San Marcos 2:13 - Tüpä Ñe'ëngagwer

¹³ Ipare Jesús oso iri ɨpa ɨvɨi; a'eve oporombo'e oyese ava re'ɨi yemboyase.

Tũpa Ñehengagüer

¹³ Ipare Jesús oso iri ɨpa ɨvɨi. Aheve oporombohe oyese ava rehɨi yemboyase.

San Marcos 2:13 Iomraidhean Croise

San Mateo 13:1

A'e arɨ pɨpe Jesús osë oɨ sui oso, ogwapɨ ɨpa popɨve öi.

San Mateo 9:9

Jesús osose a'e ichui osepia ñepëi ava serer va'e Mateo, ogwapɨ a'eve öi gwarepochi rerokwasar Roma pendar uve ñarä. A'ese Jesús aipo e'i chupe: –Erio che rupi. Evokoiyase Mateo opü'a oso supi.

San Marcos 1:45

A'e mbɨa oso omombe'u-mbe'u opakatu ava upe mba'e osepia va'ekwer. Sese Jesús ndoikatu iri gweike agwä gwekokwer mombe'use tekwa rupi, opɨtaño tekwa popɨ rupi ava pore'ɨ̇save; ava rumo opakatu tekwa rupindar yuvɨrasoño ite sepia.

San Marcos 10:1

Ipare Jesús osë tekwa Cafarnaúm sui, oso Judea ɨvɨ rupi ɨai Jordán rovai arɨ sësa kotɨ. A'eve ava re'ɨi oñemonu'ä iri yuvɨreko sese. Iyavei ombo'e iri ava gwekokwer rupi tuprɨ.

San Marcos 2:2

kurïtëimi voi ete seta ava oñemonu'ä yuvɨreko sekosave; sese ndipoi ete ava reike iri agwä oɨ pɨpe okendɨpɨ rupi, a'e rumo omombe'uño ite ñe'ësa avɨye va'e.

San Marcos 4:1

Jesús oporombo'e iri ɨpa popɨ rupi. A'eve ava re'ɨi oyemboya yuvɨreko sese, ipare o'a Jesús ɨarusu pɨpe ɨmbe'ɨve, a'eve ogwapɨ öi, ava rumo opakatu ɨvɨ ätäsa rupi opɨtaño yuvɨreko.

San Lucas 19:48

Ndoikatui ete rumo mba'e apo yuvɨreko chupe, esepia opakatu ava oyapɨsaka iporombo'esa rese yuvɨreko.

San Lucas 21:38

Iyavei opakatu ava yuvɨraso añi'ïvëive tüpäro ve iñe'ë rendu agwä yuvɨreko yepi.