San Marcos 5:35 - Tüpä Ñe'ëngagwer

³⁵ Jesús ñe'ë vɨteseve, oyepota yugweru mborerekwar oɨ judío ñemonu'äsa pendar rëtä sui imombe'u kuñatäi yesupa upe yuvɨreko: –Omano ite nde rayrɨ. ¿Ma'erä vo yamañeko tëira Porombo'esar yaiko?

Tũpa Ñehengagüer

³⁵ Iñehe vɨteseve, oyepota movɨro Jairo rẽta pendar tayrɨ mano mombehu yuvɨreco: —Omano ité nde rayrɨ. Aní eremañeco tẽi vɨte Porombohesar —ehi yuvɨreco chupe.

San Marcos 5:35 Iomraidhean Croise

San Mateo 26:10

Jesús osenduse, aipo e'i chupe: –¿Ma'erä pemañeko tëi ko kuña? esepia oyapo ite mba'e avɨye va'e cheu.

San Mateo 26:18

Jesús omboyevɨ gwemimbo'e upe: –Peso tekwa gwasuve, Chekwa va'e rëtäve, iyavei aipo peyera chupe: ‘Porombo'esar aipo e'i: köimi che mano agwä, sese ayapo potami sëtäve Pascua pieta che remimbo'e reseve e'i ndeu.’

San Mateo 9:18

Jesús oñe'ë vɨteseve, ñepëi judío rerekwar oyepota ou, oñenopɨ'ä sovai aipo e'i chupe: –Che rayrɨ kurïtëi omano ou; nde ereyuse rumo eremondora ndepo i'arɨve, a'ese oyevɨra tekovesa pɨpe.

San Marcos 10:17

Ogwata vɨtese Jesús, a'eseve mbɨa chi'ïvä'e oña oso sovai, oñenopɨ'ä, oporandu chupe: –Porombo'esar avɨye va'e, ¿mba'e vo ayapora tekovesa apɨre'ɨ̇ va'e rereko agwä?

San Marcos 5:22

Evokoiyase oyepota mbɨa mborerekwar oɨ judío ñemonu'äsa pendar, a'e serer Jairo, Jesús repiase oñenopɨ'ä sovai

San Lucas 8:49

Jesús ñe'ë vɨteseve, ñepëi mbɨa oyepota ikwaiprɨ oso aipo e'i oɨ judío ñemonu'äsa rerekwar upe: –Nde rayrɨ omano ite; eremañekoi rene Porombo'esar eiko.

San Juan 11:21

Evokoiyase Marta aipo e'i Jesús upe: –Che Yar, ereikose ko'ave, nomanoi chietera revo che kɨvrɨ viña.

San Juan 11:25

Evokoiyase Jesús aipo e'i chupe: –Che aiko kwerayevɨsa iyavei tekovesa. Akoi che reroya va'e, yepe omano tëira viña, oikove ñoitera rumo;

San Juan 11:28

Aipo o'e pare, Marta oso okupɨ'ɨrɨ María reka, aipo e'i chupeñomi: –Porombo'esar sekoi ko'ave iyavei oñe'ë ndeu.

San Juan 11:32

Evokoiyase María oyepotase Jesús rekosave oso chupe, oñenopɨ'ä oso sovai, aipo e'i: –Che Yar, e'i revo ereikoveñose ko'ave, che kɨvrɨ nomanoi chietera viña.

San Juan 11:39

Jesús aipo e'i: –Perokwa sovapɨsa ita ichui. Marta, omano va'e reindrɨ aipo e'i: –Che Yar, ine ite revo, esepia opa ni'ä irugätu arɨ imanore.

San Juan 5:25

Supiete aikwa uka peü oura arɨ imombe'uprɨ, iyavei kurïtëiete ko arɨ oyepota, omano va'ekwer osendura Tüpä Ra'ɨrɨ ñe'ë yuvɨreko; iyavei osendu va'e yuvɨrekove ñoitera.