San Marcos 6:14 - Tüpä Ñe'ëngagwer

¹⁴ Mborerekwar ɨvate katu va'e Herodes oyandu ñe'ësa Jesús resendar, iyavei opakatu rupi oikwa yuvɨreko. Ambuae aipo e'i: “Juan Oporoapirämo va'e revo okwerayevɨ, sese ko poromondɨisa vɨreko oyese.”

Tũpa Ñehengagüer

¹⁴ Mborerecuar guasu Herodes oyandu ñehesa Jesús resendar, iyavei opacatu rupi oicua yuvɨreco. Sese Herodes aipo ehi: —Juan Oporoãpiramo vahe revo ocuerayevɨ. Sese oyapo poromondɨisa ipĩrata vahe —ehi.

San Marcos 6:14 Iomraidhean Croise

San Mateo 9:31

A'e yuvɨnosë ramo suive ite, omombe'u opakatu tekwa rupi Jesús rembiapo yuvɨreko.

San Marcos 1:28

Kurïtëimi voi yandusa Jesús reräkwä opakatu ɨvɨ Galilea rupi.

San Marcos 1:45

A'e mbɨa oso omombe'u-mbe'u opakatu ava upe mba'e osepia va'ekwer. Sese Jesús ndoikatu iri gweike agwä gwekokwer mombe'use tekwa rupi, opɨtaño tekwa popɨ rupi ava pore'ɨ̇save; ava rumo opakatu tekwa rupindar yuvɨrasoño ite sepia.

San Marcos 8:28

A'e omboyevɨ yuvɨreko chupe: –Amove ava Juan Oporoapirämo va'e e'i yuvɨreko ndeu, ambuae evokoiyase Elías, ambuae Tüpä ñe'ë mombe'usar mboetasa e'i yuvɨreko ndeu.

San Lucas 13:31

Evokoiyase oyepota movɨrö tëi fariseo, aipo e'i Jesús upe yuvɨreko: –Eyepepɨño ave sui, esepia Herodes ni'ä nde yuka pota oiko.

San Lucas 3:1

Quince aravɨter pɨpe mborerekwar gwasu Tiberio rekose, Poncio Pilato evokoiyase mborerekwar sekoi Judea rupi, Herodes avei mborerekwar sekoi Galilea ve, tɨvrɨ Felipe evokoiyase mborerekwar sekoi Iturea ve iyavei Traconítide ve, Lisanias avei mborerekwar sekoi Abilene ve.

San Lucas 7:17

Iyavei opakatu ɨvɨ Judea rupi, yɨvɨrindar avei Jesús rembiapo oikwapa tuprɨ yuvɨreko.

San Lucas 9:19

A'e omboyevɨ yuvɨreko chupe: –Amove Juan Oporoapirämo va'e e'i yuvɨreko ndeu, ambuae aipo e'i nde ereiko Elías, iyavei ambuae aipo e'i yuvɨreko avɨyeteramo ambuae Tüpä ñe'ë mombe'usar araka'endar, okwerayevɨ va'ekwer.

1 Tesalonicenses 1:8

Pe sui ete yande Yar ñe'ë opa ikwasa kurïtëi, nda'ei Macedonia rupiño Acaya rupi avei, opakatu rupi avei oikwa yuvɨreko, ikwasa avei peyeroyase Tüpä rese, sese ore ndoromombe'u iri chira pe rekokwer.

Hebreos 2:4

Iyavei Tüpä oyapo seta mba'e yavairai va'e poromondɨisa ndayasepiai va'e, iyavei Espíritu Maräne'ɨ̇ pɨpe, omboyoavɨratɨ mba'ekwasa imbou yandeu gwemimbotar rupi toikwa yuvɨreko ko ñe'ësa supi tuprɨ va'e oyapave.