San Marcos 16:19 - Tüpä Ñe'ëngagwer

¹⁹ Oñe'ë pare, yande Yar Jesús oso ɨvave a'eve ogwapɨ Vu Tüpä akato kotɨ öi.

Tũpa Ñehengagüer

¹⁹ Oñehe pare, yande Yar Jesús oso ɨvave. Aheve oguapɨ Vu Tũpa acato cotɨ oĩ.

San Marcos 16:19 Iomraidhean Croise

San Marcos 16:20

Semimbo'e eta evokoiyase opa yuvɨraso opakatu ɨvɨ rupi; iyavei yande Yar oipɨtɨ̇vɨï, ichui omombe'u ñe'ësa omboyekwa avei poromondɨisa yuvɨreko.]

San Lucas 22:69

Ko pɨpe suive ite rumo, ava ɨvate katu va'e Ra'ɨrɨ, ogwapɨra Tüpä mba'e mboavaisare'ɨ̇ akato kotɨ.

San Lucas 9:51

Vɨrovɨse rumo arɨ ɨvave Jesús so agwä, a'ese oso okere'ɨ̇sa pɨpe ite Jerusalén ve.

San Juan 13:1

Pascua pieta renonde iyavei Jesús oikwa ite o'arɨ yepota ko ɨvɨ reya agwä oso va'erä Vu pɨri. A'e osaɨsu va'e ite ava oyeupendar ko ɨvɨ pɨpe yepi, egwë e'i saɨsu arɨ ipa va'e rupi.

San Juan 16:28

Äse vɨtu che Ru rovai sui aiko va'erä ko ɨvɨ pɨpe, kurïtëi aseyara ko ɨvɨ ayevɨ va'erä che Ru pɨri vicho.”

San Juan 17:13

“Kurïtëi asora nde rekosave; che rumo amombe'u mba'e aikove vɨte seve ko ɨvɨ pɨpe, a'e avei vɨreko va'erä vɨ'aretesa oyese inungar che areko va'e yepi.

San Juan 20:17

Jesús aipo e'i chupe: –Ani che mombɨta eve, esepia ndaso vitei ete che Ru pɨri. Eso iyavei emombe'u che reroyasar upe osora Vu pɨri erera yuvɨreko chupe, a'e che Ru pe Ru aveino, che Tüpä pe Tüpä aveino.

San Juan 21:15

Opase okaru yuvɨreko, Jesús oporandu aipo e'i Simón Pedro upe: –Simón, Juan ra'ɨrɨ, ¿che raɨsu katu vo eve ko yuvɨrekoi va'e sui? Pedro omboyevɨ chupe: –Taa, che Yar, nde ereikwa ite che oroaɨsuse. Jesús aipo e'i chupe: –Esärö tuprɨ ava che reroyasar sereko, esepia a'e yuvɨrekoi ovesami nungar.

San Juan 21:22

Jesús omboyevɨ chupe: –Aipotase a'e sekove vɨte agwä che yevɨse narä kuri, ¿marä vo ererekora nde? Nde egwataño che rupi.

San Juan 6:62

¿Marä peyera pi'ä che repiase peye che, ava ɨvate katu va'e Ra'ɨrɨ ayeupise che reko agwerve vicho viña?

Los Hechos 1:22

Juan oñapirämosa suive yuvɨrekoiño va'e ite yande rupi iyavei ɨvave ichosa osepia va'e avei yuvɨreko. A'e tiporavosa ñepëi ipa'ü pendar yande rupi omombe'u va'erä Jesús ikwerayevɨ agwer.”

Los Hechos 2:33

Ipare Tüpä vɨraso oakato kotɨ imbogwapɨ a'e oipɨsɨ imombe'uprɨ Espíritu Maräne'ɨ̇ Vu sui, evokoiyase a'e opa omondo ko ava yuvɨrekoi va'e upe. A'e pesepia pesendu avei kurïtëi peiko.”

Los Hechos 3:21

Kurïtëi rumo Jesucristo ɨvave vɨte sekoi akoi Tüpä opase voi omoigätu opakatu mba'e iyevɨ agwä, aipo e'i akoi imoñe'ë uka araka'endar oñe'ë mombe'usar ndaseko maräi va'e.

Romanos 8:34

¿Uma pi'ä oikatura imokañɨ? Esepia Cristo Jesús omano yande angaipa repɨrä; iyavei okwerayevɨ kurïtëi Tüpä akato kotɨ chini, oyerure yande rekokwer rese oiko.

Colosenses 3:1

Kurïtëi rumo okwerayevɨ va'e peiko Cristo rese, sese peseka katu ko mba'e avɨye va'e ɨva pendar, a'eve ɨvave Cristo ogwapɨ öi gweko mborerekwasa pɨpe Vu Tüpä akato kotɨ.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Hebreos 1:3

A'e ni'ä Tüpä rekokwer porañetesa sekoi, egwë e'i ete, a'e Tüpä rekokwer tuprɨ ite, a'e opakatu mba'e omovɨräkwä oñe'ë pirätäsa pɨpe. Yande angaipagwer sui yande moatɨrö pare oso, ogwapɨ Tüpä akato kotɨ öi ɨvave,

Hebreos 12:2

Yama'e tuprɨ itera Jesús rese, a'e ichui ni'ä yareko yande yeroyasa Tüpä rese, a'e avei oyese yande mboporeroya tuprɨ katu, Jesús oiporara kurusu rese omano ochie'ɨ̇sa pɨpe, esepia a'e oikwa ite oparaɨsu pare vɨrekora ovɨ'aretesa, ogwapɨse omborerekwasave Vu Tüpä akato kotɨ öi.

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

Hebreos 6:20

a'eve Jesús oike yande raperä mboi agwä, egwë e'i a'e apɨre'ɨ̇ va'e ite pa'i ɨvate katu va'e gweko agwä, inungar tuprɨ Melquisedec araka'e.

Hebreos 7:26

Supiete Jesús pa'i ɨvate katu va'e sekoi, evokoi nungar ipane ite yandeu yɨpɨndar. A'e ndaseko maräi va'e, ndoyapoi va'e mba'e tëi gweko maräne'ɨ̇sa pɨpe, nda'oyoyai avei ava angaipa viyar rese, iyavei a'e ɨvate katu va'e ɨva pendar sui.

Hebreos 8:1

Ko rupi ete oroyepota ore remimombe'u mba'e avɨye katu va'e upe, yareko ite evokoi nungar pa'i ɨvate katu va'e. A'e ogwapɨ Tüpä akato kotɨ öi omborerekwasa pɨpe ɨvave,

Hebreos 9:24

Esepia Cristo ndoikei ava tëi rembiapo tüpäro maräne'ɨ̇ pɨpe, a'e rumo ɨva pendar ra'anga tëi, egwë e'i rumo a'e oike ɨvave, a'eve kurïtëi sekoi Tüpä rovai yande pɨtɨ̇vɨï agwä oyerure pɨpe.

1 San Pedro 3:22

a'e oso ɨvave ogwapɨ öi Tüpä akato kotɨ, opakatu sembigwai eta, mborerekwareta, opakatu imborerekwasa ipirätä va'e avei ipovrɨ pendar yuvɨrekoi.