San Marcos 2:20 - Tüpä Ñe'ëngagwer

²⁰ Oimerä rumo arɨ imer reraso agwä ichui kuri; a'ese ramo oyekwakura yuvɨreko.

Tũpa Ñehengagüer

²⁰ Oimera rumo arɨ imer reraso ãgua ichui curi, ahese ramo oyecuacura yuvɨreco cute —ehi.

San Marcos 2:20 Iomraidhean Croise

San Mateo 26:31

A'ese Jesús aipo e'i: –Opakatu pemokañɨrä che rese yeroyasa peyesui ko pɨ̇tü pɨpe. Esepia aipo e'i Ikwachiaprɨ pɨpe: ‘Ayukara ovesa rärösar, a'ese oñemosaï tëira ovesa opakatu rupi yuvɨreko.’

San Mateo 9:15

Jesús omboyevɨ chupe: –¿Avɨyera vo aipo ndovɨ'ai chira yuvɨnöi icho'oprɨ mendasave, imer oikove vɨteseve ipa'üve yuvɨreko? Oimerä rumo arɨ imer reraso agwä ichui kuri; a'ese ramo oyekwakura yuvɨreko.

San Marcos 2:19

Jesús omboyevɨ chupe: –¿Iyara pi'ä ava icho'oprɨ mendasave iyekwaku agwä, imer oikove vɨtese ipa'üve? Oikove vɨtese imer ndoikatui chietera oyekwaku agwä yuvɨreko.

San Marcos 2:21

“Ndiyai yayapete turukwar kwakwa turukwar ipɨasu va'e pɨpe, esepia ni'ä ipɨasu va'e oicho'o turukwar kwakwa imondoro iri agwä, ichorosa evokoiyase tuvicha katu-katuño ite.

San Lucas 17:22

Aipo e'i gwemimbo'e eta upe: –Oyepotara arɨ peipota tëira aiko va'erä pe pɨri ñepëi arɨ rupi yande Yar ra'ɨrɨ che rekosa pɨpe, ndache repia iri chira rumo peye.

San Lucas 5:35

Oimerä rumo arɨ imer reraso agwä ichui; oyepotase a'e arɨ, a'ese ramo oyekwakura yuvɨreko.

San Juan 12:8

Ava iparaɨsu va'e perekoño itera pe pa'ü rupi yepi; che rumo ndache rerekoi chietera pe pa'üve peye.

San Juan 13:33

Che ra'ɨreta che rembiaɨsu, ndaiko puku iri chira rumo pe rese. Pe rumo che reka tëira peye; inungar akoi amombe'u va'e judío eta upe a'e tuprɨ avei aipo amombe'u kurïtëi peü: Ndapei katui chietera peso va'erä che asosave.

San Juan 16:28

Äse vɨtu che Ru rovai sui aiko va'erä ko ɨvɨ pɨpe, kurïtëi aseyara ko ɨvɨ ayevɨ va'erä che Ru pɨri vicho.”

San Juan 16:7

Supiete aipo a'e peü: avɨye katura che asose pe sui. Esepia ndasoise viña, Poropɨtɨ̇vɨïsar ndoui chietera sekoi va'erä pepɨri; asose rumo che amboura peü narä.

San Juan 17:11

“Che ndaiko iri chira ko ɨvɨ pɨpe; a'e rumo yuvɨrekoveño itera ko ɨvɨ pɨpe, che evokoiyase asora nde pɨri. Che Ru ndaseko maräne'ɨ̇ va'e, esärö nde pirätäsa pɨpe nderer pɨpe sereko, akoi erembou cheu, oyese yuvɨrekoi tuprɨ agwä, inungar yande yaiko yepi.

San Juan 17:13

“Kurïtëi asora nde rekosave; che rumo amombe'u mba'e aikove vɨte seve ko ɨvɨ pɨpe, a'e avei vɨreko va'erä vɨ'aretesa oyese inungar che areko va'e yepi.

San Juan 3:29

Ñepëi mendasave, akoi vɨreko va'e gwembirekovɨ a'e imevɨ ite; iyavei imevɨ mborɨpar, osenduse a'eve o'ä oyembovɨ'arete iñe'ë renduse. Egwë a'e avei che kurïtëi ayembovɨ'aretera.

Los Hechos 1:9

Aipo i'e pare, oma'e Jesús ñe'ë mombe'usar yuvɨreko sese, a'eseve Tüpä vɨraso ɨvave. Ichui Jesús oike ɨva kɨ'a pa'üve, evokoiyase ndosepia iri ete yuvɨreko.

Los Hechos 14:23

Iyavei oiporavo ava yarakwa katu va'e ñepëi-pëi tüpäro yakatu rupi, ichui oyerure pare oyekwaku avei, ipare vɨropove'ë yande Yar upe, a'ese ramo ite vɨroya yuvɨreko.

Los Hechos 3:21

Kurïtëi rumo Jesucristo ɨvave vɨte sekoi akoi Tüpä opase voi omoigätu opakatu mba'e iyevɨ agwä, aipo e'i akoi imoñe'ë uka araka'endar oñe'ë mombe'usar ndaseko maräi va'e.

1 Corintios 7:5

Ndiyai peate'ɨ̇ oyeupe, oyoya rumo yayapo eme mba'e peyese peyeupe pe yerokɨ agwä Tüpä upe, a'e avɨyeño. Ndiyai rumo peyoeya pukura, avɨyeteramo ndapeñemosaï chira, ipɨpe sui avɨyeteramo Karugwar peätoi tiëtera.

2 Corintios 11:2

Esepia cherekate'ɨ̇ ite pe rese, a'e tekate'ɨ̇sa ou cheu Tüpä sui. Che aipota Cristo upe opomondo va'erä pe reko maräne'ɨ̇sa pɨpe, inungar kuñatäi ndaseko maräi va'e imondoprɨ kuimba'e upe imenda agwä.

2 Corintios 11:27

Amboavɨyepa ite mboravɨkɨ yavai va'e; seta yupagwer avei ndakei vichiko; aiporara tɨepore'ɨ̇ usei avei; seta yupagwer rupi ndakarui ete; so'ɨ̇sagwer avei aiporara, ndacheturukwai avei vichiko.

2 Corintios 6:5

egwë oro'e avei ore nupa-nupase, ore rokendase avei omongere'ɨ̇se ava re'ɨi ore amotare'ɨ̇ agwä yuvɨreko, oroyapo avei mboravɨkɨ ipirätä va'e amove ndorokei ete, seta rupi ndorerɨepoi tëi avei.

Apocalipsis 19:7

Tayayembovɨ'a katu yaiko, iyavei tayamondo yande vɨ'aretesa, yande sapukaisa yande Ru Tüpä upe, esepia ni'ä, kurïtëi oyepota arɨ mendasa Ovesami a'e Cristo sekoi va'e upendar. Sembireko evokoiyase opa oyemoigätu oiko:

Apocalipsis 21:9

Evokoiyase ou ñepëi ñuvɨrïo ova mbigwai ɨva pendar pa'ü sui, akoi ñuvɨrïo ova tuprɨ ɨgwa rɨru, ñuvɨrïo ova mba'erasɨ ipa va'e vɨreko va'ekwer ipɨpe, aipo e'i cheu: “Erio, amboyekwara kuña omenda va'evɨ ndeu, Ovesami a'e Cristo sekoi va'e rembirekovɨ.”