San Marcos 4:39 - Tüpä Ñe'ëngagwer

³⁹ Jesús opü'a evokoiyase omondo porokwaita ɨvɨtuai upe, paragwasu upe avei aipo e'i: –¡Epɨtu'u! ¡Kiriri tuprɨ epɨta! A'eseve voi ɨvɨtuai opɨtu'upa tuprɨ.

Tũpa Ñehengagüer

³⁹ Evocoiyase aipo hese, omahe, oñehe pĩrata ɨvɨtu ai upe, ɨpa upe avei: —¡Pepɨtuhu! —ehi. Aheseve voi opɨtuhu tuprɨ.

San Marcos 4:39 Iomraidhean Croise

San Mateo 8:26

A'e rumo omboyevɨ gwemimbo'e upe: –¿Ma'erä vo pesɨkɨye eteprɨ? ¡Ndapeyeroyai ete vo Tüpä rese! Oñarapü'a pare rumo Jesús oñe'ë pirätä ɨtu gwasu upe ɨvɨtuai upe aveino, ipare voi ete opa tuprɨ opɨtu'u.

San Marcos 4:38

Jesús rumo oke ou sakɨkwei kotɨ, oyeatokoño atokoka pɨpe. Omoma'e aipo e'i yuvɨreko chupe: –¡Porombo'esar! ¿Nandema'emo'äimi rutei vo yande rese opara moko yakañɨ?

San Marcos 9:25

Osepiase Jesús ava re'ɨi, oyemboyase sese oñe'ëgäta karugwar upe aipo e'i: –Karugwar noñe'ëi va'e ndayapɨsai va'e, che orokwai epoi ko chi'ïvä'e sui ereike iri eme sekokwer rese.

San Lucas 4:35

Jesús evokoiyase oñe'ëgäta karugwar upe aipo e'i: –¡Kiriri, epoi ko mbɨa sui! A'ese karugwar ombovɨapi a'e mbɨa opakatu ava rovai imondo ɨvɨve, ipare osë okwa ichui nomomaräi ete rumo.

San Lucas 4:39

Jesús oyeaɨvɨ oso chupe so'ɨ sui imbogwera agwä, ipare opa so'ɨ ichui. A'e ramoseve, a'e kuña oñarapü'a ichui omboɨpɨ o'añeko yuvɨrekoi va'e rese.

San Lucas 8:24

Evokoiyase yuvɨraso Jesús moma'e, aipo e'i yuvɨreko chupe: –¡Porombo'esar! ¡Porombo'esar! ¡Yande rerasora moko ɨarusu ɨpɨve! Jesús opü'a ipare oñe'ë pirätä ɨvɨtuai upe ɨ o'ɨtu va'e upe avei, ichui opakatu tuprɨ opɨtu'u mba'e naporäi va'e.