San Marcos 8:11 - Tüpä Ñe'ëngagwer

¹¹ Ipare fariseo eta oyepota Jesús ñe'ë poepɨ-epɨ agwä yuvɨreko. Seko'ä agwä, oporandu ɨva pendar poromondɨisa rese Tüpä sui ete pi'ä ou oya yuvɨreko chupe.

Tũpa Ñehengagüer

¹¹ Ipare fariseo eta oyepota Jesús ñehe poepɨ-epɨ ãgua yuvɨreco. Jesús recoãha ãgua, oporandu ɨva pendar poromondɨisa rese ‘¿Tũpa sui eté pĩha ou?’ oya yuvɨreco chupe.

San Marcos 8:11 Iomraidhean Croise

San Mateo 12:38

Evokoiyase fariseo iyavei Moisés porokwaita rese oporombo'e va'e aipo e'i yuvɨreko Jesús upe: –Porombo'esar, ore orosepia pota ite mba'e nde rembiapo poromondɨisa resendar.

San Mateo 19:3

Evokoiyase oime oyemboya va'e fariseo Jesús rese seko'ä pɨpe, oporandu yuvɨreko chupe: –¿Avɨye pi'ä opoi ñepëi kuimba'e gwembireko sui mba'e tëi oyapose?

San Mateo 21:23

Ichui Jesús oike iri oso tüpäro pɨpe oporombo'e. A'ese pa'i eta rerekwar, judío rerekwar avei oyemboya sese, oporandu yuvɨreko chupe: –¿Ava nde kwaita pɨpe vo ereyapo ko nungar eiko? ¿Ava vo ombou nde mborerekwarä ndeu?

San Mateo 22:15

Ko ipare, fariseo eta yuvɨraso ichui opa oñemoñeta oyavɨ uka va'erä Jesús ñe'ë yuvɨreko viña.

San Mateo 22:18

Jesús oikwa voi ete ipɨ'a ñemoñeta raisa, sese aipo e'i chupe: –Pe inungar ava oñe'ë ñotëi va'e tekokwer rese yuvɨreko yepi, ¿ma'erä vo che mbo'a uka pota mba'e tëi pɨpe peye?

San Mateo 22:23

A'e arɨ pɨpe, oime saduceo yuvɨraso va'e Jesús pɨri. Ndipoi ete kwerayevɨsa omano va'e upe e'i, egwë e'i ko imboyekwa mba'e yuvɨreko chupe:

San Marcos 12:15

Jesús rumo oikwa ite ipɨ'a e'ɨ̇sa, sese aipo e'i chupe: –¿Ma'erä che moinge pota mba'e tëi pɨpe peye? Peru evokoiyase ñepëi gwarepochi cheu, asepia va'erä.

San Marcos 2:16

Oime aipo oporombo'e va'e Moisés porokwaita rese, a'e Fariseo yuvɨrekoi, osepiase aipo Jesús okaruse opakatu a'e ava pa'üve, a'ese oporandu semimbo'e eta upe yuvɨreko: –¿Ma'erä ru pe mbo'esar okaru ava gwarepochi rerokwasar iyavei yangaipa gwasu va'e pa'üve tëi?

San Marcos 9:16

A'e oporandu ava re'ɨi upe: –¿Mba'e rese vo peporandu-randu chupe yuvɨreko?

San Lucas 10:25

Ñepëi mbɨa Moisés porokwaita rese oporombo'e va'e oso oñe'ë Jesús rese sekoa'ä agwä, aipo e'i oporandu chupe: –Porombo'esar, ¿marä a'era vo vichiko teko apɨre'ɨ̇ va'e rereko agwä?

San Lucas 11:16

Ambuae sekoa'ä pɨpe, oporandu ñepëi poromondɨisa ɨva pendar rese yuvɨreko chupe.

San Juan 4:48

Jesús omboyevɨ chupe: –Pe ndache reroyai ete peye, ndapesepiaise mba'e poromondɨisa che rembiapo.

San Juan 6:30

Evokoiyase oporandu yuvɨreko chupe: –¿Mba'e poromondɨisa vo eremboyekwa irira oreu, orosepia va'erä nde reroya tuprɨ katu agwä? ¿Uma vo mba'e nderembiapo?

San Juan 7:48

¿Oime vo vɨroya va'e ñepëi ore pa'ü pendar ore rerekwar, anise fariseo eta avei?

San Juan 8:6

A'e oporandu yuvɨreko chupe sekoa'äsave tëi, ipare yamondo anga'u mba'e tëi pɨpe sereko oyapave. Jesús rumo oyaɨvɨ omboɨpɨ omba'ekwachia ɨvɨ rese okwä pɨpe.

Los Hechos 5:9

Pedro aipo e'i chupe: –¿Ma'erä vo peyemboyoya pemondo va'erä yande Yar Espíritu tekoa'äsa pɨpe? Evokoi yugweru vɨraso va'e nde mer ñotɨ̇ yuvɨreko, kurïtëi nde avei nde rerasora yuvɨreko.

1 Corintios 10:9

Ndayasekoa'ä-a'ä tëi chiaveira yande Yar, inungar a'e yuvɨreko, ipɨpe sui oyeyukapa uka mboi osu'usa pɨpe yuvɨreko.