San Marcos 6:41 - Tüpä Ñe'ëngagwer

⁴¹ Ichui Jesús oipɨsɨ poyandepo mboyape ñuvɨrïo pira, ipare oma'e ɨva rese, avɨye ndeu che Ru e'i, ipare ombo'i-mbo'i mboyape opa omondo gwemimbo'e upe ava re'ɨi upe imondo agwä yuvɨreko. Pira ñuvɨrïo va'e avei omboya'o-ya'o opakatu upe.

Tũpa Ñehengagüer

⁴¹ Ichui Jesús oipɨsɨ poyandepo pan, ñuvɨrío pira. Ipare omahe ɨva rese, “Avɨye ndeu, che Ru” ehi. Imbohi-mbohi pare, opa omondo güemimbohe upe ava rehɨi upe imondo ãgua yuvɨreco. Pira ñuvɨrío vahe avei omboyaho-yaho opacatu ava upe.

San Marcos 6:41 Iomraidhean Croise

San Mateo 14:19

Evokoiyase aipo e'i ava re'ɨi upe pegwapɨpa kapi'i arɨ rupi. Ipare oipɨsɨ poyandepo va'e mboyape ñuvɨrïomi va'e pira ichui oma'ese ɨva rese, aipo e'i avɨye ndeu che Ru ichui omombɨte-mbɨte mboyape, imondo gwemimbo'e upe a'e evokoiyase omboya'o-ya'o ava eta upe semi'urä yuvɨreko.

San Mateo 15:36

a'ese oipɨsɨ opove ñuvɨrïo ova mboyape pirami reseve, ipare avɨye ndeu e'i Vu upe, ichui omboya'o-ya'o gwemimbo'e eta upe imondo, a'e evokoiyase omondopa ava re'ɨi upe yuvɨreko.

San Mateo 26:26

Yuvɨrokaru vɨteseve, Jesús oipɨsɨ mboyape, ipare avɨye ndeu e'i Tüpä upe, ombo'i-mbo'i imondo gwemimbo'e upe, aipo e'i: –Peipɨsɨ pe'u avei, ko che rete.

San Marcos 14:22

Yuvɨrokaru vɨteseve, Jesús oipɨsɨ mboyape, ipare Avɨye ndeu e'i Tüpä upe, ombo'i-mbo'i imondo gwemimbo'e upe aipo e'i: –Peipɨsɨ, ko che retekwer.

San Marcos 6:40

ichui ogwapɨpa cien cincuenta rupi-rupi oyemboya'o yuvɨreko.

San Marcos 6:42

Evokoiyase opakatu ava okaru va'e i'ɨ̇taröpa ite yuvɨreko;

San Marcos 7:34

Ipare oma'e ɨva rese, ipɨtü'ë puku aipo e'i ava upe: “¡Efatá!” (aipo o'esave aipo e'i: “¡Eyemboi!”)

San Marcos 8:19

Akoi amboya'o-ya'ose poyandepo mboyape sui ava cinco mil va'e to'u, ¿mbovɨ ɨruova vo pemonu'ä sumbɨrer? A'e omboyevɨ yuvɨreko chupe: –Opayandepo yovaive ñuvɨrïo tuprɨ.

San Lucas 24:30

Ogwapɨse yuvɨnoi karusa rendave, oipɨsɨ mboyape, avɨye ndeu e'i Tüpä upe, ipare rumo ombo'i-mbo'i imondo nuvɨrïo upe.

San Lucas 9:16

Ipare Jesús oipɨsɨ poyandepo mboyape iyavei ñuvɨrïo pira, ipare oma'e ɨva rese, avɨye ndeu che Ru e'i sovasa ipare ombo'i-mbo'i, gwemimbo'e upe imondopa ava re'ɨi upe imondo pɨ̇ra.

San Juan 11:41

Vɨrokwa ita yuvɨreko ichui, ipare Jesús oma'e ɨva rese aipo e'i: –Che Ru, avɨye ndeu esepia eresendu ite che ñe'ë.

San Juan 17:1

Ko imombe'u pare, Jesús oma'e ɨva rese aipo e'i: “Che Ru, oyepota ite arɨ cheu: emboetei katu nde Ra'ɨrɨ sereko, a'ese avei nde mboetei katura nde rereko yuvɨreko.

San Juan 6:11

Evokoiyase Jesús oipɨsɨ opove poyandepo mboyape, avɨye ndeu o'e pare Tüpä upe, opa ombo'i-mbo'i imondo ava re'ɨi upe. Egwë e'i tuprɨ avei pira upe, imondopa semimbotar rupi.

San Juan 6:23

A'eseve ambuae ɨarusu vɨroyepota seru tekwa Tiberias sui, akoi ñepëi save Yar ava remi'urä mboyape reroyerokɨ agwer rerovɨkave.

Los Hechos 27:35

Aipo o'e pare, Pablo oipɨsɨ mboyape avɨye ndeu e'i Tüpä upe opakatu rovai. A'e imbo'i pare o'u.

Romanos 14:6

Akoi oyekwaku va'e ñepëi arɨ, yande Yar mboeteisa pɨpe tomboeteiño ite. Iyavei akoi o'u va'e opakatu mba'e, yande Yar mboeteisave avei egwë e'i, avɨye ndeu e'i Tüpä upe; iyavei akoi ndo'ui va'e opakatu mba'e, yande Yar mboeteisave egwë e'i, avɨye ndeu e'i avei Tüpä upe.

1 Corintios 10:31

Iyakatu rumo pe'use mba'e, peɨ'use avei, anise mba'e peyapose, peyapo ru opakatu Tüpä mboeteisa pɨpe.

Colosenses 3:17

Iyavei opakatu mba'e peyapo va'e anise peñe'ë va'e avei peyapo yande Yar Jesús rer pɨpe. Jesús rer pɨpe avei, avɨye ndeu peyera Tüpä upe yepi.