San Marcos 5:22 - Tüpä Ñe'ëngagwer

²² Evokoiyase oyepota mbɨa mborerekwar oɨ judío ñemonu'äsa pendar, a'e serer Jairo, Jesús repiase oñenopɨ'ä sovai

Tũpa Ñehengagüer

²² Evocoiyase oyepota mbɨa mborerecuar tũparo pendar, ahe serer Jairo. Jesús repiase, oñenopɨha sovai,

San Marcos 5:22 Iomraidhean Croise

San Mateo 2:11

Ipare yuvɨroike oɨ pɨpe osepia pitani, María ichɨ reseve; ichui oñenopɨ'ä sovai imboeteisave. Ipare omboi omba'e rɨru yuvɨreko oikwave'ë va'erä porerekosa oro, itaɨsɨ iyavei mirra.

San Marcos 5:33

Evokoiyase ko kuña, orɨrɨi tëi o'ä osɨkɨyepave iyavei oikwa tëi mba'e oyesendar, oso sovai oñenopɨ'ä omombe'upa tuprɨ ite mba'e supi va'e.

San Marcos 5:38

Oyepotase mborerekwar oɨ judío ñemonu'äsa pendar rëtäve osepia ava yemondɨisa oyase'o säse va'e avei,

San Lucas 13:14

Oɨ judío ñemonu'äsa rerekwar rumo oñemoɨrö, esepia Jesús oporombogwera mbɨtu'usa arɨ pɨpe, aipo e'i ava upe: –Oime ñepëi ova arɨ mboravɨkɨ apo agwä; a'e arɨ pɨpe peyura peposano agwä, nda'ei chira mbɨtu'usa arɨ pɨpe.

San Lucas 5:8

Ko mba'e repiase, Simón Pedro oñenopɨ'ä Jesús rovai oso aipo e'i chupe: –¡Eyepepɨ che sui che Yar, esepia che angaipa viyar tëi aiko!

San Lucas 8:28

Jesús repiase rumo, oñenopɨ'ä sovai oso, säse pirätä aipo e'i chupe: –¡Eyepepɨ che sui Jesús, Tüpä seko ɨvate katu va'e Ra'ɨrɨ! ¡Che mombaraɨsui rene eve!

Los Hechos 13:15

Oyerokɨ pare Moisés porokwaita rese iyavei Tüpä ñe'ë mombe'usar kwachiar rese, mborerekwar oɨ judío ñemonu'äsa pendar omondo oñe'ë yuvɨreko chupe: –Ore mu, perekose mba'e pemombe'u va'erä ko ava mongere'ɨ̇ agwä, pemombe'u yandeu kurïtëi.

Los Hechos 18:17

A'ese opakatu oipɨsɨ mborerekwar oɨ judío ñemonu'äsa pendar yuvɨreko, ipare a'e peve yuvɨrokwa-rokwa sese, mborerekwar ɨvate katu va'e rovai. Galión rumo ndoikwa potai ete ko nungar mba'e.

Los Hechos 18:8

Crispo, a'e oɨ judío ñemonu'äsa rerekwar vɨroya avei yande Yar, opakatu sëtä pendar avei vɨroya yuvɨreko. Seta avei Corinto ve seroyasar ipɨpe sui opa oñeapirämo yuvɨreko.

Apocalipsis 22:8

Che Juan, asepia iyavei asendu ite ko mba'e. Sepia pare sendu pare voi añenopɨ'ä mbigwai ɨva pendar rovai imboetei agwä.