San Marcos 3:29 - Tüpä Ñe'ëngagwer

²⁹ akoi iñe'ë-ñe'ë tëi va'e rumo Espíritu Maräne'ɨ̇ rese, a'e chupe ndipo iri chietera ñeröisa, yuvɨrekoira tekoasɨsa porara agwä ite.”

Tũpa Ñehengagüer

²⁹ Acoi iñehe-ñehe tẽi vahe rumo Espíritu Santo rese, ahe chupe ndipo iri chietera ñerosa apɨrẽhɨ vaherã ité” ehi.

San Marcos 3:29 Iomraidhean Croise

San Mateo 25:46

A'e ava yuvɨrasora Tüpä ñemoɨrösa apɨre'ɨ̇ va'esave, seko ɨ̇vi va'e rumo teko orɨ opae'ɨ̇save yuvɨrasora.”

San Mateo 9:3

Oime aipo Moisés porokwaita rese oporombo'e va'e ipɨ'a ñemoñeta yuvɨreko: “Ko aipo e'i va'e oñe'ë tëi Tüpä rer maräne'ɨ̇ rese.”

San Marcos 12:40

iyavei kuña imer mano va'ekwer rëtä vɨrokwa-rokwa tëi ichui, oarondagwä tëi avei oyerure puku-puku. A'e rumo oipɨsɨra ñemoɨrösa ipirätä katu va'e yuvɨreko kuri.”

San Marcos 3:30

Aipo e'i Jesús imboyevɨ ava upe, esepia karugwar vɨreko oyese e'i yuvɨreko chupe.

San Lucas 12:10

“Tüpä iñeröira akoi ava yande Yar Ra'ɨrɨ rese oñe'ërai va'e upe; niñeröi chietera rumo akoi ava oyuru pɨpe marä e'i va'e Espíritu Maräne'ɨ̇ upe.

2 Tesalonicenses 1:9

Evokoi iparaɨsura yuvɨreko, imokañɨprɨ yuvɨrekoira apɨre'ɨ̇, iyavei imboyepepɨsara amombrɨ yande Yar reko pirätäsa porañetesa sui,

San Judas 1:13

Inungar avei akoi ɨtu paragwasu pɨpe, omombo tɨyui va'e oyesui yepi. Egwë e'i avei sembiapo poromochisa. Inungar yasɨtata amove omokañɨ va'e gwaper sui a'e okañɨ tëi va'erä koiye pɨ̇tümimbisave apɨre'ɨ̇ yuvɨreko.

San Judas 1:7

Iyavei ambuae mbigwai eta, iyavei Sodoma pendar Gomorra pendar iyavei a'e tekwa ɨvɨrindar oyemondo oyemboagwasa-gwasa tëi agwä yuvɨreko, iyavei oyeeraso uka mba'e-mba'e tëi pɨpe yuvɨreko. Ipɨpe sui oiporara tata gwasu apɨre'ɨ̇ va'e yuvɨreko a'e opɨta opakatu yande yembosɨkɨye agwä.