San Marcos 16:1 - Tüpä Ñe'ëngagwer

¹ Mbɨtu'usa arɨ pare, María Magdalena, María Santiago sɨ, Salomé vɨrokwa mba'e sɨäkwä va'e Jesús re'ögwer rese narä yuvɨreko.

Tũpa Ñehengagüer

¹ Mbɨtuhusa arɨ pare, María Magdalena, María, Santiago sɨ, Salomé avei, ahe vɨrocua mbahe sɨ̃acua vahe Jesús rehõgüer rese nara yuvɨreco.

San Marcos 16:1 Iomraidhean Croise

San Marcos 14:3

Jesús sekoi Betania ve, Simón rëtäve, a'e serer va'e mba'erasɨ vai rerekosarer. A'eve igwapɨ seve karusa rendave, oyepota ñepëi kuña ou mba'e sɨäkwä va'e sɨru reseve sepɨ iteanga va'e. A'e osovapɨsa rerokwa, ipare oipɨyere Jesús akä rese.

San Marcos 14:8

Ko kuña oyapo mba'e okatugwer rupi; opa voi omoɨäkwä che rete che mano e'ɨ̇ vɨteseve.

San Marcos 15:40

Oime avei a'eve kuña amombrɨve osepia katu yuvɨno'ä; a'e yuvɨrekoi María Magdalena, María Santiago sɨ a'e chi'ïvä'e katu va'e José sui, iyavei ambuae kuña Salomé.

San Marcos 15:42

A'e arɨ pɨpe aipo oime yemoigätusa, inungar arɨ mbɨtu'usa pɨpe, iyavei aipo ka'aru ite,

San Marcos 15:47

María Magdalena iyavei María, José sɨ, oma'egätu yuvɨno'ä sese yapokatuse.

San Marcos 16:2

Iyavei añi'ïvëive domingo pɨpe, yuvɨraso Jesús ruvɨpave, arɨ osë ramomiseve,

San Marcos 16:8

Evokoiyase a'e kuña yuvɨnosëse tuvɨpa sui, yuvɨnoña yuvɨraso, orɨrɨi avei osɨkɨyepave. Iyavei nomombe'ui ete ambuae ava upe osɨkɨyepave yuvɨreko. [

San Lucas 23:54

Esepia a'e arɨ pɨpe yemoigätusa mbɨtu'usa arɨ upe narä, osupitɨ pota ite rumo omboɨpɨ agwä.

San Lucas 23:56

Oyevɨse gwëtäve yuvɨreko, omoigätu mba'e sɨäkwä va'e te'ögwer resendar ipichi agwä. A'ese kuña opɨtu'u arɨ mbɨtu'usa pɨpe yuvɨreko mborokwaita rupi tuprɨ ite.

San Lucas 24:1

Domingo pɨpe ko'ëramomiseve yuvɨraso Jesús ruvɨpave mba'e gwembiapo sɨäkwä va'e reseve yuvɨreko.

San Juan 19:25

Jesús atɨkasave sekoi ichɨ, iyavei ichɨ kupɨ'ɨrɨ, María, Cleofás rembireko, María Magdalena avei.

San Juan 19:31

Ipanese ñepëi arɨ Pascua pieta agwä, a'ese judío eta ndoipotai ete opɨta va'erä ava retekwer kurusu rese mbɨtu'usa arɨ pɨpe yuvɨreko, esepia a'e mbɨtu'usa arɨ pɨpe imboeteisa gwasu va'e ite yepi. Sese Pilato upe oporandu yuvɨreko a'e oyokwai va'erä kurusu rese yatɨkaprɨ retɨ̇ma mopë agwä iyavei setekwer vɨroyɨ va'erä kurusu sui yuvɨreko.