San Marcos 2:5 - Tüpä Ñe'ëngagwer

⁵ Jesús oikwase ko mbɨa yuvɨrekoi va'e oyese yeroya, a'ese aipo e'i imba'easɨ va'e upe: –Che ra'ɨrɨ, che ñerö nde angaipa rese ndeu.

Tũpa Ñehengagüer

⁵ Ahe oicuase co mbɨa yuvɨrecoi vahe oyese yeroya, aipo ehi imbaheasɨ vahe upe: —Che rahɨr, che ñero nde angaipa rese ndeu —ehi.

San Marcos 2:5 Iomraidhean Croise

San Mateo 9:2

A'eve vɨraso ndogwatai va'e yuvɨreko chupe, imba'easɨ va'e rɨru pɨpe; Jesús rumo oikwase oyese yeroya vɨreko va'e, a'ese aipo e'i imba'easɨ va'e upe: –Che ra'ɨrɨ, eyemopoäse; che ñeröi nde angaipa rese ndeu.

San Mateo 9:22

Jesús rumo oyemboyere kuña rese, aipo e'i chupe: –Che rayrɨ, eñemopoäse, erekwera kurïtëi Tüpä reroyasa erereko va'e pɨpe. Aipo i'e ramoseve okwera voi ete a'e kuña.

San Mateo 9:5

¿Mba'e pi'ä ndayavai katu, aipo ya'e va'erä: ‘Nde angaipa rese che ñeröi ndeu’, anise aipo esara tie: ‘Epü'a ipare egwata’?

San Marcos 2:6

Oime aipo Moisés porokwaita rese oporombo'e va'e, a'eve ogwapɨ va'e yuvɨnoi ipɨ'a ñemoñeta yuvɨreko:

San Marcos 5:34

Jesús aipo e'i chupe: –Che rayrɨ, erekwera kurïtëi Tüpä rese ndeyeroyasa pɨpe. Eso tuprɨ eiko erekwera ni'ä nde mba'erasɨsa sui.

San Lucas 5:20

Jesús oikwase ko mbɨa yuvɨrekoi yeroyasa oyese, a'ese aipo e'i imba'easɨ va'e upe: –Che mborɨpar, nde angaipa rese oime ñeröisa ndeu.

San Lucas 8:48

Jesús aipo e'i chupe: –Che rayrɨ, erekwera ite kurïtëi che rese ndeyeroyasa pɨpe. Sese eso tuprɨ eiko.

San Juan 2:25

A'e ndoipotai ete omombe'u va'erä ava rekokwer yuvɨreko chupe, esepia ni'ä a'e opa ite oikwa ava pɨ'añemoñetasa.

San Juan 5:14

Koiye Jesús osepia tüpäro pɨpe, aipo e'i chupe: –Ereikwa ko nde kwerasa kurïtëi, ani ereyemboangaipa iri, mba'e tëi pɨpe nde vɨapi e'ɨ̇ iri agwä.

Los Hechos 11:23

Oyepotase a'eve, Bernabé osepia Tüpä sovasase, a'ese oyembovɨ'arete katu. Ichui omboarakwa opakatu yuvɨrekoi va'erä pɨ'a ñemoñetasa avɨye va'e yande Yar rese.

Los Hechos 14:9

oyapɨsaka tuprɨ Pablo ñe'ë rese, ichui Pablo oma'egätu a'e mbɨa rese oikwa voi ete oyeroyase Tüpä rese okwera agwä.

Los Hechos 5:31

Ipare oseko mboɨvate ɨvave oakato kotɨ imbogwapɨ imoi, a'e ni'ä Mborerekwar iyavei Poropɨsɨrösar, tomboasɨ oangaipa, toyevɨ cheu, toipɨsɨ angaipa resendar ñeröisa yuvɨreko oya Tüpä Israel suindar upe.

1 Corintios 11:30

Ichui ni'ä seta pemba'easɨ, oime seta nipirätä iri va'e avei pe pa'üve, oime avei omano va'e pe pa'ü pendar.

2 Corintios 2:10

Kurïtëi che ñerö avei ava upe peñerö va'ekwer upe. Esepia oimese mba'e rese che ñerö agwä, Cristo rovake egwë a'e pe raɨsusave.

Efesios 2:8

Esepia Tüpä oporovasasa pɨpe pe pɨsɨrö Jesús rese peyeroyase. Nda'ei rumo pe rekokwer sui tëi peñepɨsɨrö, Tüpä ni'ä ombou oporerekosa peü.

Colosenses 3:13

Egwë peyera peñemosa oyeupe, peñeröi aveira opakatu oyeupe akoi pe pa'ü pendar oñemoɨröse peü. Inungar yande Yar ombou ñeröisa yandeu, pe avei egwë peyera ambuae ava upe.

Santiago 5:15

Akoi peyerurese peyeroyasa pɨpe, a'ese imba'easɨ va'e okwerara, yande Yar avei omopü'ara; akoi angaipa vɨrekose, oime aveira ñeröisa chupe.