɨ che sui kurïtëi, Karugwar, esepia Ikwachiaprɨ pɨpe aipo e'i: ‘Emboetei nde Yar Tüpä, a'e gweraño tuprɨ avei eremboyeroyara.’

San Marcos 3:34

Evokoiyase, oma'e ava oɨvɨrindar yuvɨnoi va'e rese, aipo e'i iri chupe: –Ko che sɨ eta ko che rɨvrɨ eta.

San Marcos 3:5

Evokoiyase Jesús oma'e ava oyese oyere tuprɨ va'e rese vorɨe'ɨ̇save, iyavei ndovɨ'ai ava ndosendukwa katuise yuvɨreko, sese aipo e'i imba'easɨ va'e upe: –Eicho'o nde yɨva. Evokoiyase oicho'o oyɨva, okwera tuprɨ ite.

San Lucas 22:61

Evokoiyase yande Yar oyemboyere oma'e Pedro rese, Pedro rumo oyemoma'endu'a yande Yar ñe'ë aipo e'i va'e agwer rese: “Ko pɨpe, takura ñe'ë renondeve, ndaikwai va'e erera mbosapɨ yupagwer rupi cheu.”

San Lucas 4:8

Jesús omboyevɨ chupe: –Ikwachiaprɨ pɨpe aipo e'i: ‘Emboetei nde Yar Tüpä, iyavei a'e gweraño tuprɨ eremboyeroyara.’

San Lucas 9:55

Jesús rumo oyemboyere sese oñe'ëgäta agwä chupe.

1 Corintios 5:5

evokoi ava timondosa Karugwar povrɨve sekokwerai mokañɨ agwä, ipɨpe sui sekokwer toñepɨsɨrö yande Yar yevɨse kuri.

Filipenses 3:19

a'e rumo imokañɨpɨ̇ra yuvɨrekoira kuri. Iyavei itüpä ikaruaisa tëiete yuvɨreko, iyavei gweko ɨvate aisa pɨpe oyapo mba'e tëi yande mochiai va'e yuvɨreko. Ko ɨvɨ pɨpendar mba'e-mba'e tëi reseño ite ipɨ'añemoñeta yuvɨreko.

1 Timoteo 5:20

Akoi oimese rumo angaipa aposar ipa'üve, a'ese eremboarakwara opakatu ava rovake, evokoiyase ambuae osɨkɨyera angaipa apoe'ɨ̇ agwä yuvɨreko.

Tito 1:13

Supiete aipo e'i; sese emboarakwa pirätä ite, evokoiyase tovɨroya tuprɨ ite ñe'ësa yuvɨreko

1 San Pedro 4:1

Sese peikora, inungar Cristo oiporara mba'e rasɨkwer gwete rese, pe avei egwë peyera peiko chupe narä. Esepia akoi ava oiporara va'e mba'e raɨsɨkwer gwete rese oseya ite angaipa yuvɨreko,

1 San Juan 2:15

Ani pesaɨsura mba'e ɨvɨ pɨpendar, ani chiaveira pesaɨsu ɨpɨpendar mba'e. Akoi osaɨsu va'e mba'e ɨvɨ pɨpendar tëi, a'e ndosaɨsui yande Ru Tüpä yuvɨreko;

Apocalipsis 3:19

Che añe'ë pirätä seko mo'ɨ̇vi agwä che rembiaɨsu upe yepi. Peyemongere'ɨ̇ katu, pemboasɨ avei pe rekokwer che Ru Tüpä upe pe yevɨ agwä.