San Marcos 6:6 - Tüpä Ñe'ëngagwer

⁶ Ndoyembovɨ'ai tëi ava vɨroyae'ɨ̇sa pɨpe. Ipare Jesús oso ogwata tekwa-tekwami namombrɨi va'e rupi, oporombo'e oiko.

Tũpa Ñehengagüer

⁶ Ndoyembovɨhai ava vɨroyaẽhɨsa rese. Ipare Jesús oso, oguata tecua-tecuami namombrɨi vahe rupi oporombohe oico.

San Marcos 6:6 Iomraidhean Croise

San Mateo 4:23

Jesús ogwata opakatu Galilea ɨvɨ rupi, oporombo'e oɨ judío ñemonu'äsave tekwa yakatu rupi. A'eve ñe'ësa avɨye va'e omombe'u Tüpä mborerekwasa resendar, ombogwera avei opakatu-katu tëi mba'erasɨsa ava vɨreko va'e sui.

San Mateo 8:10

Jesús ndoyembovɨ'ai tëi aipo osenduse, ichui aipo e'i oyeupindar ava re'ɨi upe: –Supiete ndasepiai ete opakatu Israel rekwa pɨpe vɨreko va'e yeroyasa che rese inungar ko mbɨa.

San Mateo 9:35

Jesús ogwatapa opakatu tekwa-tekwami rupi iyavei oporombo'e oɨ judío ñemonu'äsa yakatu rupi. Omombe'u tekovesa avɨye va'e Vu mborerekwasa resendar, iyavei oporombogwera opakatu-katu tëi mba'erasɨsa sui aveino.

San Marcos 1:39

Egwë e'i Jesús ogwata opakatu Galilea ɨvɨ rupi, omombe'u ñe'ësa oɨ judío ñemonu'äsa yakatu rupi iyavei seta omose karugwar oiko.

San Marcos 10:1

Ipare Jesús osë tekwa Cafarnaúm sui, oso Judea ɨvɨ rupi ɨai Jordán rovai arɨ sësa kotɨ. A'eve ava re'ɨi oñemonu'ä iri yuvɨreko sese. Iyavei ombo'e iri ava gwekokwer rupi tuprɨ.

San Lucas 13:22

Perɨ oso va'e Jerusalén ve, a'e supi Jesús oporombo'e oiko tekwa yakatu rupi tekwa-tekwami rupi aveino.

San Lucas 4:31

Jesús oso Cafarnaúm ve, tekwa Galilea rupindar, iyavei a'eve ombo'e ava oiko mbɨtu'usa arɨ pɨpe.

San Lucas 4:44

Egwë e'i Jesús omombe'u ñe'ësa avɨye va'e oɨ judío ñemonu'äsave oiko judío ɨvɨ rupi.

San Juan 9:30

A'e mbɨa rumo omboyevɨ chupe: –¡Marä peye rutei vo! Pe evokoiyase ndapeikwai kesui osë ou, che rumo che mbosareko ite.

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,