San Marcos 16:18 - Tüpä Ñe'ëngagwer

¹⁸ peipɨsɨ aveira mboi; iyavei peɨ'use mosa oporoyuka va'e, ndoyapoi chietera mba'e peü; iyavei pemondose pepo ava imba'easɨ va'e arɨve, a'e okwera itera yuvɨreko.”

Tũpa Ñehengagüer

¹⁸ Oipɨsɨ aveira mboi yuvɨreco, yuvɨroɨhuse mosa oporoyuca vahe, ndoyapoi chietera mbahe yuvɨreco chupe; iyavei omondose opo ava imbaheasɨ vahe harɨve, ombogüera aveira yuvɨreco” ehi.

San Marcos 16:18 Iomraidhean Croise

San Marcos 5:23

aipo e'i oporandu chupe: –Che rayrɨ omano pota ou; yaso teremondomi tëi ndepo i'arɨve imbogwera agwä iyavei toikove vɨtemi tëi.

San Lucas 10:19

Che ni'ä amondo pirätäsa peü pegwata va'erä mboi arɨ rupi mba'e rumbɨkɨäpe arɨ rupi avei, opakatu pe amotare'ɨ̇sar pirätäsa reroyɨ agwä, mba'e pe momarä e'ɨ̇ agwä avei.

Los Hechos 19:12

iyavei takuvo kɨtɨsa turukwar avei Pablo omonde va'ekwer, a'e serasosa imba'easɨ va'e upe imbogwera agwä, karugwar avei opa yuvɨnosë yuvɨreko ichui.

Los Hechos 3:12

Pedro, mba'e repiare, aipo e'i ava upe: “¿Ma'erä vo peyemondɨi ko mba'e repiase, pe Israel ɨgwar? ¿Ma'erä vo ore repia atɨ peye ndoyavɨi ko ore pirätäsa pɨpe tëi iyavei Tüpä rese ore pɨ'añemoñeta tuprɨsa pɨpe tëi orombogwera va'e ko mbɨa peü viña?

Los Hechos 3:16

Ko Jesús rer rese yeroya pɨpe ni'ä oipɨsɨ pirätäsa ko mbɨa ndogwatai va'ekwer opakatu pesepia va'e iyavei peikwa va'e. Jesús rese yeroyasa pɨpe ite ni'ä ko pe rembiepiave okwera tuprɨ.”

Los Hechos 4:10

Evokoiyase tapeikwapa opakatu pe Israel suindar peiko va'e okwera ko ava ndogwata katui va'ekwer Jesucristo Nazaret pendar rer pɨpe, a'e ni'ä peyatɨka uka va'ekwer kurusu rese Tüpä rumo ombogwerayevɨ iri omano va'e pa'ü sui.

Los Hechos 4:22

Evokoi ava oipɨsɨ va'e Tüpä poromondɨisa okwera agwä, a'e otɨ̇arö katu cuarenta aravɨter vɨreko va'e sui.

Los Hechos 4:30

Ipare nde pirätäsa pɨpe, embogwera imba'easɨ va'e iyavei eyapo mba'e poromondɨisa yavai va'e nde rembigwai Jesús rer maräne'ɨ̇ pɨpe.”

Los Hechos 9:34

Pedro aipo e'i chupe: –Eneas, Jesucristo nde mbogwera. Eñarapü'a emoigätu nde rupa. Eneas a'e ramo seve voi ete oñarapü'a.

Romanos 16:20

egwë e'i pɨ'aivira Tüpä Karugwar rekopɨpa gweko katuprɨsa pɨpe, pe avei evokoiyase pesekoreroyɨra. A'ese yande Yar Jesús perovasara perereko.

1 Corintios 12:9

Ambuae upe evokoiyase omondo oyese yeroya tuprɨ katu agwä Espíritu pɨpe sui avei, ambuae upe omondo opirätäsa imba'easɨ va'e mbogwera agwä.