San Marcos 5:43 - Tüpä Ñe'ëngagwer

⁴³ Jesús rumo oyokwai imombe'u e'ɨ̇ agwä ambuae ava upe, ipare aipo e'i, pembokaru ko kuñatäi.

Tũpa Ñehengagüer

⁴³ Jesús rumo oyocuai imombehuẽhɨ ãgua ambuae ava upe. Ipare, —Pembocaru co cuñatai —ehi.

San Marcos 5:43 Iomraidhean Croise

San Mateo 17:9

Ogweyɨse ɨvɨtrɨ sui yuvɨreko, a'ese Jesús aipo e'i mbosapɨ gwemimbo'e upe: –Ndapemombe'ui chietera ñepëi ava upe ko mba'e pesepia va'e, akoi ava ɨvate katu va'e Ra'ɨrɨ okwerayevɨse voi ete kuri.

San Mateo 8:4

Jesús aipo e'i iri chupe: –Esendu, eremombe'ui rene ambuae ava upe. Eso eiko eyemboyekwa pa'i upe, ipare eikwave'ë nde porerekosa nde kwera agwer resendar Moisés porokwaita rupi, ipɨpe sui toikwa pa'i eta nde kwerasa yuvɨreko.

San Mateo 9:30

Aipo i'e ramoseve osareko tuprɨ voi yuvɨreko. Ipare Jesús aipo e'i pemombe'ui rene katu: –Peikwa ukai rene ambuae ava upe.

San Marcos 1:43

Jesús omboyevɨ voi ete imondo, aipo e'i yokwai:

San Marcos 3:12

Jesús rumo oñe'ë pirätä chupe, oyekwa uka e'ɨ̇ agwä opakatu ava upe.

San Marcos 5:42

A'e ramoseve voi, kuñatäi, opayandepo yovaive ñuvɨrïo aravɨter va'e, oñarapü'a ipare ogwata. Sepiase ava oyembosɨkɨye gwasu tëi yuvɨreko.

San Marcos 7:36

Jesús oyokwai imondo imombe'ui e'ɨ̇ agwä ambuae eta upe; a'e rumo oikwa ukaño ite ambuae ava upe yuvɨreko.

San Marcos 9:9

Ipare ogweyɨse ɨvɨtrɨ sui yuvɨreko, Jesús aipo e'i gwemimbo'e upe ndapemombe'ui chietera ñepëi ava upe ko mba'e pesepia va'e, pemombe'ura rumo akoi che ava ɨvate katu va'e Ra'ɨrɨ akwerayevɨse voi ete kuri.

San Lucas 24:30

Ogwapɨse yuvɨnoi karusa rendave, oipɨsɨ mboyape, avɨye ndeu e'i Tüpä upe, ipare rumo ombo'i-mbo'i imondo nuvɨrïo upe.

San Lucas 5:14

ipare Jesús aipo e'i chupe: –Eremombe'ui rene nde kwerasa ambuae ava upe; esoño eyemboyekwa pa'i upe, ipare eikwave'ë nde porerekosa nde kwerasa resendar Moisés porokwaita rupi, ipɨpe sui toikwa opakatu pa'i eta nde kwerasa yuvɨreko.

San Lucas 8:56

A'ese iyesupa ndoyembovɨ'ai tëi yuvɨreko; evokoiyase Jesús aipo e'i ndapemombe'ui chira ñepëi ambuae ava upe mba'e pesepia va'e.

San Juan 5:41

“Ndaipɨsɨi ete ava che mboeteisa tëi.

Los Hechos 10:41

Nomboyekwai rumo opakatu ava upe, omboyekwa ore sembiporavo oroiko va'e upeño. Ore pɨri ni'ä okaru oɨ'u avei okwerayevɨ pare.