San Marcos 6:48 - Tüpä Ñe'ëngagwer

⁴⁸ a'ese oma'e gwemimbo'e rese iyeapɨkui katue'ɨ̇se, esepia ɨvɨtu ipirätä va'e osovaïchi yuvɨreko. Ko'ë potase, ogwata ɨ arɨ rupi gwemimbo'e kotɨ oso, avɨye ite akoi oñokwaño va'erä oso.

Tũpa Ñehengagüer

⁴⁸ Ahese omahe güemimbohe rese iyeapɨcui catuẽhɨse. Esepia, ɨvɨtu ipĩrata vahe osovaĩchi yuvɨreco. Cõhe potase, oguata ɨ harɨ rupi güemimbohe cotɨ oso. Avɨye ité acoi oñocuaño vaherã oso.

San Marcos 6:48 Iomraidhean Croise

San Mateo 14:24

evokoiyase ɨarusu oso pukuse ite ɨpa popɨ sui. Ɨvɨtu ipirätä va'e osovaïchi yuvɨreko, sese o'ɨtu va'e nambegwe-mbegwei okwa sese.

San Mateo 24:43

Iyavei peyapɨsaka tuprɨ ko rese, inungar akoi oɨ yar oikwase arɨ pɨ̇tü imonda va'e yevɨ agwä, a'ese ima'emo'ära sese gwëtä pɨpe seike e'ɨ̇ agwä viña.

San Marcos 13:35

Pe evokoiyase pema'emo'ära, esepia ndapeikwai maräse oyevɨra oɨ yar peü, avɨyeteramo pɨ̇tü ramosë, pɨ̇tü mbɨter, takura ñe'ëse anise añi'ïvëi;

San Marcos 6:47

Pɨ̇tü potase, ɨarusu ɨpa mbɨterve ite sekoi. Jesús rumo a'e ae opɨtaño ɨvɨve o'ä,

San Marcos 6:49

Osepiase rumo ogwatase ɨ arɨ rupi, nda'ei voko ägwer tëi e'i yuvɨreko chupe, ipare säse puku-puku yuvɨreko ichui;

San Lucas 12:38

Saɨsuprɨ yuvɨrekoira akoi imboakwaprɨ osärö tuprɨ va'e omboakwasar yuvɨreko oyepotase pɨ̇tü mbɨter anise ko'ë potase avei.

San Lucas 24:28

Oyepotase a'e tekwave yuvɨraso, Jesús rumo avɨye ogwataño vɨte va'erä oso senonde.

San Juan 1:13

A'e Tüpä ra'ɨrɨ ite yuvɨrekoi, nda'ei rumo ava yesusa pɨpe oyesu, esepia ni'ä Tüpä ite ombo'u Gwa'ɨrɨgwä.