San Marcos 8:28 - Tüpä Ñe'ëngagwer

²⁸ A'e omboyevɨ yuvɨreko chupe: –Amove ava Juan Oporoapirämo va'e e'i yuvɨreko ndeu, ambuae evokoiyase Elías, ambuae Tüpä ñe'ë mombe'usar mboetasa e'i yuvɨreko ndeu.

Tũpa Ñehengagüer

²⁸ Semimbohe evocoiyase omboyevɨ yuvɨreco chupe: —Amove ava, “Juan Oporoãpiramo vahe” ehi yuvɨreco ndeu; ambuae evocoiyase, “Elías” ehi; ambuae, “Tũpa ñehe mombehusar mboetasa” ehi yuvɨreco ndeu —ehi.

San Marcos 8:28 Iomraidhean Croise

San Mateo 14:2

iyavei aipo e'i ava opɨtɨ̇vɨïsar upe: “Evokoi Juan Oporoapirämo va'e, a'e okwerayevɨ. Sese vɨreko pirätäsa poromondɨisa apo agwä.”

San Mateo 16:14

A'e omboyevɨ yuvɨreko chupe: –Oime aipo e'i Juan Oporoapirämo va'e; ambuae eta aipo e'i Elías, ipare ambuae eta aipo e'i Jeremías anise ambuae ava Tüpä ñe'ë mombe'usar e'i yuvɨreko ndeu.

San Juan 1:21

Evokoiyase oporandu iri yuvɨreko chupe: –¿Ava ite vo nde? ¿Nde tie Tüpä ñe'ë mombe'usar Elías ereiko? Juan aipo e'i: –Nda'ei ete che a'e aiko. A'e rumo oporandu iri yuvɨreko: –Evokoiyase, ¿Nde ite vo ereiko Tüpä ñe'ë mombe'usar ou va'erä? A'e omboyevɨ: –Ani nda'ei ete che.