San Marcos 7:9 - Tüpä Ñe'ëngagwer

⁹ Iyavei aipo e'i chupe: –Pe ramoi rekokwer araka'endar pɨpe tëi, peseyaño kokotɨ tëi Tüpä porokwaita.

Tũpa Ñehengagüer

⁹ Iyavei aipo ehi iri chupe: —Pe ramoi recocuer aracahendar pɨpe tẽi peseyaño co cotɨ Tũpa porocuaita.

San Marcos 7:9 Iomraidhean Croise

San Marcos 7:13

Ko nungar apo pɨpe Tüpä porokwaita ndaperoyai esepia ndapepoi potai ava rekokwer araka'endar sui. Seta mba'e ko nungar peyapo vɨte.

San Marcos 7:3

(Esepia fariseo eta iyavei opakatu judío eta araka'endar rekokwer sui ndipoisai ete yuvɨreko, sese oyepoi e'ɨ̇se ndokarui ete yuvɨreko yepi.

San Marcos 7:5

Sese, fariseo eta iyavei Moisés porokwaita rese oporombo'e va'e oporandu chupe: –¿Ma'erä vo nde remimbo'e yande ramoi araka'endar rekokwer ndovɨroya iri, esepia ru okaruño opo kɨ'a reseve yuvɨreko?

Romanos 3:31

Evokoiyase, ¿Jesús reroyasa pɨpe pi'ä yaseko reroyɨ porokwaita yaiko? ¡Ani nda'ei ete supi! Ipɨpe yamboyekwa ite porokwaita rekokwer sereko.

2 Corintios 11:4

Esepia peñemosaño ava oñe'ë va'e peü ambuae Jesús rese ndoyoyai va'e ore remimombe'u rese; ichui peipɨsɨ pe kere'ɨ̇sa pɨpe ambuae Espíritu peipɨsɨ va'ekwer sui, iyavei ambuae ñe'ësa pɨsɨrösa resendar peipɨsɨ avei ndoyoyai va'e ore oromombe'u va'e rese peü.

Gálatas 1:14

Egwë a'e che ayemboɨvateai katu che mboetasa eta sui judío yembo'esa pɨpe, ayapo ite opakatu che rekokwer pɨpe yɨpɨndar che ramoi eta yembo'e agwer rupi ete vichiko.

Gálatas 2:21

Che naroɨrö potai Tüpä porovasasa; esepia oimese mba'e avɨye va'e porokwaita reroyasa pɨpe, a'ese Cristo omano tuprɨ tëietera viña.

2 Tesalonicenses 2:4

Evokoi ava oyemboɨvate aira opakatu Tüpä rer rerekosar amotare'ɨ̇save iyavei ndoipotai chira ambuae mboetei, oike aveira ogwapɨ Tüpä rëtä pɨpe inungar-ra Tüpä ite viña, supiete che Tüpä aiko e'i tuprɨ tëira öi.