San Marcos 3:3 - Tüpä Ñe'ëngagwer

³ Evokoiyase Jesús aipo e'i ko mbɨa ipo novɨi va'e upe: –Epü'a mbɨterve e'ä.

Tũpa Ñehengagüer

³ Evocoiyase Jesús aipo ehi co mbɨa ipo nomɨi vahe upe: —Epũha ore mbɨterve —ehi.

San Marcos 3:3 Iomraidhean Croise

San Mateo 12:10

A'eve oime mbɨa ñepëi ipo ko kotɨgwer novɨi va'e; esepia ni'ä oseka tëi Jesús mbo'a uka agwä mba'e naporäi va'e pɨpe yuvɨreko, aipo e'i oporandu chupe: –¿Iya pi'ä mbɨtu'usa arɨ pɨpe imba'easɨ va'e imbogwerasa yepi?

San Marcos 3:2

A'eve fariseo omaegätu Jesús rese yuvɨreko ombogwerara pi'ä mbɨtu'usa arɨ pɨpe, yaiñe'ëngapo anga'u oyapave tëi.

San Marcos 3:4

Ipare oporandu ambuae eta upe: –¿Mba'e vo yaposara mbɨtu'usa arɨ pɨpe yepi: mba'e avɨye va'e pi'ä, mba'e naporäi va'e tie? ¿Yaipɨsɨröra pi'ä ava rekokwer, anise yamokañɨ uka tëira tie? A'e rumo opaño ikiriri tuprɨ yuvɨreko.

San Lucas 6:8

A'e rumo, oikwaño ite ipɨ'a ñemoñetasa, aipo e'i a'e mbɨa ipo novɨi va'e upe: –Epü'a iyavei eyu ko'ave e'ä ava pa'üve. A'e mbɨa evokoiyase opü'a opɨta a'eve o'ä,

San Juan 9:4

Oime vɨteseve arɨ, yayapora mboravɨkɨ che mbousar porokwaita rupi; esepia pɨ̇türa, a'ese ndipoi chietera oporavɨkɨ va'e.

1 Corintios 15:58

Sese che rɨvrɨ eta, peiko tuprɨño ite Cristo rese iyavei peyemovɨräkwä opakatu mba'e tëi upe, peporavɨkɨ katuño yande Yar upendar mba'e rese peiko; esepia peikwa ni'ä yande Yar rese peikose pe poravɨkɨsa nda'ei egwë e'i tëi va'e.

Gálatas 6:9

Evokoiyase tayandekwerai eme mba'e tuprɨ aposa pɨpe; esepia akoi ndayandekweraise, yaipɨsɨra mba'e tuprɨ apo reprɨ.

Filipenses 1:14

Iyavei che aikose poroekendasave, a'ese seta eteprɨ yande rɨvrɨ che repiase oyemongere'ɨ̇ katu Tüpä ñe'ëngagwer mombe'u agwä osɨkɨye e'ɨ̇sa pɨpe, oyeroya katu avei yande Yar rese yuvɨreko.

1 San Pedro 4:1

Sese peikora, inungar Cristo oiporara mba'e rasɨkwer gwete rese, pe avei egwë peyera peiko chupe narä. Esepia akoi ava oiporara va'e mba'e raɨsɨkwer gwete rese oseya ite angaipa yuvɨreko,