San Marcos 16:10 - Tüpä Ñe'ëngagwer

¹⁰ A'e oso imombe'u Jesús rupindar upe, a'e rumo oyase'o vɨte ovɨ'are'ɨ̇save yuvɨreko.

Tũpa Ñehengagüer

¹⁰ Ahe oso imombehu supindar upe. Ahe rumo oyaseho vɨte ovɨharẽhɨsave yuvɨreco.

San Marcos 16:10 Iomraidhean Croise

San Mateo 19:22

A'e mbɨa chi'ïvä'e osenduse ko aipo e'i va'e, ndovɨ'ai tëi oso, esepia a'e mba'e yar ite sekoi.

San Mateo 24:30

A'ese oyekwara ɨva rese poromondɨisa che ava ɨvate katu va'e Ra'ɨrɨ yu agwä, iyavei opakatu ava-ava tëi ko ɨvɨ pɨpendar oyase'o tëira osɨkɨyepave yuvɨreko, ipare pesepiara che ava ɨvate katu va'e Ra'ɨrɨ agweyɨse ɨva kɨ'a rese che pirätäsa rendɨgwer porañetesa pɨpe.

San Mateo 9:15

Jesús omboyevɨ chupe: –¿Avɨyera vo aipo ndovɨ'ai chira yuvɨnöi icho'oprɨ mendasave, imer oikove vɨteseve ipa'üve yuvɨreko? Oimerä rumo arɨ imer reraso agwä ichui kuri; a'ese ramo oyekwakura yuvɨreko.

San Marcos 14:72

Aipo i'eseve takura oñe'ë imoñuvɨrïosa rupi, ipare Pedro oyemoma'endu'a Jesús ñe'ë agwer rese: ‘Takura ñe'ë yupagwesa renondeve, mbosapɨ yupagwer rupi, ndaikwai va'e evokoi mbɨa erera cheu’. Ichui oyase'o iteanga.

San Lucas 24:17

Jesús oporandu chupe: –¿Mba'e rese vo peñe'ë eteprɨ pe gwatasa rupi peiko? Aipo ese, ndovɨ'ai opɨta yuvɨno'ä,

San Juan 16:6

pe rumo ndapeyembovɨ'aiño, aipo mba'e amombe'use peü.

San Juan 20:18

Evokoiyase María Magdalena oso semimbo'e eta upe imombe'u Yar repia agwer, omombe'u avei iñe'ë agwer chupe yuvɨreko.