San Marcos 6:51 - Tüpä Ñe'ëngagwer

⁵¹ O'ase ɨarusu pɨpe, opɨtu'u ɨvɨtu; a'e evokoiyase ndoyembovɨ'ai tëi yuvɨreko,

Tũpa Ñehengagüer

⁵¹ Ahe ohase carite pɨpe, opɨtuhu voi ɨvɨtu. Evocoiyase, “¡Mara ehi rutei!” ehi tẽi yuvɨreco.

San Marcos 6:51 Iomraidhean Croise

San Mateo 8:10

Jesús ndoyembovɨ'ai tëi aipo osenduse, ichui aipo e'i oyeupindar ava re'ɨi upe: –Supiete ndasepiai ete opakatu Israel rekwa pɨpe vɨreko va'e yeroyasa che rese inungar ko mbɨa.

San Marcos 1:27

Opakatu ava oyembosɨkɨye, ichui oporandu-randu oyeupe yuvɨreko: –¿Mba'e pi'ä ko? ¡Esepia ko mbɨa porombo'esa ipɨasu va'e ite vɨreko avei omborerekwasa! ¡Karugwar avei ete omboyeroya oyeupe iñe'ëse yuvɨreko!

San Marcos 2:12

Imba'easɨ va'e aipo i'e ramoseve oñarapü'a, osupi vupagwer osë oso ichui, opakatu ava rembiepiave. Sese opakatu oyepɨ'amondɨi ipɨpe sui omboetei Tüpä aipo e'i yuvɨreko: –Yɨpɨsuive ndayasepiai va'e ite ko nungar mba'e e'i tëi yuvɨreko.

San Marcos 4:39

Jesús opü'a evokoiyase omondo porokwaita ɨvɨtuai upe, paragwasu upe avei aipo e'i: –¡Epɨtu'u! ¡Kiriri tuprɨ epɨta! A'eseve voi ɨvɨtuai opɨtu'upa tuprɨ.

San Marcos 4:41

A'e rumo osɨkɨyepave, oporandu-randu oyeupe yuvɨreko: –¿Ava pi'ä ko mbɨa sekoi, esepia ni'ä ɨvɨtuai ɨpa avei omboyeroya yuvɨreko?

San Marcos 5:42

A'e ramoseve voi, kuñatäi, opayandepo yovaive ñuvɨrïo aravɨter va'e, oñarapü'a ipare ogwata. Sepiase ava oyembosɨkɨye gwasu tëi yuvɨreko.

San Marcos 6:32

Evokoiyase a'e gweraño Jesús ñe'ë mombe'usar reseve yuvɨraso ɨarusu pɨpe kokotɨ ava sui.

San Marcos 7:37

Evokoiyase ava oyembovɨ'a gwasusave, aipo e'i yuvɨreko: “Avɨye ite rumo mba'e sembiapo. ¡Esepia ndayapɨsai va'e omboapɨsa iñe'ë ɨpɨtɨ-pɨtɨ va'e avei omoñe'ëgätu tuprɨ!”

San Juan 6:21

Evokoiyase sorɨvete yuvɨreko ɨarusu pɨpe sero'a, ipare oyepota yuvɨraso yuvɨrasosave.