San Marcos 3:5 - Tüpä Ñe'ëngagwer

⁵ Evokoiyase Jesús oma'e ava oyese oyere tuprɨ va'e rese vorɨe'ɨ̇save, iyavei ndovɨ'ai ava ndosendukwa katuise yuvɨreko, sese aipo e'i imba'easɨ va'e upe: –Eicho'o nde yɨva. Evokoiyase oicho'o oyɨva, okwera tuprɨ ite.

Tũpa Ñehengagüer

⁵ Evocoiyase omahe ava oyese oyere tuprɨ vahe rese vorɨẽhɨsave iyavei ndovɨhai ava ndosenducua catuise yuvɨreco. Sese aipo ehi ipo nomɨi vahe uve: —Eichoho nde yɨva —ehi. Evocoiyase oichoho oyɨva, ocuera tuprɨ ité.

San Marcos 3:5 Iomraidhean Croise

San Mateo 12:13

Evokoiyase aipo e'i imba'easɨ va'e upe: –Eicho'o nde yɨva. Evokoiyase oicho'ose oyɨva, okwera tuprɨ voi inungar ambuae iyɨva.

San Marcos 3:4

Ipare oporandu ambuae eta upe: –¿Mba'e vo yaposara mbɨtu'usa arɨ pɨpe yepi: mba'e avɨye va'e pi'ä, mba'e naporäi va'e tie? ¿Yaipɨsɨröra pi'ä ava rekokwer, anise yamokañɨ uka tëira tie? A'e rumo opaño ikiriri tuprɨ yuvɨreko.

San Lucas 13:15

Yande Yar evokoiyase omboyevɨ chupe: –Pe inungar ava oñe'ë ñotëi va'e tekokwer rese yuvɨreko yepi, ¿ndoyorai vo pe pa'ü pendar akoi gweimba tɨvi iyavei gwariku mbɨtu'usa arɨ pɨpe yuvɨreko imboɨ'u agwä yepi?

San Lucas 17:14

Osepiase Jesús, aipo e'i mba'erasɨ vai rerekosar upe: –Peso, tapeyemboyekwa pa'i eta upe. Oyevɨse yuvɨraso, opa okwera tuprɨ omba'erasɨsa sui yuvɨreko.

San Lucas 6:10

Ichui oma'egätu opakatu oyere tuprɨ va'e oɨvɨrindar rese, aipo e'i imba'easɨ va'e upe: –Eicho'o nde yɨva. A'e mbɨa evokoiyase oicho'o oyɨva, ipare ipo okwera tuprɨ ite.

San Juan 9:7

Ipare aipo e'i chupe: –Eso tereyovai ɨgwa Siloé ve (a'e serer “Imbouprɨ”). Ndasesapɨsoi va'e evokoiyase oso oyovai, ichui oyevɨse oma'e tuprɨ ite.

Romanos 11:25

Che rɨvrɨ eta, che aipota peikwa va'erä Tüpä sui mba'e ndikwasai va'e, oyemboɨvateai e'ɨ̇ agwä yuvɨreko: esepia Israel ɨgwar movɨrö kokotɨ tëi ipɨ'a ñemoñeta va'e yuvɨreko, ko rese egwë e'i opakatu yuvɨroikepa rane itera ava nda'ei va'e Israel pendar yuvɨreko.

2 Corintios 3:14

Egwë e'i a'e ndosendukwa ukai ete ndoyavɨi sovapɨsa vɨte va'e kurïtëi, egwë e'i vɨte oyerokɨse Moisés porokwaita ikwachiaprɨ yɨpɨndar va'e pɨpe yuvɨreko, ñomiprɨ va'e nungar tëi chupe a'e sendukwa e'ɨ̇ pɨpe, esepia Cristo gweraño ite oikatu sovapɨsa nungar rerokwa ichui sendukwa uka agwä.

Efesios 4:18

ndoikatui mba'e rendukwa tuprɨ agwä yuvɨreko. Iyavei ndovɨrekoi tekovesa Tüpä suindar oyese, esepia ndoikwai Tüpä ñe'ë opɨ'añemoñeta e'ɨ̇sa pɨpe yuvɨreko.

Efesios 4:26

Peyemboangaipai rene peñemoɨröse, iyavei ndiyai peñemoɨrö arɨ momba tuprɨ peiko.

Efesios 4:30

Peyapoi rene mba'e naporäi va'e Tüpä Espíritu Maräne'ɨ̇ mbovɨ'a e'ɨ̇ agwä, esepia ipɨpe sui ni'ä peiko Tüpä upe narä ite, ichui avei peipɨsɨra poropɨsɨrösa ipa va'e.

Hebreos 3:10

Sese añemoɨrö a'e ava upe, iyavei aipo a'e: ‘Kokotɨ tëi yuvɨrogwata opɨ'añemoñetasa rese yepi, ndoikwa potai ete che rekokwer yuvɨreko.’

Hebreos 3:17

¿Uma upe vo akoi Tüpä oñemoɨrö cuarenta aravɨter rupi? Akoi oyemboangaipa va'e omanopa va'e yuvɨreko ɨvɨ iporupɨre'ɨ̇sa rupi.

Hebreos 5:9

evokoiya gweko pɨpe omboavɨye gweko katuprɨsa, ipɨpe sui gweru poropɨsɨrösa ndopai va'e opakatu vɨroyasar upe narä.

Apocalipsis 6:16

iyavei aipo e'i yuvɨreko ɨvɨtrɨ upe, itape gwasu upe avei: “¡Evɨapi ore arɨve, toroñemipa tëi Tüpä sui iyavei Ovesami a'e Cristo sekoi va'e sui akoi ombou va'e ko poronupasa ipirätä va'e oreu!