San Marcos 3:2 - Tüpä Ñe'ëngagwer

² A'eve fariseo omaegätu Jesús rese yuvɨreko ombogwerara pi'ä mbɨtu'usa arɨ pɨpe, yaiñe'ëngapo anga'u oyapave tëi.

Tũpa Ñehengagüer

² Aheve avei fariseo ‘¿ombogüerara pĩha mbɨtuhusa arɨ pɨpe?’ oya omahengatu yuvɨreco sese ‘yaiñehengapo angahu’ oyapave tẽi.

San Marcos 3:2 Iomraidhean Croise

San Mateo 12:10

A'eve oime mbɨa ñepëi ipo ko kotɨgwer novɨi va'e; esepia ni'ä oseka tëi Jesús mbo'a uka agwä mba'e naporäi va'e pɨpe yuvɨreko, aipo e'i oporandu chupe: –¿Iya pi'ä mbɨtu'usa arɨ pɨpe imba'easɨ va'e imbogwerasa yepi?

San Marcos 3:3

Evokoiyase Jesús aipo e'i ko mbɨa ipo novɨi va'e upe: –Epü'a mbɨterve e'ä.

San Lucas 14:1

Egwë e'i aipo ñepëi mbɨtu'usa arɨ pɨpe Jesús oso okaru mborerekwar fariseo rëtäve, a'eve ambuae fariseo eta oivɨro yuvɨreko.

San Lucas 20:20

Omondo opa'ü pendar ivɨro agwä, inungar ava ndasekoasɨi anga'u va'e, chupe iñe'ë agwä Jesús upe toyavɨ anga'u oñe'ë oyapave viña vɨraso va'erä mborerekwar Roma pendar rovai yuvɨreko.

San Lucas 6:7

Moisés porokwaita rese oporombo'e va'e fariseo eta avei oma'egätu Jesús rese yuvɨreko ombogwerara pi'ä ko mbɨa mbɨtu'usa arɨ pɨpe oyapave ichui yaiñe'ëngapo anga'u tëi e'i yuvɨreko chupe.

San Juan 8:6

A'e oporandu yuvɨreko chupe sekoa'äsave tëi, ipare yamondo anga'u mba'e tëi pɨpe sereko oyapave. Jesús rumo oyaɨvɨ omboɨpɨ omba'ekwachia ɨvɨ rese okwä pɨpe.

San Juan 9:16

Oime fariseo pa'ü pendar aipo e'i yuvɨreko: –Akoi oyapo va'e ko nungar mba'e nda'ei ete Tüpä suindar, esepia ni'ä nomboetei ete mbɨtu'usa arɨ. Ambuae rumo aipo e'i yuvɨreko: –¿Marä e'ira pi'ä poromondɨisa apo viña, angaipa viyar tëi gwekose? Esepia oyeavɨratɨ tëi ipɨ'añemoñetasa yuvɨreko,